H7N9བྱ་རིགས་ཆམ་རིམས་ལ་ཁ་གཏད་བཅོག་པར་དང་ཐོག“སེམས་ཁམས་ཀྱི་རིམས་འགོག་སྨན་ཁབ”ཅིག་རྒྱག་དགོས།

རྩོམ་པ་པོ།   མི་གསལ།  ཡིག་བསྒྱུར།       དུས་ཚོད།   2013-04-18   རྩོམ་ཁུངས།    ཀྲུང་གོ་བོད་ཀྱི་གསར་འགྱུར་དྲ་ཚུགས།

        ཉེ་ཆར་རྒྱལ་ཁབ་འཕྲོད་བསྟེན་དང་འཆར་ལྡན་བུ་བཙའ་ཨུ་ཡོན་ལྷན་ཁང་གིས་མིག་སྔར་H7N9བྱ་རིགས་ཆམ་རིམས་ཀྱི་རིམས་འགོག་སྨན་ཁབ་བཟོ་བའི་ལས་དོན་བྱེད་འགོ་ཚུགས་ཀྱང་ནད་གཞི་ཤེས་རྟོགས་ཐུབ་པ་ནས་རིམས་འགོག་སྨན་ཁབ་བཟོ་བའི་བར་ཉུང་མཐར་ཡང་ཟླ་བ་དྲུག་ནས་བརྒྱད་བར་དགོས་ཀྱི་ཡོད་ཅེས་བཤད། H7N9བྱ་རིགས་ཆམ་རིམས་གློ་བུར་དུ་ཐོན་པར་ཁ་གཏད་བཅོག་རིང་རིམས་འགོག་སྨན་ཁབ་སྒུག་པ་དང་དུས་མཚུངས་སྤྱི་དམངས་ཀྱིས་དང་ཐོག“སེམས་ཁམས་ཀྱི་རིམས་འགོག་སྨན་ཁབ”ཅིག་རྒྱག་དགོས།
        འཇིགས་སྣང་ནི་མི་རྟོགས་པ་ལས་བྱུང་། འཇིགས་སྣང་དེ་ལུས་ཁམས་ཀྱི་ནད་དུག་ལས་ཁྱབ་མགྱོགས་ཤིང་ཁྱབ་རྒྱའང་ཆེ་ལ་སྤྱི་ཚོགས་ཐོག་ཤུགས་རྐྱེན་ཆེན་པོའང་བཟོ་སྲིད། དམིགས་བསལ་གློ་ཚད་ཐོན་སྐབས་ཚུའུ་དང་སྨན་པན་ལན་ཀན་ཧབ་ཐོབ་བརྒྱབ་པ་དང་རི་པིན་དུ་ས་ཡོམ་རྒྱག་སྐབས་ཚྭ་ཧབ་ཐོབ་བརྒྱབ་ཡོད་པ་རེད། མི་སེར་ཚོས་ཆམ་རིམས་ཀྱི་གནས་ཚུལ་ངོ་མ་དེ་དཔོན་ཕྱོགས་ཀྱིས་བཤད་པ་ལས་ཚབས་ཆེ་བ་ཡོད་དམ། ད་ལྟ་མ་ཉོས་ན་རྗེས་སུ་གོང་འཕར་བའམ་ཡང་ན་ཉོ་ས་མེད་པར་གྱུར་ན་ཇི་ལྟར་བྱེད་དགོས་བསམ་གྱི་ཡོད།
        ད་ཐེངས་རྒྱལ་ཁབ་འཕྲོད་བསྟེན་དང་འཆར་ལྡན་བུ་བཙའ་ཨུ་ཡོན་ལྷན་ཁང་གིས“སྔ་ས་ནས་ཤེས་རྟོགས་དང་། སྔ་ས་ནས་སྙན་ཞུ། སྔ་ས་ནས་ནད་དཔྱད། སྔ་ས་ནས་སྨན་བཅོས”བཅས་ཀྱི་བྱེད་ཕྱོགས་མཐའ་འཁྱོངས་བྱེད་དགོས་པ་བཏོན་པ་དང་དུས་མཚུངས“རིམས་ནད་ཀྱི་ཆ་འཕྲིན་ཡོངས་བསྒྲགས་བྱེད་པ་དང་སྤྱི་ཚོགས་ཀྱི་དོ་ཁུར་ལ་དུས་ཐོག་ཏུ་ཨ་ལན་སློག་གི་ཡིན”ཞེས་ཁས་ལེན་ཡང་བྱས་ཡོད།

分享到：QQ空间新浪微博腾讯微博人人网微信