ཁུལ་སྐབས་བཅུ་གཉིས་པའི་མི་དམངས་འཐུས་མི་ཚོགས་ཆེན་གྱི་ཚོགས་འདུ་ཐེངས་གསུམ་པ་རྒྱལ་ཁའི་ངང་འཚོགས་པ།

        ཟླ3པའི་ཚེས28ཉིན་གྱི་ཕྱི་དྲོ།བདེ་ཆེན་བོད་རིགས་རང་སྐྱོང་ཁུལ་སྐབས་བཅུ་གཉིས་པའི་མི་དམངས་འཐུས་མི་ཚོགས་ཆེན་གྱི་ཚོགས་འདུ་ཐེངས་གསུམ་པ་སེམས་ཀྱི་ཉི་ཟླ་རྫོང་མཁར་ནས་གཟབ་རྒྱས་ངང་འཚོགས་པ། (ཡུའེ་ཧྥུ་ཆོན་གྱིས་པར་བླངས།)

       སེམས་ཀྱི་ཉི་ཟླའི་བོད་ཡིག་དྲ་བའི་འཕྲིན།ཟླ་ 3 པའི་ཚེས་ 28 ནས་ཟླ་ 4 པའི་ཚེས་ 1 ཉིན་བར།དུས་ཡུན་ཉིན་ 4 ཡིན་པའི་བདེ་ཆེན་བོད་རིགས་རང་སྐྱོང་ཁུལ་སྐབས་བཅུ་གཉིས་པའི་མི་དམངས་འཐུས་མི་ཚོགས་ཆེན་གྱི་ཚང་འཛོམས་ཚོགས་འདུ་ཐེངས་གསུམ་པའི་གྲོས་རིམ་ཁག་ཡོངས་སུ་གྲུབ་རྗེས།ཟླ་ 4 པའི་ཚེས་ 1 ཉིན་ཁུལ་ཨུའི་སྙན་ཞུ་ཚོམས་ཆེན་ནས་རྒྱལ་ཁའི་ངང་མཇུག་སྒྲིལ་བ།   ཐེངས་འདིའི་ཚོགས་འདུ་ནི་དམངས་གཙོ་དང་མཐུན་སྒྲིལ་འཆམ་མཐུན་གྱི་ཚོགས་འདུ་ཞིག་ཡིན་ཞིང་སེམས་ཤུགས་གཅིག་འགྲིལ་དང་བདེན་འཚོལ་དངོས་གཉེར་དང་འཕེལ་རྒྱས་ཀྱི་ཚོགས་འདུ་ཞིག་ཡིན་པ་རེད།ཚོགས་འདུ་ལེགས་འགྲུབ་ངང་འཚོགས་པ་དེས་སྔར་ལས་ལྷག་པར་ཁུལ་ཡོངས་ཀྱི་མི་རིགས་ཁག་གི་མི་དམངས་ཀྱིས་ཏང་གི་ཚོགས་ཆེན་བཅོ་བརྒྱད་པའི་དགོངས་དོན་དང་ཁུལ་ཨུའི་སྐབས་བདུན་པའི་ཚོགས་འདུ་ཐེངས་བཞི་པའི་དགོངས་དོན་སློབ་སྦྱོང་བྱེད་རྒྱར་སྐུལ་སློང་བྱས་ཏེ།ཁུལ་ཡོངས་གོང་འོག་གི་བློ་གྲོས་དང་སྟོབས་ཤུགས་གོང་བུར་སྒྲིལ་ནས།བདེ་ཆེན་གྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་གོམ་སྟབས་མགྱོ གས་སུ་གཏོང་བ་དང་།རྒྱལ་ཡོངས་བོད་ཁུལ་གྱི་མཆོང་སྐྱོད་འཕེལ་རྒྱས་དང་ཡུན་རིང་བདེ་འཁོད་དཔེ་སྟོན་ཁུལ་གྱི་འཛུགས་སྐྲུན་ལ་སྐུལ་སྤེལ་གཏོང་བར་གལ་ཆེའི་སྐུལ་ནུས་ཐོན་ངེས་པ་རེད།
       ཟླ་ 3 པའི་ཚེས་ 28 ཉིན་གྱི་སྔ་དྲོར་ཚོགས་པའི་ཚོགས་འདུ་གཉིས་ཀྱི་ཏང་ཡོན་ཚོགས་འདུའི་ཐོག་ཁུལ་ཨུའི་ཧྲུའུ་ཅི་ཀྲང་ཏེང་ལིའང་གིས་གསུང་བཤད་གནང་བ་རེད།ཁོང་གིས་ནན་གྱིས་གསུང་དོན།སྔར་ལས་ལྷག་པར་བསམ་བློ་གཅིག་གྱུར་བྱེད་པ་དང་ལས་འགན་གསལ་པོ་བྱས་ཏེ།ཏང་ཡོན་འཐུས་མི་དང་ཏང་ཡོན་ཨུ་ཡོན་གྱི་བྱེད་ནུས་འདོན་སྤེལ་གང་ལེགས་བྱས་ནས།ཚོགས་འདུར་ཞུགས་པའི་དེ་མིན་གྱི་འཐུས་མི་དང་ཨུ་ཡོན་ལ་མཐུན་སྒྲིལ་བྱས་པ་དང་ཕྱར་བ་གྲུ་འདེགས་ངང་ཚད་གཞི་མཐོ་ལ་སྤུས་ཚད་མཐོ་བའི་ངང་ཚོགས་འདུའི་གྲོས་རིམ་ཁག་གི་ལས་འགན་ཡོངས་སུ་གྲུབ་སྟེ་ཏན་ཏིག་གིས་ཁུལ་ཡོངས་ཀྱི་དཔལ་འབྱོར་སྤྱི་ཚོགས་ཡག་ཅིང་མགྱོ གས་པོར་འཕེལ་རྒྱལ་ཡོང་བར་སྐུལ་འདེད་གཏོང་དགོས།
       ཟླ་3པའི་ཚེས་28ཉིན་གྱི་ཕྱི་དྲོར་འཚོགས་པའི་འགོ་ཚུགས་ཚོགས་འདུའི་ཐོག ཁུལ་གཙོ་ཧོང་ཀྲེང་ཧུང་གིས་ཁུལ་མི་དམངས་སྲིད་གཞུང་གི་ཚབ་ཞུས་ནས་ཚོགས་ཆེན་ལ་སྲིད་གཞུང་ལས་ཀའི་སྙན་ཞུ་ཕུལ་བ་རེད།
       ཚོགས་འདུར་ཞུགས་པའི་འཐུས་མིས་བདེ་ཆེན་ཁུལ་མི་དམངས་སྲིད་གཞུང་གི་ལས་ཀའི་སྙན་ཞུའི་གྲོས་ཆོད་དང་།བདེ་ཆེན་ཁུལ་ 2012 ལོའི་རྒྱལ་དམངས་དཔལ་འབྱོར་དང་འཕེལ་རྒྱས་སྐོར་གྱི་འཆར་གཞིའི་ལག་བསྟར་གནས་ཚུལ་དང་ 2103 ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་སྐོར་གྱི་འཆར་གཞིའི་གྲོས་ཆོད།བདེ་ཆེན་ཁུལ་ 2012 ལོའི་ས་གནས་ནོར་སྲིད་ཀྱི་སྔོན་རྩིས་ཀྱི་ལག་བསྟར་གནས་ཚུལ་དང་ 2103 ལོའི་ས་གནས་ནོར་སྲིད་ཀྱི་སྔོན་རྩིས་ཀྱི་གྲོས་ཆོད་དང་།བདེ་ཆེན་ཁུལ་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ལས་ཀའི་སྙན་ཞུའི་གྲོས་ཆོད་དང་།བདེ་ཆེན་ཁུལ་འབྲིང་རིམ་མི་དམངས་ཁྲིམས་ཁང་གི་ལས་ཀའི་སྙན་ཞུའི་སྐོར་གྱི་གྲོས་ཆོད།བདེ་ཆེན་ཁུལ་མི་དམངས་ཞིབ་དཔྱོད་ཁང་གི་ལས་ཀའི་སྙན་ཞུའི་སྐོར་གྱི་གྲོས་ཆོད།ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་གྱི་རྩྭ་ཐང་དོ་དམ་སྲོལ་ཡིག་འཆར་ཟིན་གྱི་གྲོས་ཆོད་སོགས་གྲོས་ཆོད་ཁག་7ལ་གྲོས་ཞིབ་བྱས་ནས་གྲོས་འཆམ་བྱུང་བ་རེད།
       ཀྲང་ཏེང་ལིའང་དང་ཧོང་ཀྲེང་ཧུང་།དབྱང་མིང་ཧྲུའུ།ཏུའུ་ཡུང་ཁྲུན་སོགས་མཇུག་སྒྲིལ་བའི་ཚོགས་འདུར་ཕེབས་པ།ཁུལ་མི་དམངས་འཐུས་མི་ཚོགས་ཆེན་གྱི་ཀྲུའུ་རེན་ལི་ཚན་ཀོང་གིས་མཇུག་སྒྲིལ་བའི་ཚོགས་ཆེན་ཐོག་གསུང་བཤད་གནང་བ་རེད།ཁོང་གིས་གསུང་དོན།མི་དམངས་འཐུས་མི་ཚོགས་ཆེན་ལམ་ལུགས་དང་མི་དམངས་འཐུས་མིའི་ལས་ཀ་དེ་དུས་གཏན་རྒྱུན་མཐུད་ངང་འཕེལ་རྒྱས་གཏོང་བའི་བྱ་གཞག་ཞིག་ཡིན་ཞིང་།རྒྱ་ཆེ་བའི་འཐུས་མིས་མི་དམངས་ཀྱི་ཆེད་དུ་དབང་ཆ་ཡག་པོ་འཛིན་པ་དང་།དབང་ཆ་ཡག་པོ་སྤྱད་ནས།ཐོག་མཐའ་བར་གསུམ་དུ་སྤོབས་པ་རྒྱས་པའི་སྙིང་སྟོབས་ཀྱིས་བདེ་ཆེན་གྱི་འཕེལ་རྒྱས་དང་དམངས་འཚོ་ལེགས་སུ་གཏོང་བར་རང་ཉིད་ཀྱི་བྱས་རྗེས་འཇོག་རྒྱུའི་རེ་བ་བཏོན་ཞིང་།ཁུལ་ཡོངས་ཀྱི་རིམ་ཁག་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ལྷན་གྱིས་ཏང་གི་ཚོགས་ཆེན་བཅོ་བརྒྱད་པའི་དགོངས་དོན་དོན་འཁྱོལ་མཐར་ཕྱིན་བྱེད་པ་དང་།ཐེངས་འདིའི་ཚོགས་ཆེན་ཐོག་གི་གྲོས་ཆོད་ཁག་ཁྱོན་ཡོངས་ནས་དོན་འཁྱོལ་བྱེད་རྒྱུ་དང་ལྟེ་བར་གཞིགས་པ་དང་ཁྱོན་ཡོངས་ལ་ཞབས་འདེགས་ཞུ་རྒྱུར་ཟུང་འབྲེལ་བྱེད་པ།རྩ་ཁྲིམས་དང་བཅའ་ཁྲིམས་ཀྱི་གཏན་འབེབས་ལ་བརྩི་སྲུང་ནན་པོ་བྱས་ནས།ཐོག་མཐའ་བར་གསུམ་དུ་མི་དམངས་ཀྱི་རྩ་བའི་ཁེ་ཕན་དེ་ཡག་པོ་འགྲུབ་པ་དང་སྲུང་སྐྱོང་ཡག་པོ་བྱེད་པ།འཕེལ་རྒྱས་ཡག་པོ་བྱེད་རྒྱུ་དེ་མི་དམངས་འཐུས་མི་ཚོགས་ཆེན་གྱི་ལས་ཀའི་འགོ་ཚུགས་ས་དང་དམིགས་ཡུལ་བྱས་ཏེ།དངོས་ཐོག་ནས་མི་དམངས་འཐུས་མི་ཚོགས་ཆེན་གྱི་ལས་ཀ་དེ་མི་དམངས་ཀྱི་ཆེད་དུ་ཁེ་ཕན་འཚོལ་བའི་ངོ་བོ་གསལ་པོར་མཚོན་རྒྱུའི་རེ་བ་བཏོན་པ་རེད།