དབྱི་རག་དམག་ཕྱོགས་ཀྱིས་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ཀྱི་དབྱི་རག་མངའ་ཁོངས་ཀྱི་ས་ཁོངས་འཛད་ལ་ཉེ་བར་བཤད།

དབྱི་རག་དམག་ཕྱོགས་ཀྱིས་ཚེས་བཅུ་གཅིག་ཉིན་བསྟན་དོན། ལོ་གཉིས་ལྷག་ལ་ཆམ་ཕབ་བཏང་བ་བརྒྱུད། སྲིད་གཞུང་དམག་དཔུང་གིས་མིག་སྔར་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ཀྱིས་བཙན་བཟུང་བྱས་པའི་དབྱི་རག་གི་མངའ་ཁོངས་མང་ཆེ་བ་ཕྱིར་འཕྲོག་ལེན་བྱས་ཡོད་པ་དང་། དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ཀྱི་དབྱི་རག་མངའ་ཁོངས་ཀྱི་ས་ཁོངས་འཛད་ལ་ཉེ་ཟེར།

དབྱི་རག་མཉམ་འབྲེལ་འགུལ་སྐྱོད་བཀོད་འདོམ་པུའུ་ཡི་མགྲིན་ཚབ་པ་ལཱ་སུའུ་ཨར་གྱིས་ཉིན་དེར་གསར་འགོད་པའི་སྣེ་ལེན་ཚོགས་འདུའི་སྟེང་བཤད་རྒྱུར། ཉིས་སྟོང་བཅུ་བདུན་ལོའི་ཟླ་གསུམ་པའི་ཚེས་སོ་གཅིག་ཉིན་བར། དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ཀྱིས་བཙན་བཟུང་བྱེད་པའི་དབྱི་རག་གི་ས་ཁོངས་རྒྱ་ཁྱོན་དེ་ཉིས་སྟོང་བཅུ་བཞི་ལོའི་བརྒྱ་ཆའི་བཞི་བཅུ་ནས་བརྒྱ་ཆའི་དྲུག་དང་གྲངས་ཆུང་བརྒྱད་ལ་ཇེ་ཉུང་དུ་སོང་ཡོད་ཟེར།

རྒྱུས་ལོན་བྱུང་བ་ལྟར་ན། མིག་སྔར་དབྱི་སི་ལན་རྒྱལ་ཁབ་ཅེས་པའི་ཐལ་སྤྱོད་རྩ་འཛུགས་ཀྱིས་དབྱི་རག་ནུབ་བྱང་ཕྱོགས་ཀྱི་མའོ་སུའུ་ཨར་ནུབ་ངོས་ས་ཁུལ་དང་བྱང་ཕྱོགས་ཀྱི་ཐེ་ལེ་ཨ་ཧྥེ་ཨར་། དེ་མིན་ནུབ་ཕྱོགས་ནས་སི་རི་ཡཱ་དང་མཐའ་འབྲེལ་དུ་ཡོད་པའི་ཅཱ་དབྱེ་མུའུ་སོགས་ས་ཁུལ་ཉུང་ཤོས་ན་ཆེས་མཇུག་མཐའི་འགོག་རྒོལ་བྱེད་བཞིན་ཡོད་པ་རེད།

ལཱ་སུའུ་ཨར་གྱིས་བཤད་རྒྱུར། མའོ་སུའུ་ཨར་ཤར་ཕྱོགས་མཁར་ཁུལ་ལ་ད་ལོའི་ཟླ་དང་པོར་བཅིངས་འགྲོལ་ཐུབ་པ་བྱུང་ཡང་། ནུབ་ཕྱོགས་མཁར་ཁུལ་གྱི་སྲང་ལམ་དོག་པ་དང་མི་གྲངས་འདུས་ཚད་མང་བས། མིག་སྔར་སྲིད་གཞུང་དམག་དཔུང་གི་གནས་དེའི་དཔུང་འཇུག་མྱུར་ཚད་ཧ་ཅང་དལ་བ་རེད་ཟེར།