ཁ་བ་དཀར་པོར་ཡུལ་སྐོར་བ་ཡོང་ཚད་སྔོན་རྩིས་ལྟར་ཁྲི་བརྒྱ་ལས་བརྒལ་རྒྱུ་ཡིན་པ།

              འབྲེལ་ཡོད་སྡེ་ཁག་གིས་སྔོན་རྩིས་བྱས་པ་ལྟར་ན།     ད་ལོར་ཁ་བ་དཀར་པོ་རྒྱལ་ཁབ་སྤྱི་གླིང་དུ་ལྟ་སྐོར་ཡོང་བའི་ཡུལ་སྐོར་བ་ཁྲི་བརྒྱ་ལས་བརྒལ་རྒྱུ་ཡིན་པ།   ཧུར་ཐག་གིས་ཡུལ་སྐོར་བ་གློ་བུར་དུ་ཡོང་ཚད་འཕར་བའི་གནོན་ཤུགས་སེལ་ཆེད། འཇོལ་རྫོང་རྫོང་ཨུ་དང་རྫོང་སྲིད་གཞུང་། ཁ་བ་དཀར་པོ་རྒྱལ་ཁབ་སྤྱི་གླིང་དོ་དམ་ཅུས།   ཁ་བ་དཀར་པོ་རྒྱལ་ཁབ་སྤྱི་གླིང་བདག་གཉེར་གསར་གཏོད་ཀུང་སི་བཅས་ཀྱིས་མཐུན་སྦྱོར་བྱས་ནས།  ཡུལ་སྐོར་བ་རེ་རེ་ལ་བདེ་འཇགས་དང་སྐྱིད་པོ།   སྤུས་ལེགས་ཀྱི་ཡུལ་སྐོར་ཁོར་ཡུག་ཅིག་འཛུགས་པར་བརྩོན་ལེན་བྱེད་པ་རེད།
    ཤེས་གསལ་བྱུང་དོན། 2003ལོའི་བོད་ཤིང་མོ་ལུག་ལོར་ཁ་བ་དཀར་པོ་རྒྱལ་ཁབ་སྤྱི་གླིང་དུ་ཡོང་བའི་ཡུལ་སྐོར་བ་ཁྲི་60ལས་བརྒལ་བ། འགྲིམ་འགྲུལ་གྱི་ཆ་རྐྱེན་དང་ཁ་བ་དཀར་པོ་ལྗོངས་ཁུལ་གྱི་སྐད་གྲགས་ཆེ་ཚད་མཐོར་གདེགས་གཏོང་བ་དང་མི་དམངས་ཀྱི་འཚོ་བ་ལེགས་སུ་གཏོང་བར་བསྟུན་ནས།   ད་ལོར་ཡོང་བའི་ཡུལ་སྐོར་བ་སྔོན་རྩིས་བྱས་པ་ལྟར་ན་ཁྲི་བརྒྱ་ལས་བརྒལ་རྒྱུ་རེད།  དེའི་ཕྱིར་ཁ་བ་དཀར་པོ་རྒྱལ་ཁབ་སྤྱི་གླིང་དོ་དམ་ཅུས་ཀྱིས་དུས་ཚད་ཀྱི་སྔོན་དུ་བོད་རྒྱ་སྐད་གཉིས་ཤན་སྦྱར་བྱས་པའི་ཡུལ་སྐོར་བས་ཤེས་དགོས་པའི་ཤེས་བྱ་དང་ལྗོངས་ཁུལ་གྱི་སྣེ་སྟོན་ཤོག་བྱང་།  སྦྱར་ཡིག་ཤིང་བྱང་བཅས་བཟོས་ཡོད་དེ།  བདེ་འཇགས་ཀྱི་ཡུལ་སྐོར་དང་དཔལ་ཡོན་གྱི་ཡུལ་སྐོར་དར་སྲོལ་གཏོད་པ། དུས་མཚུངས་སུ་ཅུས་འདིའི་ལས་བྱེད་མི་སྣས་ལས་ཡུལ་དངོས་སུ་ཟབ་ཞུགས་བྱས་ནས། ཤར་ཏང་དོ་དམ་ས་ཚིགས་དང་མེ་ལོང་དོ་དམ་ས་ཚིགས་སོགས་ལ་ལས་རེས་བྱེད་པ་རེད། 
    བོད་མིའི་གནས་མཇལ་གོམས་སྲོལ་ལ་གཞིགས་ནས།   འཇོལ་རྫོང་ནགས་ལས་ཅུས་ཀྱིས་ས་ཆ་གཞན་དག་ནས་སྨྱུག་མ་གཅིག་ལ་སྒོར་2སྤྲད་དེ་སྨྱུག་མ་ཁྲི་4ཉོ་ཞིང་གནས་མཇལ་ཡོང་མཁན་ལ་སྤྲོད་རྒྱུ་ཡིན།