རང་ཁུལ་ནས་རྒྱལ་ཁབ་མི་རིགས་ལས་དོན་ཨུ་ལྷན་གྱི་སྐད་གཉིས་ཤེས་ལྡན་མི་སྣའི་གསོ་སྦྱོང་བསྡུས།

    སེམས་ཀྱི་ཉི་ཟླའི་བོད་ཡིག་དྲ་བའི་འཕྲིན། ཟླ་8ཚེས་20ཉིན།རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གི་སྐད་གཉིས་ཤེས་ལྡན་མི་སྣའི་གསོ་སྐྱོང་རྟེན་གཞིའི་(ཡུན་ནན་མི་རིགས་སློབ་ཆེན)2017ལོའི་སྐད་གཉིས་（རྒྱ་བོད）དགེ་རྒན་གྱི་གསོ་སྦྱོང་དེ་རང་ཁུལ་དུ་འགོ་ཚུགས་པ་རེད།

    རྒྱལ་ཁབ་མི་རིགས་ལས་དོན་ཨུ་ལྷན་དང་། སློབ་གསོ་དང་ཚན་རྩལ་སིའི་སི་ཀྲང་ཐན་ལན་ཀང་འཛིན་གྲྭ་འགོ་ཚུགས་མཛད་སྒོར་ཕེབས་པ་དང་འབྲེལ་གསོ་སྦྱོང་བྱེད་རིང་དུ་ཆེད་དོན་བཤད་ཁྲིད་བྱས།

    ཤེས་རྟོགས་བྱུང་བར་གཞིགས་ན། ད་ཐེངས་ཀྱི་གསོ་སྦྱོང་དེ་རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གི་སྐད་གཉིས་ཤེས་ལྡན་མི་སྣའི་གསོ་སྐྱོང་རྟེན་གཞི་(ཡུན་ནན་མི་རིགས་སློབ་ཆེན)ཡིས་གཙོ་གཉེར་བྱས་པ་དང་ཁུལ་སློབ་གསོ་ཅུས་ཀྱིས་སྒྲུབ་འགན་ལེན་པ་རེད། གསོ་སྦྱོང་གི་དམིགས་ཡུལ་ནི་ཁུལ་དེའི་སློབ་གྲྭ་འབྲིང་ཆུང་གི་བོད་ཡིག་སློབ་གསོ་སློབ་ཁྲིད་ཀྱི་ཆུ་ཚད་སྔར་བས་མཐོ་རུ་གཏོང་རྒྱུ་དང་། སློབ་གྲྭ་འབྲིང་ཆུང་བོད་ཡིག་དགེ་རྒན་གྱི་ཆེད་ལས་བྱང་ཚད་དང་སློབ་ཁྲིད་ཀྱི་ནུས་པ་ལ་ཤུགས་སྣོན་རྒྱག་རྒྱུ་དེ་རེད།

    དུས་ཡུན་ཉིན་2རིང་གི་གསོ་སྦྱོང་ཁྲོད་སློབ་ཁྲིད་བྱེད་མཁན་རིགས་གཅིག་མཁས་པས་ཡུན་ནན་མི་རིགས་ཀྱི་སྐད་ཡིག་ལས་དོན་གྱི་བསྡུས་དོན་དང་། སྐད་དང་ཡི་གེའི་རིག་པས་སློབ་གྲྭ་འབྲིང་ཆུང་སྐད་ཡིག་གི་སློབ་ཁྲིད་ཁྲོད་ཀྱི་བཀོལ་སྤྱོད་དང་དབྱེ་ཞིབ། བོད་སྐད་ཀྱི་གནས་བབ་དང་ཞིབ་འཇུག་གི་དོན་སྙིང་། བོད་རིགས་ཀྱི་ཡིག་སྒྱུར་ལོ་རྒྱུས་མདོར་བསྡུས་ཙམ་གླེང་བ་སོགས་ཀྱི་ནང་དོན་བརྗོད་བྱ་གཙོ་བོར་བྱས་ནས་ཆེད་དོན་གསོ་སྦྱོང་བྱས་པ་རེད། 

    གསོ་སྦྱོང་མཇུག་འགྲིལ་རྗེས། གསོ་སྦྱོང་ནང་ཞུགས་མཁན་དགེ་རྒན་ལ་རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་སྐད་གཉིས་ཤེས་ལྡན་མི་སྣའི་གསོ་སྦྱོང་རྟེན་གཞི་དང་བདེ་ཆེན་ཁུལ་སློབ་གསོ་ཅུས་གཉིས་ཀྱིས་མཉམ་སྦྲེལ་ཐོག་ཐམ་ག་བརྒྱབ་པའི་སློབ་མཇུག་སྒྲིལ་བའི་ལག་ཁྱེར་སྤྲོད་རྒྱུ་རེད།

    ཡུན་ནན་མི་རིགས་སློབ་ཆེན་གྱི་སློབ་སྤྱི་གཞོན་པ་ལི་ཀོང་མིང་འགོ་ཚུགས་མཛད་སྒོར་ཕེབས་པ་དང་། ཁུལ་ཡོངས་ཀྱི་སློབ་གྲྭ་འབྲིང་ཆུང་གི་བོད་ཡིག་དགེ་རྒན་གསོ་སྦྱོང་ནང་ཞུགས་པ་རེད།