འཇོལ་རྫོང་གིས་ཁུལ་སྟོན་གྱི་རྣམ་གྲངས་འཛུགས་སྐྲུན་མགྱོགས་སུ་བཏང་བ།

         སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཉེ་སྔོན། འཇོལ་རྫོང་གིས་གྲོང་ཁྱེར་གྱི་རྣམ་གྲངས་འཛུགས་སྐྲུན་གྱི་ལས་གཞི་མགྱོགས་སུ་བཏང་ནས། ནུས་ཤུགས་ཡོད་རྒུས་ཁུལ་སྟོན་བསུ་བར་གྲ་སྒྲིག་བྱེད་བཞིན་ཡོད་པ་རེད།
 འཇོལ་རྫོང་གི་གྲོང་ཁྱེར་འཛུགས་སྐྲུན་རྣམ་གྲངས་གཙོ་བོ་ནི་གསར་དུ་བསྐྲུན་པའི་གྲོང་ཁྱེར་གཞུང་ལམ་ཧོ་ཞང་ནུབ་ལམ་དང་། འཕྲལ་སྡོམ་ཉེན་གཡོལ་བྱེད་ས་དང་དེ་བཞིན་ཞོར་གཏོགས་སྒྲིག་གཞི།གྲོང་ཁུལ་རྙིང་པའི་དངོས་སྒྱུར་འཛུགས་སྐྲུན། མཛེས་བཟོའི་ལས་གཞི།གྲོང་སྐོར་ཤར་ལམ་གྱི་སྔོ་འགྱུར་ལས་གཞི་དང་གྲོང་ཁྱེར་གྱི་སྔོ་འགྱུར་ལེགས་བཅོས། དེ་མིན་གྲོང་ཁྱེར་གྱི་སྒྲིག་བཀོད་ལེགས་བཅོས་ལས་གྲྭ་བཅས་ཡིན་པ་རེད།
         གྲོང་ཁྱེར་ལེགས་བཅོས་ཀྱི་ལས་གཞི་ཕྱོགས་ཡོངས་ནས་འགོ་བརྩམས་ཡོད་དེ།འདིའི་ནང་གསར་དུ་སྐྲུན་པའི་ཧོ་ཞི་ནུབ་ལམ་ལ་སྤྱིའི་མ་འཇོག་སྒོར་ཁྲི་2600གཏོང་ཡོད། ལམ་གྱི་རྨང་གཞིའི་ལས་གཞི་དང་མི་སྐྱོད་གཞུང་ལམ་གྱི་རྨང་གཞིའི་ལས་གཞི་གཞི་རྩའི་ཐོག་ནས་གྲུབ་ཟིན། སྲིད་གཞུང་རྙིང་བ་དང་། སྨན་ཁང་རྙིང་བ། ཁྲིམས་ཁང་རྙིང་བ། སྨན་ཁང་རྙིང་བའི་ཉལ་ཁང་གྲོང་སྐོར་ཤར་ལམ་ཁུལ་གྱི་འཕྲལ་སྡོམ་ཉེན་གཡོལ་བྱེད་ས་5དང་། ཞོར་གཏོགས་སྒྲིག་གཞི་འཛུགས་སྐྲུན་གྱི་སྤྱིའི་རྒྱ་ཁྱོན་ལ་སྨི་གྲུ་བཞི་9084.55ཟིན་པ། ས་ངོས་ཀྱི་འཕྲལ་སྡོམ་ཉེན་གཡོལ་བྱེད་ཡུལ་སྤྱིའི་རྒྱ་ཁྱོན་སྨི་གྲུ་བཞི་20180.56ཟིན་པ་དང་ཁྱོན་བསྡོམས་མ་དངུལ་སྒོར་ཁྲི་4800བཏང་ཡོད།
         གྲོང་སྐོར་ཤར་ལམ་ཁུལ་གྱི་ལྗང་བསྒྱུར་ལས་གཞི་ལ་ཁྱོན་བསྡོམས་མ་དངུལ་སྒོར་ཁྲི་700གཏོང་ཡོད། དུས་མཚུངས་སུ། རྫོང་མཁར་གྱི་ཕྱི་རོལ་ལེགས་བཅོས་དང་། མཚན་ལྗོངས་མཛེས་བཟོའི་ལས་གཞི་ལ་ཁྱོན་བསྡོམས་མ་དངུལ་སྒོར་ཁྲི་3000བཏང་བ། གྲོང་ཁུལ་རྙིང་པའི་ཁྲོམ་གཞུང་སྒྱུར་བཀོད་རྣམ་གྲངས་དངོས་སུ་ལག་བསྟར་བྱེད་བཞིན་ཡོད་པ་དང་ཁྱོན་བསྡོམས་མ་དངུལ་སྒོར་ཁྲི་1500བཏང་བ། ཁྲོམ་གཞུང་མཚན་ལྗོངས་མཛེས་བཟོའི་མཐོར་གཏོང་ལས་གཞི་ལ་ཁྱོན་བསྡོམས་མ་དངུལ་སྒོར་ཁྲི་1500བཏང་ཡོད།
         གྲོང་ཁྱེར་གྱི་སྤྱི་བའི་གསང་སྤྱོད་དང་། བཙོག་ཆུ་འབུད་བྱེད་ཆུ་སྦུབས་དྲ་བ། གད་སྙིགས་ས་ཚིགས།གྲོང་ཁུལ་རྙིང་པ་ནས་གསར་བའི་བར་གྱི་མེ་གསོད་བཟོ་སྐྲུན་རྒྱ་བསྐྱེད་ཁུལ། གྲོང་ཁུལ་རྙིང་པའི་གཞུང་ལམ་གཡས་གཡོན་གྱི་ལམ་སྒྲོན་བརྗེ་བ། གསར་སྐྲུན་རྣམ་གྲངས་དབུ་ནུབ་སྟེང་ཕུག་ལམ་ནས་དབུ་ནུབ་སྟེང་ལྗོངས་ལྟ་སྟེགས་བུའི་ལམ་རྒྱུད་ཀྱི་ལམ་སྒྲོན་དང་། འགྲིམ་འགྲུལ་ཐིག་རྟགས་དང་མཛུབ་སྟོན་བྱང་བུ་སོགས་དུས་གཅིག་ཏུ་ཇུས་འགོད་ལག་བསྟར་བྱས་པ་རེད།