ཚོགས་ཆེན་བཅུ་དགུ་བའི་བདེ་ཆེན་གྱི་འཐུས་མི་ཀུའུ་ཁུན།

    ཏང་གི་ཚོགས་ཆེན་བཅུ་དགུ་པའི་སྙན་སྒྲོན་ནང་བཏོན་དོན།མི་རིགས་མཐུན་སྒྲིལ་ཡར་ཐོན་གྱི་སློབ་གསོ་གཏིང་ཟབ་ཏུ་སྤེལ་ནས་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་འཛུགས་པ་དང་།མི་རིགས་ཁག་གི་འགྲོ་འོང་སྤེལ་རེས་མཉམ་འདྲེས་བྱས་ཏེ་མི་རིགས་ཁག་སེའུ་འབྲུའི་འབྲུ་རྡོག་ལྟར་དམ་པོར་འབྲེལ་ནས་ཐུན་མོང་ཐོག་མཐུན་སྒྲིལ་འབད་འཐབ་བྱེད་པ་དང་ཐུན་མོང་ཐོག་དར་རྒྱས་གོང་འཕེལ་གཏོང་དགོས་ཞེས་བཏོན་ཡོད།

    ཚོགས་ཆེན་བཅུ་དགུ་བའི་འཐུས་མི་ཀུའུ་ཁུན་གྱིས་བློ་མཐུན་ཞི་ཅིན་ཕིང་གིས་གནང་བའི་སྙན་ཞུ་ཉན་རྗེས།ལོ་འདི་དག་རིང་བདེ་ཆེན་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཐད་ཐོབ་པའི་གྲུབ་འབྲས་ལ་ཕྱི་མིག་བལྟས་ཚེ་སེམས་ཤུགས་ཆེ་རུ་ཕྱིན་ཡོད།ཏང་ཀྲུང་དབྱང་དང་ཞིང་ཆེན་ཏང་ཨུ།ཞིང་ཆེན་སྲིད་གཞུང་གི་ཡང་དག་གི་འགོ་ཁྲིད་འོག ཁུལ་ཡོངས་ཀྱིས་ དབུལ་སྒྲོལ་འགག་སྒྲོལ་ནུས་ཤུགས་ཡོད་རྒུས་སྐུལ་འདེད་གཏོང་བ་དང་། ཐོན་ལས་འཕེལ་རྒྱས་ལ་བརྟེན་ནས་མང་ཚོགས་ཀྱི་ཡོང་འབབ་འཕར་སྣོན་བྱས་པ།འབད་བརྩོན་ཆེན་པོས་མང་ཚོགས་ཀྱི་སློབ་ཞུགས་དང་།སྨན་བཅོས།ལས་ཞུགས་སོགས་ཀྱི་དཀའ་གནད་དང་ཐག་གཅོད་བྱས།དུས་མཚུངས་སུ།ཁྲིམས་ལུགས་ལ་བརྟེན་ནས་ཆོས་ལུགས་ལས་དོན་དོ་དམ་དང་རང་འགུལ་གྱི་སྒོ་ནས་ཆོས་ལུགས་དེ་སྤྱི་ཚོགས་རིང་ལུགས་སྤྱི་ཚོགས་དང་འོས་མཐུན་ཡོང་བར་སྣེ་འདྲེན་བྱ་རྒྱུ།.བདེ་ཆེན་གྱི་འཕེལ་རྒྱས་སྔར་ལས་ཇེ་མགྱོགས་དང་སྔར་ལས་ཡག་པོ་འགྲོ་བ་དང་མང་ཚོགས་སྔར་ལས་བདེ་ཞིང་སྐྱིད་པ་ཡོང་རྒྱུ་རེད་བཤད་པ་རེད།

    ཀུའུ་ཁུན་གྱིས་བདེ་ཆེན་ཁུལ་གྱིས་མི་རིགས་ཁག་ཐུན་མོང་ཐོག་མཐུན་སྒྲིལ་འབད་འཐབ་དང་།ཐུན་མོང་ཐོག་དར་རྒྱས་གོང་འཕེལ་གཏོང་བའི་མི་རིགས་ཀྱི་ལས་ཀའི་བརྗོད་དོན་གཙོ་བོ་དམ་དུ་བཟུང་སྟེ།མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཁུལ་འཛུགས་པའི་གཙོ་གནད་ལས་དོན་ཁག་དམ་འཛིན་བྱས་ནས།རྒྱུན་ཆད་མེད་པར་འདྲ་མཉམ་དང་མཐུན་སྒྲིལ།རོགས་རེས།འཆམ་མཐུན་བཅས་ཀྱི་སྤྱི་ཚོགས་རིང་ལུགས་ཀྱི་མི་རིགས་འབྲེལ་བ་སྲ་བརྟན་དང་འཕེལ་རྒྱས་བཏང་ནས། བདེ་ཆེན་འདི་ཉིད་མིང་དོན་མཚུངས་པའི་“འཛམ་གླིང་གི་ཤམ་བྷ་ལ”བསྐྲུན་རྒྱུར་བརྩོན་ལེན་བྱེད་རྒྱུ་ཡིན་ཞེས་བཤད་པ་རེད།