བདེ་ཆེན་ཁུལ་གྱིས་སྐྱེ་ཁམས་ཡུལ་སྐོར་གྱི་འཕེལ་རྒྱས་ལ་སྐུལ་འདེད་གཏོང་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། བདེ་ཆེན་ཁུལ་གྱིས་རྒྱལ་ཁབ་རིམ་པའི་སྤྱི་གླིང་བཙུགས་ནས་སྐྱེ་ཁམས་ཡུལ་སྐོར་གྱི་འཕེལ་རྒྱས་ལ་སྐུལ་འདེད་གཏོང་བ་རེད།

    མིག་སྔར། བདེ་ཆེན་ཁུལ་གྱིས་པད་མ་རི་བོ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དང་སེམས་ཀྱི་ཉི་ཟླའི་བལ་འཐག་མཚོ་དང་། ནགས་ཕག་མཚོ། ཧ་པྰ་རི་བོ་བཅས་ཞིང་ཆེན་རིམ་པའི་རང་བྱུང་སྲུང་སྐྱོང་ཁུལ་གསུམ་ཡིག་ཐོག་སྙན་སེང་ཞུས་ནས་རྒྱལ་ཁབ་རིམ་པའི་སྤྱི་གླིང་བཙུགས་ཡོད་པ་རེད།

    ཁ་བ་དཀར་པོའི་རྒྱལ་ཁབ་རིམ་པའི་སྤྱི་གླིང་ཞིང་ཆེན་སྲིད་གཞུང་གི་མཆོག་མཆན་ཐོབ་པ་དང་པད་མ་རི་བོ་ནི་ཞིང་ཆེན་རིམ་པའི་མཁས་པས་ཞིབ་དཔྱད་ཐོབ་པ།  རྒྱལ་ཁབ་སྤྱི་གླིང་འཛུགས་སྐྲུན་བྱས་ནས་ཡུལ་སྐོར་རྨང་གཞིའི་སྒྲིག་ཆས་འཛུགས་སྐྲུན་ལ་སྐུལ་འདེད་བཏང་བ་དང་ཡུལ་སྐོར་དཔལ་འབྱོར་ལོ་མཐུད་ཀྱིས་མགྱོགས་སུ་འཕར་བ་དེ་མངོན་གྱུར་བྱུང་བ་རེད།

    2002ལོར་བདེ་ཆེན་ཁུལ་ལྟེ་གནས་སུ་འཛིན་པའི་གཙང་གསུམ་མཉམ་བཞུར་ཞེས་པའི་ས་ཁུལ་འདི་ཉིད་འཛམ་གླིང་རང་བྱུང་ཤུལ་བཞག་མིང་ཐོར་བཀོད་པ་དང་། 2005ལོར་བལ་འཐག་མཚོ་དང་ནགས་ཕག་མཚོ་རྒྱལ་སྤྱིའི་གལ་ཆེའི་རློན་སའི་མིང་ཐོར་བཀོད་དེ། རྒྱལ་སྤྱིའི་གལ་ཆེའི་རློན་ས་དང་རློན་ས་ཉམས་གསོ་ལས་གྲྭའི་ལག་བསྟར་བྱེད་སར་གྱུར་ཡོད་པ་རེད། 2007ལོར་པོ་ཏ་མཚོ་རྒྱལ་ཁབ་སྤྱི་གླིང་བཙུགས་ནས། རྒྱལ་ཡོངས་སྐྱེ་ཁམས་སྲུང་སྐྱོང་དང་དཔལ་འབྱོར་འཕེལ་རྒྱས་ཀྱི་རྣམ་པ་གསར་པ་བཙུགས་ཏེ། སྐྱེ་ཁམས་ཡུལ་སྐོར་གྱི་འཕེལ་རྒྱས་ལེགས་སུ་གཏོང་བ་རེད།