འབའ་ལུང་ནགས་ཚལ་ཉེན་རྟོག་པས་རྨས་སྐྱོན་བྱུང་བའི་གླག་སྐེ་སེར་རོགས་སྐྱོབ་བྱས།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཉེ་སྔོན།འབའ་ལུང་རྫོང་ནགས་ཚལ་སྤྱི་བདེ་ཅུས་ལ་མང་ཚོགས་ཀྱི་ཉེན་བརྡ་འབྱོར་ཏེ།རྨས་སྐྱོན་བྱུང་བའི་གླག་སྐེ་སེར་ཞིག་འབའ་ལུང་རྫོང་རྡོ་ཐ་ཀུང་སིར་ལུས་ཡོད་ཅེས་བཤད།མི་དམངས་ཉེན་རྟོག་པ་ཡུལ་དངོས་སུ་ཕེབས་རྗེས།མགོ་སྨུག་ནག་དང་མགོ་ནས་མཇིང་བའི་སྒྲོ་ཕྲ་རིང་ཅིང་།གཤོག་པ་དཔྱངས་བ་དང་གཡོན་ཕྱོགས་ཀྱི་སྡེར་གུག་འཁྱོག་པའི་གླག་སྐེ་སེར་ཞིག་མཐོང་ཡོད།མི་དམངས་ཉེན་རྟོག་པས་གླག་སྐེ་སེར་ནགས་ཚལ་སྤྱི་བདེ་ཅུས་སུ་འཁྱེར་བ་དང་ནོར་ཤ་ཉོས་ནས་ཉིང་མོས་རང་ཉིད་ཀྱིས་འཕུར་ཆོག་པར་གསོ་ཡོད།

        འབྲེལ་ཡོད་ཆེད་ལས་མི་སྣར་འདྲི་རྟོག་བྱུང་དོན།གླག་སྐེ་སེར་ནི་བྱ་རྒོད་ཁོའི་ཆེ་གྲས་ཀྱི་བྱ་རིགས་ཤིག་ཡིན།སྤྱིའི་རིང་ཚད་ལི་སྨི་79ཟིན་པ་དང་གཤོགས་བརྐྱངས་སྨི་1.7ཟིན་པ།རྒྱལ་ཁབ་ཀྱི་རིམ་པ་དང་པོའི་རི་སྐྱེས་སྲུང་སྐྱོང་སྲོག་ཆགས་ཡིན་པ་རེད།

      ཤེས་གསལ་བྱུང་དོན།གླག་སྐེ་སེར་སྤྱི་བཏང་དུ་དེའུ་འབུར་རི་ཁུལ་དུ་གནས་པ་དང་ཟས་རིགས་ཆེ་འབྲིང་གྲས་ཀྱི་བྱ་རིགས་དང་གཅན་གཟན་གྱི་རིགས་ལ་བརྟེན།ཉེ་བའི་ལོ་འགའི་རིང་།སྐྱེ་ཁམས་ཁོར་ཡུག་ཉིན་བཞིན་ལེགས་སུ་བཏང་ནས།འབའ་ལུང་རྫོང་ཁྱབ་ཁོངས་ཀྱི་གླག་སྐེ་སེར་གྱི་གྲངས་ཚད་མངོན་གསལ་ངང་མང་པོར་གཏོང་བ་རེད།