ཞི་ཅིན་ཕིང་རྒྱུད་གཅིག་ལམ་གཅིག་རྒྱལ་སྤྱིའི་མཉམ་ལས་ཀྱི་མཐོ་རིམ་གླེང་སྟེགས་སྐབས་གཉིས་པ་ཚོགས་འགོ་བརྩམས་པའི་མཛད་སྒོར་ཞུགས་པར་མ་ཟད་གསུང་བཤད་གལ་ཆེན་གནང་།

ཟླ་བཞི་བའི་ཚེས་ཉེར་དྲུག་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པེ་ཅིན་རྒྱལ་ཁབ་གྲོས་ཚོགས་ལྟེ་གནས་ནས་བསྡུས་པའི་རྒྱུད་གཅིག་ལམ་གཅིག་རྒྱལ་སྤྱིའི་མཉམ་ལས་ཀྱི་མཐོ་རིམ་གླེང་སྟེགས་སྐབས་གཉིས་པ་ཚོགས་འགོ་བརྩམས་པའི་མཛད་སྒོར་ཞུགས་པར་མ་ཟད་ཁ་ཡིག་ལ་སྟོབས་ཤུགས་གཅིག་སྒྲིལ་སྒོས་རྒྱུད་གཅིག་ལམ་གཅིག་གི་མཛེས་པའི་མ་འོངས་པ་མཉམ་སྐྲུན་བྱེད་དགོས་པའི་ཞེས་པའི་གསུང་བཤད་གལ་ཆེན་གནང་།

        ཟླ་བཞི་བའི་ཚེས་ཉེར་དྲུག་ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་པེ་ཅིན་རྒྱལ་ཁབ་གྲོས་ཚོགས་ལྟེ་གནས་ནས་བསྡུས་པའི་རྒྱུད་གཅིག་ལམ་གཅིག་རྒྱལ་སྤྱིའི་མཉམ་ལས་ཀྱི་མཐོ་རིམ་གླེང་སྟེགས་སྐབས་གཉིས་པ་ཚོགས་འགོ་བརྩམས་པའི་མཛད་སྒོར་ཞུགས་པར་མ་ཟད་ཁ་ཡིག་ལ་སྟོབས་ཤུགས་གཅིག་སྒྲིལ་སྒོས་རྒྱུད་གཅིག་ལམ་གཅིག་གི་མཛེས་པའི་མ་འོངས་པ་མཉམ་སྐྲུན་བྱེད་དགོས་པའི་ཞེས་པའི་གསུང་བཤད་གལ་ཆེན་གནང་། ཁོང་གིས་རྒྱུད་གཅིག་ལམ་གཅིག་མཉམ་སྐྲུན་བྱེད་པ་དེས་འཛམ་གླིང་གི་རྒྱལ་ཁབ་སོ་སོའི་འཕེལ་རྒྱས་ལ་གོ་སྐབས་གསར་བ་འདོན་སྤྲོད་བྱས་པ་དང་ཀྲུང་གོའི་སྒོ་འབྱེད་འཕེལ་རྒྱས་ཐད་ལ་རྣམ་པ་གསར་བ་གསར་སྐྲུན་བྱས། ང་ཚོས་མ་འོངས་པར་ཁ་ཕྱོགས་ཏེ་མཉམ་གྲོས་དང་མཉམ་སྐྲུན། མཉམ་སྤྱོད་བཅས་ཀྱི་རྩ་དོན་རྒྱུན་འཁྱོངས་བྱེད་པ་དང་སྒོ་འབྱེད་དང་ལྗང་མདོག སྤྱོད་གཙང་བཅས་ཀྱི་འདུ་ཤེས་རྒྱུན་འཁྱོངས་བྱས་ནས། ཧུར་ཐག་སྒོས་ཚད་གཞི་མཐོ་ཞིང་དམངས་ཚིས་ལེགས་བཅོས་བྱེད་པ་དང་རྒྱུན་མཐུད་དམིགས་འབེན་མངོན་འགྱུར་བྱེད་དགོས་ལ། རྒྱུད་གཅིག་ལམ་གཅིག་མཉམ་སྐྲུན་བྱེད་པ་དེ་སྤུས་ཚད་མཐོ་བའི་འཕེལ་རྒྱས་ཀྱི་ཕྱོགས་སུ་མུ་མཐུད་དུ་མདུན་སྐྱོད་བྱེད་པར་སྐུལ་འདེད་གཏོང་དགོས་ཞེས་ནན་གྱིས་བསྟན།

        རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཧན་ཀྲིན་གྱིས་གླེང་སྟེགས་ཚོགས་འགོ་བརྩམས་པའི་མཛད་སྒོར་འགོ་འཛིན་བྱས།

        ཉིན་དེའི་སྔ་དྲོའི་དུས་ཚོད་དགུ་དང་སྐར་མ་སོ་ལྔའི་སྟེང་། ཞི་ཅིན་ཕིང་དང་མཛད་སྒོར་ཞུགས་པའི་ཕྱི་རྒྱལ་གྱི་འགོ་ཁྲིད་པ་རྣམས་མཉམ་དུ་ཚོགས་རར་ཕེབས་པ་དང་ཧན་ཀྲིན་གྱིས་རྒྱུད་གཅིག་ལམ་གཅིག་རྒྱལ་སྤྱིའི་མཉམ་ལས་མཐོ་རིམ་གླེང་སྟེགས་སྐབས་གཉིས་པ་ཚོགས་འགོ་བརྩམས་པ་ཁྱབ་སྒྲོག་བྱས།

         ཚོགས་ཐོག་ཏུ་ཞི་ཅིན་ཕིང་གིས་གསུང་བཤད་གལ་ཆེན་གནང་། ཁོང་གིས་བསྟན་དོན། རྒྱུད་གཅིག་ལམ་གཅིག་མཉམ་སྐྲུན་བྱེད་པའི་དམིགས་ཡུལ་ནི་མཉམ་སྦྲེལ་མཉམ་མཐུད་གཅིག་སྡུད་བྱེད་པ་དང་དངོས་གཉེར་མཉམ་ལས་གཏིང་ཟབ་ཏུ་སྤེལ་ཞིང་ལག་རྡང་སྦྲེལ་ཏེ་མིའི་རིགས་ཀྱི་མདུན་དུ་གནས་པའི་ཉེན་ཁ་དང་འགྲན་རྩོད་སྣ་ཚོགས་ལ་ཁ་གཏད་འཇལ་ནས། གཉིས་ཕན་མཉམ་རྒྱལ་དང་མཉམ་དུ་འཕེལ་རྒྱས་སུ་འགྲོ་བ་མངོན་འགྱུར་བྱེད་རྒྱུ་དེ་ཡིན། ཕྱོགས་སོ་སོས་མཉམ་དུ་འབད་བརྩོན་བྱས་འོག སྐབས་དང་པོའི་མཐོ་རིམ་གླེང་སྟེགས་ཀྱི་གྲུབ་འབྲས་སྣ་ཚོགས་བདེ་བླག་ངང་དངོས་འབེབས་བྱས་པ་དང་རྒྱལ་ཁབ་དང་རྒྱལ་སྤྱིའི་རྩ་འཛུགས་བརྒྱ་དང་ལྔ་བཅུ་ལྷག་གིས་ཀྲུང་གོའི་བར་ལ་རྒྱུད་གཅིག་ལམ་གཅིག་མཉམ་སྐྲུན་བྱེད་པའི་མཉམ་ལས་ཀྱི་གྲོས་མཐུན་བཀོད། ཨེ་ཤ་ཡ་དང་ཡོ་རོབ་གླིང་སྐམ་ས་ཆེན་མོ་ནས་ཧྥེ་གླིང་དང་གླིང་ཆེན་ཨ་མེ་རི་ཁ་སོགས་ཀྱི་བར་དུ་རྒྱུད་གཅིག་ལམ་གཅིག་མཉམ་སྐྲུན་བྱས་པ་དེས་འཛམ་གླིང་གི་དཔལ་འབྱོར་འཕར་སྣོན་ཐད་ལ་བར་སྟོང་གསར་བ་གསར་སྐྲུན་བྱས་པ་དང་རྒྱལ་སྤྱིའི་ཉོ་ཚོང་དང་དངུལ་གཏོང་ཐད་ལ་སྟེགས་བུ་གསར་བ་ཞིག་འདོན་སྤྲོད་བྱས་པར་མ་ཟད། འཛམ་གླིང་དཔལ་འབྱོར་བཅོས་སྐྱོང་ཐད་ལ་ལག་ལེན་གསར་བ་རྒྱ་སྐྱེད་པ་དང་། རྒྱལ་ཁབ་སོ་སོའི་མང་ཚོགས་ལ་བདེ་སྐྱིད་སྐྲུན་པའི་ཐད་ལ་བྱས་རྗེས་གསར་བ་བཞག་པས། ཐུན་མོང་གི་གོ་སྐབས་བགྲོད་ལམ་དང་དར་རྒྱས་བགྲོད་ལམ་དུ་གྱུར་ཡོད་ཟེར།

        ཞི་ཅིན་ཕིང་གིས་ཀྲུང་གོས་བཅོས་སྒྱུར་སྒོ་འབྱེད་ཀྱི་བྱེད་ཐབས་གལ་ཆེན་རབ་དང་རིམ་པ་སྤྱད་དེ་ལམ་ལུགས་རང་བཞིན་དང་སྒྲིག་གཞི་རང་བཞིན་གྱི་བཀོད་སྒྲིག་ལ་ཤུགས་བསྣན་ནས་ཆུ་ཚད་མཐོ་བའི་ཕྱི་ཕྱོགས་སྒོ་འབྱེད་ལ་སྐུལ་འདེད་གཏོང་རྒྱུ་ཁྱབ་སྒྲོག་མཛད། གཅིག སྔར་ལས་ཆེ་བའི་ཁྱབ་ཁོངས་སུ་ཕྱི་དངུལ་ཚོང་རར་ཞུགས་ཚད་རྒྱ་བསྐྱེད་དགོས། གཉིས། སྔར་ལས་ཤུགས་ཆེ་བའི་སྒོ་ནས་ཤེས་བྱའི་ཐོན་དབང་སྲུང་སྐྱོབ་ཀྱི་རྒྱལ་སྤྱིའི་མཉམ་ལས་ལ་ཤུགས་སྣོན་དགོས། གསུམ། སྔར་ལས་གཞི་ཁྱོན་ཆེ་བའི་སྒོ་ནས་ཚོང་རྫས་དང་ཞབས་ཕྱིའི་ནང་འདྲེན་ཇེ་མང་དུ་གཏོང་དགོས། བཞི། སྔར་ལས་ཕན་ནུས་ལྡན་པའི་སྒོ་ནས་རྒྱལ་སྤྱིའི་ཆེ་ཕྱོགས་དཔལ་འབྱོར་སྲིད་ཇུས་ལག་བསྟར་བྱེད་དགོས། ལྔ། སྔར་ལས་ལྷག་པའི་སྒོ་ནས་ཕྱི་ཕྱོགས་སྒོ་འབྱེད་སྲིད་ཇུས་ལག་བསྟར་དང་དངོས་འབེབས་བྱེད་པར་མཐོང་ཆེན་བྱེད་དགོས་ཟེར།

        ཨུ་རུ་སིའི་ཙུང་ཐུང་ཕུའུ་ཅིན་དང་ཨེ་ཅིབ་ཀྱི་ཙུང་ཐུང་སེ་ཞི། མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཀུའུ་ཐི་ལོས་སི་སོགས་ཀྱིས་མཛད་སྒོའི་སྟེང་ཤིས་ཚིག་ཕུལ། ཁོ་ཚོས་བཤད་རྒྱུར། རྒྱུད་གཅིག་ལམ་གཅིག་མཉམ་སྐྲུན་གྱི་གྲོས་འགོ་བཏོན་པ་དེས་རྒྱལ་ཁབ་སོ་སོས་ཀྲུང་གོ་དང་གྲོགས་པོའི་མཉམ་ལས་རྒྱ་བསྐྱེད་པ་དང་ཁུལ་ཁོངས་དང་འཛམ་གླིང་གི་དཔལ་འབྱོར་གཞི་གཅིག་ཅན་ལ་རོགས་འདེགས་ནུས་པ་འདོན་སྤྲོད་བྱས། ཕྱོགས་སོ་སོས་མུ་མཐུད་དུ་རྒྱུད་གཅིག་ལམ་གཅིག་མཉམ་སྐྲུན་བྱེད་པར་རྒྱབ་སྐྱོར་བྱས་ཏེ། འཕེལ་རྒྱས་འཐབ་ཇུས་འབྲེལ་མཐུད་ལ་ཤུགས་སྣོན་པ་དང་ཁྱབ་ཁོངས་སོ་སོའི་དངོས་གཉེར་མཉམ་ལས་རྒྱ་བསྐྱེད་ནས་མིའི་རིགས་ཀྱི་ལས་སྐལ་གཅིག་བསྡུས་ཀྱི་ཐུན་མོང་ཚོགས་པ་མཉམ་སྐྲུན་བྱེད་འདོད་ཡོད་ཟེར།

        ཏེན་ཞའོ་ཞང་དང་དབྱང་ཅེ་ཁྲི། ཧུའུ་ཁྲུན་ཧྭ། ཧོང་ཁུན་མེན། ཚེ་ཆི། ཝང་དབྱི། ཞོ་ཅན། ཀྲའོ་ཁི་ཀྲི། ཧི་ལིས་ཧྥིན་སོགས་གླེང་སྟེགས་ཚོགས་འགོ་བརྩམས་པའི་མཛད་སྒོར་ཞུགས།