ཅོ་ནེའི་གླུ་མ་བསོད་ནམས་འབྲུག་མོའི་གཞས་སྙན། ལུག་རྫི་བུ་མོ། ༼བརྙན༽

ལུག་རྫི་བུ་མོ།

གཞས་ཚིག     ཁ་གྱའི་ཁྱུང་སྔོན།

གཞས་གདངས།    བློ་གསལ།

གཞས་མ།  བསོད་ནམས་འབྲུག་མོ། 

མེ་ཏོག་འཐུ་བའི་བུ་མོ་ང་།།

གཡང་དཀར་སྟོང་གི་རྫི་བོ་ཡིན།།

གཤིས་རྒྱུད་བལ་དཀར་ཁ་ཆུ་ཡིན།།

གཡང་ར་སྒོ་བཞིའི་བདག་མོ་ཡིན།།

འབྲུ་བརྒྱ་བཞོ་བའི་བུ་མོ་ང་།།

སེམས་རྒྱུད་འོ་མ་དཀར་པོ་ཡིན།།

སྙིང་གཏམ་མར་ལོ་སེར་པོ་ཡིན༎

སྦྲ་ནག་གྲུ་བཞིའི་བདག་མོ་ཡིན།

བོད་ལ་དགའ་བའི་བུ་མོ་ང་།།

སྐྱེས་ས་མཐིང་སྨུག་སྦྲ་ཆུང་ཡིན།།

ཁ་བ་ཅན་གྱི་མཛངས་མ་ཡིན༎

ཆོལ་ཁ་གསུམ་གྱི་བདག་མོ་ཡིན༎