ཁྲག་ཤེད་ལྟ་སྐབས་དོ་སྣང་བྱེད་དགོས་པ་ཁག་གཅིག

        གཅིག་ནི་ཁྲག་ཤེད་མ་བལྟས་གོང་གི་སྐར་མ་སུམ་ཅུའི་ནང་འགུལ་སྐྱོད་ཤུགས་ཆེན་མི་བྱེད་པ་དང་ཐ་མག་མི་འཐེན་པ། ཇ་དང་ཀོག་ཧྥེ་སོགས་བཏུང་རྒྱུ་མེད།

        གཉིས་ནི་ཁ་ཁུ་སིམ་ལ་སྣང་བ་སྐྱིད་པའི་ཁོར་ཡུག་ཅིག་གི་ནང་ངལ་གསོ་སྐར་མ་འགའ་བརྒྱབ་སྟེ་སེམས་ལྷོད་པོར་འཇོག་པ་དང་གཅིན་པ་བསྒོམས་ནས་སྡོད་རྒྱུ་མེད།

        གསུམ་ནི་ཕུ་ཐུང་ལྷུག་པོར་བཞག་ནས་ཁྲག་ཤེད་ཐེངས་དང་པོ་བལྟ་སྐབས་ལག་པ་གཡས་གཡོན་གཉིས་ཀར་བལྟས་ན་ལེགས། གལ་ཏེ་ཁྲག་ཤེད་བལྟ་ཐེངས་གཅིག་གི་གྲངས་ཚད་མཐོ་པོ་ཡོད་ན་དུས་ཚོད་མི་འདྲ་བ་འགའ་ཞིག་ལ་ཐེངས་མང་ཙམ་བལྟས་ནས་ཆ་སྙོམས་ཀྱི་གྲངས་ཚད་དེ་ལེན་དགོས། གཞན་ཡང་ཁྲག་ཤེད་བལྟས་རྗེས་ཉུང་བའི་གྲངས་ཚད་དེར་འགྱུར་བ་ཆེན་པོ་ཡོད་ཚེ་ཐེངས་ཁ་ཤས་བལྟས་ནས་ཟིན་ཐོ་འགོད་ན་དེའི་འགྱུར་ལྡོག་ལ་བརྟག་དཔྱད་བྱེད་བདེ་བ་ཡོད།