མཚོ་སྔོན་རྒྱལ་སྤྱིའི་མི་རིགས་སྲོལ་རྒྱུན་མདའ་འཕེན་འགྲན་བསྡུར།

         ཟླ9བའི་ཚེས7ཉིན།ཀྲུང་གོའི་མདའ་འཕེན་མཐུན་ཚོགས་དང་མཚོ་་སྔོན་ཞིང་ཆེན་ལུས་རྩལ་ཅུས།  མཚོ་སྔོན་ཞིང་ཆེན་མི་རིགས་ཆོས་ལུགས་ལས་དོན་ཨུ་ཡོན་ལྷན་ཁང་།  རྨ་ལྷོ་ཁུལ་མི་དམངས་སྲིད་གཞུང་།  མཚོ་སྔོན་ཞིང་ཆེན་མདའ་འཕེན་ལུས་རྩལ་མཉམ་འབྲེལ་ལྷན་ཚོགས་བཅས་ཀྱིས་མཉམ་དུ་བསྒྲུབས་པའི2019ལོའི“མི་རིགས་མཐུན་སྒྲིལ·གཡང་མདའ་རྟགས་མའི”ཀྲུང་གོའི་མཚོ་སྔོན་རྒྱལ་སྤྱིའི་མི་རིགས་སྲོལ་རྒྱུན་མདའ་འཕེན་རྩེར་སོན་འགྲན་སྡུར་སྐབས་ལྔ་བ་མདའ་རྩེད་ཀྱི་ཕ་ས་རུ་འབོད་པའི་གཅན་ཚ་རྫོང་མར་ཁུ་ཐང་གྲོང་རྡལ་དུ་གཟབ་རྒྱས་ངང་འཚོགས།

མགོ་རྩོམ་མཛད་སྒོའི་ཡུལ་དངོས།

        ཐེངས་འདིའི་འགྲན་བསྡུར་སྤེལ་བ་ནི་ཕྱོགས་ཡོངས་ནས་ཏང་གི་ཚོགས་ཆེན་བཅུ་དགུ་བའི་དགོངས་དོན་སློབ་སྦྱོང་དང་།  “བཞི་ཅན་ལྔའི”འཐབ་ཇུས་ལ་སྐུད་འདེད།  “དམིགས་འཛིན་གཅིག་དང་མཐོ་སྒྲུབ་གཉིས”ཀྱི་བཀོད་སྒྲིག་དོན་འཁྱོལ་བྱེད་པ།  འཐུས་ཚབ་ཀྱི་ཆུ་ཚད་ལྡན་ཞིང་ཀྲུང་གོའི་ཁྱད་ཆོས་ཐོན་ལ་མཚོ་སྔོན་གྱི་སྣང་བརྙན་མངོན་པའི་རྒྱལ་སྤྱིའི་འགྲན་བསྡུར་ཆེན་མོ་སྤེལ་བ།  ལུས་ཕུང་སྦྱོང་རྡར་དང་བློ་གྲོས་རྒྱས་པ།སྐྱེ་ཁམས་སྲུང་སྐྱོང།  མཐུན་སྒྲིལ་ཡར་སྐུལ་གྱི་ནུས་པ་འདོན་སྤེལ་གང་ལེགས་བྱེད་པ།  ནུས་ཤུགས་ཡོད་རྒུས་ས་གནས་ཀྱི་མི་རིགས་སྲོལ་རྒྱུན་མདའ་འཕེན་གྱི་འགྲན་བསྡུར་ཟོང་རྟགས་བསྐྲུན་པ།  མཚོ་སྔོན་གྱི་མི་རིགས་ལུས་རྩལ་ལས་དོན་གྱི་དར་རྒྱས་ལ་སྐུལ་འདེད་གཏོང་བ།  རང་ཞིང་གི་མི་རིགས་མཐུན་སྒྲིལ་ཡར་ཐོན་སྔོན་ཐོན་ཁུལ་འཛུགས་སྐྲུན་གྱི་འཕེལ་རྒྱས་ལ་རོགས་འདེགས་བྱེད་པ། རང་ཞིང་བཅིངས་འགྲོལ་བཏང་ནས་ལོ་འཁོར70འགོར་བའི་རིང་གི་བཅོས་བསྒྱུར་སྒོ་འབྱེད་དང་དཔལ་འབྱོར་གྱི་གྲུབ་འབྲས་ངོམ་པ། ཀྲུང་གོ་གསར་བ་དབུ་བརྙེས་ནས་ལོ་འཁོར70ལོན་པ་དང་མཚོ་སྔོན་བཅིངས་འགྲོལ་བཏང་ནས་ལོ་འཁོར70ལོན་པར་ལེགས་སྐྱེས་འབུལ་བ་བཅས་ཀྱི་ཆེད་ཡིན།