སེམས་ཀྱི་ཉི་ཟླའི་སློབ་ཕྲུག་ཚོས་ཧྲང་ཧེ་ནས་ཟླ་མཆོད་དུས་ཆེན་རོལ་བ།

         ཟླ9པའི་ཚེས13ཉིན་ནི་ཀྲུང་ཧྭ་མི་རིགས་ཀྱི་སྲོལ་རྒྱུན་དུས་ཆེན་ཏེ་ཟླ་མཆོད་དུས་ཆེན་ཡིན།  2019ལོའི་མིང་ཞིང་ཆུས་སུ་བསྐྱོད་པའི་སེམས་ཀྱི་ཉི་ཟླའི་ན་གཞོན་ཚོས་ལག་གདེང་གཅིག་ཏུ་སྦྲེལ་བའི་བྱ་འགུལ་ནང་ཞུགས་པའི་སེམས་ཀྱི་ཉི་ཟླའི་སློབ་འབྲིང་ཁག་སོ་སོ་ནས་ཐོན་པའི་སློབ་ཕྲུག་ཚོས་ཧྲང་ཧེ་ནས་བརྗེད་དཀའ་བའི་ལྷན་འཛོམས་ཀྱི་དུས་ཆེན་ཞིག་རོལ་ཡོད་པ་རེད། 

     རྒྱུས་ལོན་བྱུང་བ་ལྟར་ན།   ཉིན་དེའི་སྔ་དྲོར་སློབ་ཕྲུག་ཚོ་ཧྲང་ཧེ་སྲོག་ཆགས་གླིང་ག་དང་ཐའེ་ཝུའུ་ཧྲི་གྲོང་རྡལ་ཆུང་བ་སོགས་སུ་སོང་ནས་ངོ་མཚར་ཞིང་ཡིད་འགུག་ཐེབས་པའི་ལྟད་མོ་སྣ་ཚོགས་ལ་བལྟས་ཡོད་པ་དང་།   ཕྱི་དྲོར་སྡོད་སའི་གནས་སུ་ཕྱིར་ལོག་རྗེས་ཟླ་མཆོད་དགོང་ཚོགས་ལ་གྲ་སྒྲིག་གང་ལེགས་བྱས་ནས་ལ་ལས་ཚོགས་ར་བཀོད་སྒྲིག་དང་།   ལ་ལས་སིལ་ཏོག་དང་བག་ལེབ་སྣ་ཚོགས་ཉོ་བ།  ལ་ལས་དགོང་ཚོགས་ལ་ལེ་ཚན་འཆར་འགོད་བྱེད་པ་སོགས་སློབ་ཕྲུག་ཚོས་དུས་ཆེན་འདི་ལ་བརྩེ་བ་ཟབ་མོ་ཞིག་བཅངས་ཡོད་ལ།  བྲེལ་འཚུབ་ཀྱི་ཀློང་ན་གང་སར་དགའ་སྤྲོའི་རྣམ་པ་ཞིག་གིས་ཀྱང་ཁྱབ་ཡོད་འདུག