ཁྱེད་ལ་སྨོན་འདུན་ཞུ། མེས་རྒྱལ་ཞེས་པའི་གླུ་གར་ཆེད་དམིགས་དགོང་ཚོགས་སུ་འཁྲུག་ཆ་དོད།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་10པའི་ཚེས་4ཉིན་གྱི་དགོང་མོར།  འཛམ་གླིང་གི་སེམས་ཀྱི་ཉི་ཟླའི་རིག་གནས་ཡུལ་སྐོར་གཟའ་འཁོར་གྱི་རིག་གནས་བྱེད་སྒོ་སྟེ་ཁྱེད་ལ་སྨོན་འདུན་ཞུ། མེས་རྒྱལ་ཞེས་པའི་གླུ་གར་ཆེད་དམིགས་དགོང་ཚོགས་དེ་སེམས་ཀྱི་ཉི་ཟླ་གྲོང་ཁྱེར་ཟླ་འོད་ཐང་ཆེན་དུ་སྤེལ།

        དགོང་ཚོགས་ནི་འཁྲབ་སྟོན་པ་ཡོངས་ཀྱིས་མེས་རྒྱལ་ལ་བསྟོད་གླུ་འབུལ་ཞེས་པའི་གླུ་དབྱངས་ཁྲོད་འགོ་ཚུགས་པ་དང་།  དེའི་རྗེས་སུ་བོད་མིས་རྟ་ཞོན་ཞེས་པ་དང་དུས་རབས་གསར་པར་ལག་གདང་སྦྲེལ་ཞེས་པ།  བདེ་སྐྱིད་ཀྱི་ལམ་བུའི་ཐོག་ཞེས་པ་སོགས་ཀྱི་འཁྲབ་ཚན་སྟོན་ནས་དགོང་ཚོགས་ཀྱི་མཐོ་རླབས་ཡང་ཡང་འཕྱུར་དུ་བཅུག

        ང་དང་ངའི་མེས་རྒྱལ་ཞེས་པའི་གླུ་དབྱངས་ཁྲོད་དགོང་ཚོགས་མཇུག་རྫོགས་བ་དང་།  དེའི་རྗེས་སུ་ཟླ་འོད་ཐང་ཆེན་དུ་མེ་ཕུང་སྦར་ནས་ཁུལ་ཡོངས་ཀྱི་ས་ཆ་སོ་སོ་དང་མི་རིགས་སོ་སོའི་འཁྲབ་སྟོན་པ་རྣམས་ཀྱིས་ལྟད་མོ་བ་ཁྲིད་དེ་བྲོ་རར་ཞུགས། ཡུལ་དངོས་སུ་རྣམ་པ་ཧ་ཅང་འཁྲུག་ཆ་དོད་པོར་ཆགས།

        ཤེས་རྟོགས་བྱུང་དོན།  བྱེད་སྒོ་དེ་ཟླ་10པའི་ཚེས་6ཉིན་གྱི་བར་རྒྱུན་འཁྱོངས་བྱ་རྒྱུ་ཡིན་ལ། ད་དུང་ཟླ་འོད་ཐང་ཆེན་དང་ཕྱོགས་བཞིའི་སྲང་ལམ།  མི་རིགས་རིག་གནས་ཐང་ཆེན།  དཀྱིལ་འཁོར་ཐང་ཆེན་བཅས་སུ་མི་རིགས་བྲོ་གར་འགྲེམ་སྟོན་དང་།  མི་རིགས་གོས་རྒྱན་འགྲེམ་སྟོན། དམངས་སྲོལ་ཉམས་ལེན་སོགས་ཀྱི་བྱེད་སྒོ་སྤེལ་རྒྱུ་རེད།