སྤར་ཁ་བརྒྱད་ཀྱི་ངོས་འཛིན།

        1ལི། 2ཁོན། 3དྭ། 4ཁེན། 5ཁམ། 6གིན། 7ཟིན། 8ཟོན་བཅས་ཏེ། གནའ་རབས་རྒྱ་རིགས་ཀྱི་རྩིས་རིག་ནང་བཤད་པའི་ལོ་རྒྱུས་ལྟར་ན། ཞཱ་རྒྱལ་རབས་ཀྱི་སྔོན་དུ། རྒྱལ་པོ་ཧོང(皇)གསུམ་དང་དྷི(帝)ལྔ་བྱུང་བའི་ནང་ནས་ཧོང་དང་པོ་ཧྥུ་ཥི་ཤི་ཟེར་བ་ཞིག་བྱུང་བ་དེས། པཱ་བཀྭའ(八卦)ཞེས་པའི་རི་མོ་དང༌། ལྱན་ཤན་ཞེས་པ་ཞིག་བརྩམས་པར་བཤད་པ་དང༌། ཡང་འགའ་ཞིག་གིས་དྷི་ལྔའི་ནང་གི་བཞི་པ་ཡོའུ་ཐོའུ་ཐང་ཞིའི་དུས་སུ་འབངས་ཞིག་གིས་བཟུང་སྐབས་ཧོ་ནན་ཏཱའོ་ལུའུ་རྒྱ་མཚོའི་ནང་ནས་རུལ་སྦལ་ཞིག་ལག་ཏུ་ཐེབས་པ་དེ་རྒྱལ་པོར་ཕུལ་བ་དེའི་རྒྱབ་ན་བཀའི་རི་མོ་ཡོད་པ་དེ་ལ་བརྟེན་ནས་སྤར་ཁའམ་པཱ་བཀྭའི་རི་མོ་བཟོས་པར་བཤད་པ་དེ་ལ་ལྦུ་ཐོའུ་ཟེར། ལུའུ་ནི་འབྱུང་ཁུངས་ཀྱི་མཚོ་དེ་དང༌། ཐོའུ་ནི་དཔེ་རིས་ཀྱི་དོན་ཡིན། གཞུང་འདི་ལ་ཀུས་ཙང་ཟེར། དེ་ནས་ཀྲའུ་རྒྱལ་རབས་ཀྱི་ཀྲའོ་ཝིན་ཝང་གི་སྤར་ཁ་བརྒྱད་ལ་བརྒྱད་བརྒྱད་དྲུག་ཅུ་རེ་བཞི་ཕྱེས་པའི་སྤོར་ཐང་གི་གཞུང་ཙིའུ་ཡཱེ་ཟེར་བའི་གཞུང་ཞིག་བརྩམས་པ་བཅས་ལ་སྤོར་ཐང་གཞུང་གསུམ་ཟེར། སྤར་ཁ་བརྒྱད་ཀྱི་རི་མོ་ནི་གཤམ་གསལ།

        གཅིག་གཉིས་གཅིག་ནི་ལིས།  མེ། གཉིས་གཉིས་གཉིས་ནི་ཁོན། ས། གཉིས་གཅིག་གཅིག་ནི་དྭ། ལྕགས། གཅིག་གཅིག་གཅིག་ནི་ཁྱེན། གནམ། གཉིས་གཅིག་གཉིས་ནི་ཁམ། ཆུ། གཅིག་གཉིས་གཉིས་ནི་གིན། རི། གཉིས་གཉིས་གཅིག་ནི་ཟིན། ཤིང་། གཅིག་གཅིག་གཉིས་ནི་ཟོན། རླུང་བཅས་ཡིན་ཞིང༌། སྤར་ཁ་བརྒྱད་ཀྱི་ཕོ་མོའི་དབྱེ་བ་འབྱེད་ཚུལ་ནི་ཁྱེན་ཕ། ཁོན་མ། ལིས་ཟིན་ཟོན་གསུམ་བུ་མོ་གསུམ། དྭ་ཁམ་གིན་གསུམ་བུ་གསུམ་ཡིན་ཞེས་སོ། །ཕོ་རྣམས་གཡས་སྐོར་དང་མོ་རྣམས་གཡོན་སྐོར་དུ་བྱས་ནས་བརྩིས་པས་རང་ལོ་བཅུ་གསུམ་ཁམ་ཐོག་ཉེར་ལྔ་ལིས་ཐོག སོ་བདུན་ཁམ་ཐོག ཞེ་དགུ་ལིས་ཐོག རེ་གཅིག་ཁམ་ཐོག དོན་གསུམ་ལིས་ཐོག གྱ་ལྔ་ཁམ་ཐོག་སྟེ་རང་གཞན་ཐམས་ཅད་ཀྱི་སྐེག་ཐོག་ཀྱང་དེ་ལྟར་བརྩིས་པ་ཡིན། མོ་རྣམས་གཡོན་སྐོར་བྱས་ཏེ་བརྩིས་པས་བཟློག་སྟེ་ཡོང་ཞེས་གསུངས་སོ། །