མཚོ་སྔོན་དུ་རྒྱལ་ཁབ་རིམ་པའི་བྱེ་ཐང་སྤྱི་གླིང12ཡོད་པ།

        གསར་འགོད་པས་མཚོ་སྔོན་ཞིང་ཆེན་ནགས་ལས་དང་རྩྭ་ཐང་ཅུའུ་ནས་ཤེས་རྟོགས་བྱས་པར་གཞིགས་ན། “ལོ་ལྔའི་ཚན་བཅུ་གསུམ་པ”ཚུན་དུ་མཚོ་སྔོན་ཞིང་ཆེན་གྱིས་བྱེ་འགོག་བྱེ་བཅོས་ཀྱི་དམིགས་ཚད་འགན་འཁྲི་ལག་བསྟར་བྱས་ཏེ་འགོག་བཅོས་བྱེད་ཤུགས་རྒྱུན་ཆད་མེད་པར་ཆེ་རུ་བཏང་བས་བྱེ་ཁུལ་གྱི་སྐྱེ་ཁམས་ཁོར་ཡུག་མངོན་གསལ་དོད་པོས་ལེགས་སུ་ཕྱིན་ནས་བྱེ་ཁུལ་གྱི་ལྗང་མདོག་སྐྱེ་ཁམས་ཀྱི་ཐོག་མའི་སྲུང་ཡོལ་བསྐྲུན་ཚར་ཡོད་པ་རེད། མིག་སྔར་ཞིང་ཆེན་ཡོངས་སུ་མཆན་འགོད་བཀའ་ལན་ཐོབ་པའི་རྒྱལ་ཁབ་བྱེ་ཐང་སྤྱི་གླིང12ཡོད་པ་དང་ས་གནས་ཁག་གི་འཆར་འགོད་གཞིར་བཟུང་རྒྱལ་ཁབ་བྱེ་ཐང་སྤྱི་གླིང་འཛུགས་སྐྲུན་ལ་མགྱོགས་མྱུར་སྐུལ་འདེད་གཏོང་བཞིན་ཡོད་པ་རེད།

        མིག་སྔའི་བར་ཞིང་ཆེན་ཡོངས་སུ་རྒྱལ་ཁབ་བྱེ་ཐང་སྤྱི་གླིང12ཡོད་པ་དེ་དག་ནི་ཀོས་ནན་བྱེ་སྣ་རྒྱལ་ཁབ་བྱེ་ཐང་སྤྱི་གླིང་དང་། ཏུའུ་ལན་ཐེ་ཁུའེ་རྒྱལ་ཁབ་བྱེ་ཐང་སྤྱི་གླིང་། ཝུའུ་ལན་ཅིན་ཙི་ཧའེ་རྒྱལ་ཁབ་བྱེ་ཐང་སྤྱི་གླིང་། མང་བྲག་སངས་རྒྱས་སྟོང་སྐུའི་རྒྱལ་ཁབ་བྱེ་ཐང་སྤྱི་གླིང་། ཧའེ་ཡན་ཁེ་ཐུའུ་རྒྱལ་ཁབ་བྱེ་ཐང་སྤྱི་གླིང་། ཆུ་དམར་ལེབ་འབྲི་ཆུ་རྒྱལ་ཁབ་བྱེ་ཐང་སྤྱི་གླིང་། ཝུའུ་ལན་ཆུ་ཁུག་རྒྱལ་ཁབ་བྱེ་ཐང་སྤྱི་གླིང་། རྩེ་ཁོག་ཧོར་རྒྱལ་ཁབ་བྱེ་ཐང་སྤྱི་གླིང་། གོར་མོ་ཐོ་ལ་ཧེ་རྒྱལ་ཁབ་བྱེ་ཐང་སྤྱི་གླིང་། ལེང་ཧུའུ་ཡ་ཏན་རྒྱལ་ཁབ་བྱེ་ཐང་སྤྱི་གླིང་། རྨ་ཆེན་དབྱིག་གཞུང་རྒྱལ་ཁབ་བྱེ་ཐང་སྤྱི་གླིང་། ཀོས་ནན་ཀླུ་ཚང་རྒྱལ་ཁབ་བྱེ་ཐང་སྤྱི་གླིང་བཅས་རེད། དེའི་ནང་རྒྱ་ཁྱོན་ཆེ་ཤོས་ནི་ཏུའུ་ལན་ཐེ་ཁུའེ་རྒྱལ་ཁབ་བྱེ་ཐང་སྤྱི་གླིང་ཡིན་པ་དང་རྒྱ་ཁྱོན་ལ་སྤྱི་ཆིང13562ཟིན་ཡོད། བྱེ་ཐང་སྤྱི་གླིང་འཛུགས་སྐྲུན་བྱས་པ་དེས་རང་ཞིང་གི་བྱེ་ཐང་རང་བྱུང་མཛེས་ལྗོངས་དང་དེ་བཞིན་ནགས་རྩྭ་སྔོ་ཁེབས་སྲུང་སྐྱོང་ལས་དོན་ལ་སྐུལ་མ་ཐེབས་ནས་སྤྱི་དམངས་ཀྱི་སྐྱེ་ཁམས་སྲུང་སྐྱོང་འདུ་ཤེས་ཟབ་ཏུ་གཏོང་བ་དང་དམངས་ཡོངས་ཀྱི་སྐྱེ་ཁམས་ཤེས་དཔལ་འཛུགས་སྐྱོང་ནང་ཞུགས་རྒྱུར་སྐུལ་འདེད་གཏོང་རྒྱུར་དོན་སྙིང་གལ་ཆེན་ལྡན་ཡོད། །