རྒྱ་ཁོག་ཟ་སྐབས་རབ་བྱུང་ན་ཟས་རིགས་འདི་དག་བཟའ་མི་ཉན།

        དུས་རྒྱུན་འཚོ་བའི་ནང་མི་རྣམས་ཀྱིས་རྟག་ཏུ་ཟས་རིགས་འདྲ་མིན་སྣ་ཚོགས་བཟའ་ཡི་ཡོད། འོན་ཀྱང་མི་མང་ཆེ་བས་སྐབས་རེ་བཟའ་བའི་ཟས་རིགས་འདི་དག་རྫུན་མ་ཡིན་པ་ཧ་ལམ་ཤེས་ཀྱི་མེད། དེར་བརྟེན། དེ་རིང་ཚང་མར་རྒྱུན་དུ་བཟའ་མང་མའི་ཟས་རིགས་རྫུས་མ་འགའ་ཞིག་ངོ་སྤྲོད་བྱ་རྒྱུ་གཤམ་གསལ་ཏེ།

        ཤ་རིལ།(肉丸)

        ད་ཆ་ཤ་རིལ་དེ་ཚགས་ཤ་ངོ་མས་བཟོས་པ་ཧ་ལམ་ཉུང་ཉུང་ཡིན་ཞིང་། སྤྱིར་ཤ་འདྲ་མིན་སྣ་ཚོགས་དང་གར་ཕྱེ་མཉམ་བསྲེས་བྱས་ནས་བཟོ་གི་ཡོད་པས། ཁ་ལ་ཟ་སྐབས་ཞིམ་པོ་མེད་ལ། བདེ་ཐང་ལ་ཡང་གནོད་པ་ཆེན་པོ་ཡོད། གལ་སྲིད་ལྷད་མེད་ཤ་རིལ་ཡིན་ཚེ། བཟོ་ལས་ཧ་ཅང་ཞིབ་ཚགས་ཤིང་། ཤ་རིལ་གྱི་ཕྱི་ངོས་དམར་མདངས་རྒྱས་ལ་ཁ་ལ་ཟ་སྐབས་བྲོ་བ་ཧ་ཅང་ཞིམ་པོ་ཡོད།

        ལྷེབ་ཤ（肥牛）

        མི་མང་ཆེ་བས་ལྷེབ་ཤ་ལས་སྣོན་བྱས་པ་ཡིན་མིན་ལ་ཐེ་ཚོམ་བྱེད་ཀྱི་ཡོད། དོན་དངོས་ཐོག་ལྷེབ་ཤ་མི་ཉུང་བ་ཞིག་ནི་མ་རུང་ཁོག་བཅངས་བྱེད་མཁན་ཚོང་པ་ཁག་གཅིག་གིས་ཤ་འདྲ་མིན་སྣ་ཚོགས་མཉམ་དུ་བསྲེས་ནས་ལྷེབ་མོར་བཏུབས་པ་ཞིག་ཡིན་པས། ཤ་དེ་རིགས་སྐྱུག་བྲོ་ལ་མིད་དཀའ། ལྷད་མེད་ལྷེབ་ཤར་ཚིལ་མང་ཡང་ཞེ་མེར་མི་ལངས་ཞིང་བྲོ་བ་ཧ་ཅང་ཞིམ་པས་མི་མང་པོས་དགའ་པོ་བྱེད་ཀྱི་ཡོད། 

        ཡཱ་ཙེའི་ཁྲག（鸭血）

        རྒྱ་ཁོག་ཟ་སྐབས་མི་མང་ཆེ་བས་ཡཱ་ཙེའི་ཁྲག་ཟ་རྒྱུར་དགའ་པོ་བྱེད་ཀྱི་ཡོད། དེ་ནི་ཡཱ་ཙེའི་ཁྲག་ལ་ཁྲག་གསབ་དུག་སེལ་གྱི་ནུས་པ་ལྡན་ཞིང་། བྲོ་བ་ཧ་ཅང་ཞིམ་པོ་ཡོད། འོན་ཀྱང་ལྷད་མེད་ཀྱི་ཡཱ་ཙེའི་ཁྲག་བཟོ་བར་མ་གནས་མཐོ་བས། ཁྲོམ་ར་ནས་ཉོས་པའི་ཡཱ་ཙེའི་ཁྲག་མང་ཆེ་བ་ནི་མིས་ལས་སྣོན་བྱས་པ་ཤ་སྟག་རེད། ཡཱ་ཙེའི་ཁྲག་ངོ་མ་དང་རྫུས་མ་དབྱེ་འབྱེད་དཀའ་བས། རྫུས་བཟོ་བྱས་པའི་ཁྲག་དེ་ཁ་བཤགས་སྐབས། དེའི་ནང་ཨི་ཁུང་མང་པོ་ཡོད་ལ་འཐེན་སྐབས་ནར་འགྲོ་ཡི་ཡོད། འོན་ཀྱང་ཁྲག་ངོ་མ་ཡིན་ཚེ་དེ་ལྟར་མིན་པར་ཞིབ་ཞིབ་ཆགས་སླ་པོ་ཡོད།

        སྐྱི་པགས་མཉེན་པའི་རྒྱུ་མ།（脆皮肠）

        སྐྱི་པགས་མཉེན་པའི་རྒྱུ་མ་དེ་ལས་སྣོན་བྱེད་སྐབས་ཚྭ་ཚད་ལས་བརྒལ་བ་བླུགས་ཀྱི་ཡོད་པས། ཡུན་རིང་ཚྭ་མང་བའི་ཟས་དེ་རིགས་ཟོས་ཚེ་མིའི་ལུས་པོར་གནོད་པ་ཧ་ཅང་ཆེན་པོ་ཡོད།

        ཤ་རྒྱུག（蟹肉棒）

        ཤ་རྒྱུག་ནི་ང་ཚོས་དུས་རྒྱུན་རྒྱ་ཁོག་ཟ་སྐབས་བཟའ་མང་ཤོས་ཀྱི་གྲས་ཤིག་ཡིན་པ་དང་མི་མང་ཆེ་བས་དེ་ནི་སྡིག་སྲིན་གྱི་ཤས་བཟོས་པ་ཞིག་རེད་སྙམ་གྱི་ཡོད། འོན་ཀྱང་། དེ་ནི་ལས་སྣོན་བྱས་ནས་བཟོས་པ་ཞིག་ཡིན་ཞིང་། གར་ཕྱེ་དང་ཤ་སྨན་ཁོ་ན་མ་ཏོག་སྡིག་སྲིན་གྱི་ཤ་ཏིལ་འབྲུ་ཙམ་ཡང་མེད་པས། རྒྱུན་གཏན་འཚོ་བའི་ནང་ཉུང་ཙམ་བཟས་ན་དགའོ།