ཉི་ཤར་བྱམས་གླུའི་རྒྱུན་འཛིན་པ་བྱམས་པ།

རྩོམ་པ་པོ།     ཡིག་བསྒྱུར།       དུས་ཚོད།   2020-01-16   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    བྱམས་པ་ནི་1941ལོར་སེམས་ཀྱི་ཉི་ཟླ་གྲོང་ཁྱེར་ཉི་ཤར་ཤང་ནས་སྐྱེས་ཤིང་།ཉི་ཤར་བྱམས་གླུའི་རྒྱུན་འཛིན་པ་ཡིན།2002ལོར་ཡུན་ནན་ཞིང་ཆེན་རིག་གནས་ཐིང་གིས་ཁག་གཉིས་པའི་ཞིང་ཆེན་རིམ་པའི་དངོས་མིན་རིག་གནས་ཤུལ་བཞག་རྣམ་གྲངས་མཚོན་བྱེད་རང་བཞིན་གྱི་རྒྱུན་འཛིན་པའི་མིང་བསྩལ་བ་རེད།

    བྱམས་པ་འཚོ་སྡོད་བྱེད་སའི་སེམས་ཀྱི་ཉི་ཟླ་གྲོང་ཁྱེར་ཉི་ཤར་ཤང་ལ་བྱམས་གླུའི་ཕ་ས་ཞེས་པའི་མིང་ཐོགས་ཡོད་པ་རེད།ཉི་ཤར་བྱམས་གླུ་ནི་བྲོ་དང་གཞས་ཟུང་དུ་འབྲེལ་ཞིང་།  རང་ཉིད་ཀྱི་ཐུན་མོང་མ་ཡིན་པའི་ཁྱད་ཆོས་ལྡན་པའི་ཞབས་བྲོ་ཞིག་ཡིན་པས་ས་གནས་དེ་གར་དར་ཁྱབ་ཆེན་པོ་བྱུང་ཡོད། ཉི་ཤར་ཤང་གི་གྲོང་སྡེ་ཚང་མར་རང་ཉིད་ཀྱི་ཁྱད་ཆོས་ལྡན་པའི་བྱམས་གླུ་ཡོད་པ་རེད། བྱམས་པ་ནི་འདི་ལྟ་བུའི་ཁོར་ཡུག་ཁྲོད་འཚར་ལོངས་བྱུང་ཞིང་། ཆུང་དུས་ནས་ཕ་མེས་ཚོའི་བྱམས་གླུ་སྣ་ཚོགས་འཁྲབ་པར་བལྟས་པ་དང་། རང་ཉིད་ཀྱང་བྲོ་འཁྲབ་པར་དགའ་བས་གྲོང་སྡེའི་ནང་བྱམས་གླུ་འཁྲབ་ཚེ་ཁོང་གིས་མཉམ་དུ་སློབ་སྦྱོང་བྱེད་ཀྱི་ཡོད། བྱམས་པ་ལོ་བཅུ་གཉིས་ནས་བཟུང་ཉི་ཤར་གྱི་བྱམས་གླུ་སློབ་སྦྱོང་བྱས་པ་དང་།ལོ་བཅོ་ལྔ་བཅུ་དྲུག་ལ་སླེབས་སྐབས་གྲོང་སྡེའི་ནང་ལོ་ན་གཞོན་ཤོས་ཀྱི་བྱམས་གླུའི་ཚ་དཔོན་དུ་གྱུར་ཡོད།    

    ལོ་ན་མཐོ་རུ་ཕྱིན་པ་དང་བསྟུན་ནས་བྱམས་པས་བྱམས་གླུ་མང་པོ་ཁོང་དུ་ཆུད་པ་དང་།བྱམས་གླུའི་སྟངས་སྟབས་ཀྱང་ཕུན་སུམ་ཇེ་ཚོགས་སུ་ཕྱིན་ཡོད།ཁོང་གིས་དམངས་ཁྲོད་དུ་དར་བའི་བྱམས་གླུ་དང་སྐོར་བྲོ།  ལ་གཞས་སོགས་དམངས་ཁྲོད་ཀྱི་གླུ་གཞས་མང་པོ་གཏོང་ཤེས་པ་མ་ཟད།ཉི་ཤར་བྱམས་གླུའི་སྟངས་སྟབས་ཀྱང་རིགས་མང་པོ་བྱང་ཆུབ་པར་བྱས་ཡོད། ཉི་ཤར་ཤང་གི་གྲོང་སྡེ་ཁག་ཏུ་གྲོང་མི་མང་ཆེ་བའི་ཁྱིམ་དུ་བཀྲ་ཤིས་པའི་བྱ་བ་སྒྲུབ་སྐབས་བྱམས་པ་གདན་དྲངས་ནས་སྒོར་གཞས་དང་བྱམས་གླུའི་བྲོ་དཔོན་བྱེད་དུ་འཇུག་གི་ཡོད། བྱམས་པས་ཉི་ཤར་གྱི་བྱམས་གླུ་འདི་ཉིད་ཞིང་ཆེན་དང་། ཁུལ། རྫོང་བཅས་ཀྱིས་སྒྲིག་འཛུགས་བྱས་པའི་འཁྲབ་སྟོན་བྱེད་སྒོ་ཆེ་གྲས་ཀྱི་གར་སྟེགས་ཐོག་ཐེངས་མང་འཁྲབ་མྱོང་བ་རེད།

    བྱམས་པས་ཐོག་མཐའ་བར་གསུམ་དུ་ཧུར་ཐག་གིས་དངོས་མིན་རིག་གནས་ཤུལ་བཞག་རྒྱུན་འཛིན་པའི་འགན་འཁྲི་ཁུར་ནས་རང་འགུལ་ངང་ས་གནས་དེ་གའི་མང་ཚོགས་ལ་མི་རིགས་ཀྱི་དམངས་ཁྲོད་རིག་གནས་དྲིལ་བསྒྲགས་བྱས་པ་མ་ཟད། དགའ་མོས་ཡོད་པའི་མི་རྣམས་ལ་མཛུབ་ཁྲིད་བྱས་ཏེ་ཉི་ཤར་གྱི་བྱམས་གླུ་རྒྱུན་འཛིན་བྱ་རྒྱུར་རྨང་གཞི་ཟབ་མོ་བཏིང་ཡོད།བྱམས་པས་ནན་ཏན་སྒོས་གྲོང་སྡེའམ་ཡང་ན་ས་ཆ་གཞན་དུ་སྒྱུ་རྩལ་སྦྱོང་བར་ཡོང་མཁན་ཚོར་རང་ཉིད་ཀྱིས་ཁོང་དུ་ཆུད་པའི་བྱམས་གླུ་ཁྲིད་ཀྱིན་ཡོད་པ་དང་།ད་ལྟ་སློབ་མ་བཅུ་ལྷག་ཡོད།འདིའི་ཁྲོད་ཀྱི་སློབ་མ་ཁག་གཅིག་གིས་རང་རྐྱ་འཕེར་བའི་ངང་བྱམས་གླུ་གཏོང་ཐུབ་ཀྱི་ཡོད།


分享到：QQ空间新浪微博腾讯微博人人网微信