ཉུང་གསུམ་མང་གསུམ་གྱི་དྲན་སྐུལ།

  དེ་རིང་རྒྱལ་ཡོངས་ལས་རིགས་སོ་སོའི་ལས་མི་མང་པོ་ཞིག་ལས་གནས་ཐོག་སླེབས་ཡོད་པ་རེད། འདི་ནས་ཚང་མར་དྲན་སྐུལ་ཞུ་རྒྱུ་ནི། མང་བ་གསུམ་དང་ཉུང་བ་གསུམ་ཞེས་པ་དེ་ཡིན།

ཐོག་མར་ཉུང་བ་གསུམ་ནི།

གཅིག གློག་སྐས་སུ་འདུག་རྒྱུ་ཇེ་ཉུང་དུ་གཏོང་བ། གལ་སྲིད་ཁྱེད་རང་སྡོད་སའི་ཁང་བརྩེགས་མཐོན་པོ་མིན་ཚེ་ཁ་ཐུམ་རྒྱབ་ནས་རྡོ་སྐས་བརྒྱུད་ནས་ཕྱིན་ན་ལེགས། འོན་ཀྱང་གློག་སྐས་སུ་འདུག་དགོས་ན་གློག་སྐས་ཀྱི་མཐེབ་མནོན་མནན་རྗེས་ལག་པས་མིག་ཕུར་ཕུར་མ་བྱེད་རོགས།

 གཉིས། ལས་ཁུངས་ཀྱི་ཟ་ཁང་དུ་ཉུང་ཙམ་འགྲོ་དགོས།

ཟ་ཁང་ཡང་མི་ཚོགས་མང་ས་ཡིན་པས་ཟ་མ་ཟ་སྐབས་ཁ་གཏད་དུ་སྡོད་མི་རུང་ལ་ཟ་མ་ཟས་ཚར་རྗེས་ལམ་སེང་ཕྱིར་ལོག་ན་བཟང་།

གསུམ། ལས་ཁུངས་སོ་སོས་ཀྱང་ཚོགས་འདུ་འཚོགས་ཐེངས་ཉུང་དུ་གཏོང་དགོས། གལ་སྲིད་ཚོགས་འདུ་འཚོགས་དགོས་ན་བརྙན་ལམ་བརྒྱུད་ནས་ཚོགས་འདུ་ཚོགས་ན་བཟང་།

མང་བ་གསུམ་གང་རེད་ཅེ་ན།

གཅིག ལག་པ་མང་ཙམ་བཀྲུ་བ།

གཉིས། མཁའ་རླུང་གཙང་མ་མང་ཙམ་རྒྱུ་རུ་འཇུག་པ།

གསུམ། དུག་སེལ་མང་ཙམ་བྱེད་དགོས་པ་བཅས་ཡིན།

  སྔ་མ་གཉིས་ནི་ཚང་མས་ཤེས་གསལ་རེད། ལས་ཁུངས་སུ་ངེས་པར་དུ་འདི་དག་ལ་དུག་སེལ་བྱེད་དགོས་ཏེ། གློག་ཀླད་ཀྱི་ཕབ་གཞོང་དང་ཙིག་རྟགས། སྒོ་འཐེན། ཁ་པར་སོགས་ལ་དུག་སེལ་བྱེད་དགོས།

      མདོར་ན། ལས་ཁུངས་སུ་ལག་པ་མང་དུ་བཀྲུ་བ་དང་། མཁའ་རླུང་གཙང་མ་མང་ཙམ་རྒྱུ་རུ་འཇུག་པ། དུས་རྒྱུན་ཁ་ཐུམ་མམ་ཁ་རས་རྒྱག་པ། རང་ལུས་སྲུང་སྐྱོབ་ལ་ཤུགས་སྣོན་རྒྱག་དགོས། སླད་མར་ཚང་མའི་ལས་ཀ་བདེ་བླག་དང་སྐུ་གཟུགས་གསལ་ཐང་ཡོང་བར་སྨོན།