བདེ་ཆེན་བོད་སྐད་ཐོག་ནས་བཤད་པའི་བདེ་ཐང་ཤེས་བྱ།

རྩོམ་པ་པོ།     ཡིག་བསྒྱུར།       དུས་ཚོད།   2020-02-05   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།




ཏོག་དབྱིབས་ནད་དུག་གསར་པ་འགོ་བའི་གློ་ཚད་རིམས་ནད་སྐོར་གྱི་ཤེས་བྱ་འགའ།

    ཉེ་སྔོན་རྒྱལ་ཡོངས་སུ་ཏོག་དབྱིབས་ནད་དུག་གསར་པའི་འགོ་བའི་གློ་ཚད་རིམས་ནད་ཞེས་པའི་ནད་གཞི་ས་ཆ་མང་པོར་བྱུང་ཡོད།ད་བར་རང་ཁུལ་དུ་ནད་གཞི་དེ་བྱུང་མེད་ལ།རང་རྒྱལ་གྱི་ས་ཆ་གཞན་པར་ནད་གཞི་དེ་བྱུང་བས་བདེ་ཆེན་ཁུལ་ཨུ་དང་ཁུལ་སྲིད་གཞུང་གིས་སྔོན་འགོག་ལས་ཀར་མཐོང་ཆེན་གནང་ཡོད་དེ།ཁུལ་ཕྱི་ནང་གི་མགྲོན་སྐྱེལ་རླངས་འཁོར་གནས་སྐབས་གཏོང་མཚམས་འཇོག་པ། ཁུལ་ནང་ཡོང་མི་ཚང་མ་ལ་ཚ་བ་རྒྱས་ཡོད་མེད་ལ་ལྟ་ཞིབ་ཚད་ལེན་བྱས་པ་དང་འགྲོ་འོང་གཞི་རྩའི་གནས་ཚུལ་ཐོ་འགོད་བྱས།ཁུལ་ཡོངས་སུ་འགྲོ་འོང་བྱེད་མི་ལ་ཚ་བ་རྒྱས་ཡོད་མེད་ལ་ལྟ་ཞིབ་བྱེད་ས་ཁག་19བཙུགས་ཡོད།ད་བར་རང་ཁུལ་དུ་ནད་གཞི་དེ་བྱུང་མེད་ནའང་ང་ཚོས་སེམས་ལྷོད་མི་ཉན། དེ་ཡང་གང་འདྲ་བྱེད་དགོས་ཟེར་ན།གཅིག་ནས་དུས་རྒྱུན་དུ་རང་ཁྱིམ་དུ་བསྡད་ནས་ཕྱི་ལོགས་སུ་འགྲོ་འོང་མང་པོ་མ་བྱེད།ཁྱད་པར་དུ་མི་མང་པོ་འདུ་འཛོམས་བྱེད་སར་འགྲོ་དགོས་དོན་མེད་ན་མ་འགྲོ


    གཉིས་ནས། གལ་སྲིད་ངེས་པར་དུ་ཕྱི་ལོགས་སུ་འགྲོ་དགོས་བྱུང་ན།ཁ་རས་ངེས་པར་དུ་རྒྱོབ་རོགས།


    གསུམ་ནས། ལག་པ་ཡག་པོ་འཁྲུ་དགོས།ཁྱད་པར་དུ་ཕྱི་ནས་ནང་ལ་ལོག་དུས་དང་ཁ་ལག་ཟ་དུས་ལག་པ་འཁྲུ་དགོས་ཏེ།ལག་པའི་ཐོག་དག་རྫས་བྱུགས་ནས་སྦར་མཐིལ་དང་། མཛུབ་གུའི་གསེབ། སེན་རྩེའི་འོགདེ་བཞིན་ལག་རྒྱབ་དང་ལག་མགོ་ཚང་མ་གཙང་མར་འཁྲུ་དགོས།


    བཞི་ནས་དུས་རྒྱུན་ཁང་པའི་སྒེའུ་ཁུང་དང་སྒོ་སོགས་ཕྱེ་ནས་མཁའ་རླུང་རྒྱུག་འཇོག་དགོས།


    མིག་སྔར་ནད་གཞི་དེ་ཕོག་མི་མང་པོ་འདུག་ཀྱང་ཚང་མས་འཇིགས་སྐྲག་བྱེད་མི་དགོས།རང་ལ་ཚ་བ་རྒྱས་པ་དང་ལུ་བ་རྒྱུན་མི་ཆད་པ། དབུགས་ལེན་དཀའ་བ་སོགས་ཀྱི་ནད་རྟགས་བྱུང་སྐབས་ངེས་པར་དུས་ལྟར་སྨན་ཁང་དུ་བརྟག་དཔྱད་བྱེད་པར་འགྲོ་དགོས།


    འདིར་ཚང་མས་རང་གཞན་གཉིས་ཀྱི་བདེ་ཐང་དང་བདེ་སྐྱིད་ཆེད་གཟབ་གཟབ་བྱེད་པའི་འབོད་སྐུལ་ཞུ།


分享到：QQ空间新浪微博腾讯微博人人网微信