རི་མོའི་ལམ་ནས་རིམས་འགོག་ཤེས་བྱ་བསྒྲགས།

ཉེ་ཆར།  ཏོག་གསར་གློ་ནད་སྤང་ལ་མཆེད་པ་ལྟར་གྲམ་བཞིན་པའི་སྐབས་སུ།  བོད་རིགས་ས་ཁུལ་གྱི་སྡེ་ཁག་དང་མི་སྒེར་གང་མང་ཞིག་གིས་མ་སྐུལ་དང་བླངས་སྒོས་རིམས་ནད་སྔོན་འགོག་གི་ཤེས་བྱ་ཁྱབ་བསྒྲགས་བྱེད་བཞིན་མཆིས་ལ།  ཁྱབ་བསྒྲགས་ཀྱི་རྣམ་པ་སྣ་མང་ཕུན་སུམ་ཚོགས་ཤིང་།  རང་རང་གི་ཁྱད་ཆོས་དང་དགའ་ཕྱོགས་སོགས་འབུར་དུ་སྟོན་ནས་ཁ་གསལ་གོ་བདེའི་ངང་རིམས་ནད་སྔོན་འགོག་གི་ཤེས་བྱ་མཐའ་དག་བརྒྱུད་སྒྲོག་བྱས་དང་བྱེད་མུས་སུ་མཆིས།  དེའང་སྡེ་དགེ་རྫོང་རྩོམ་པ་པོའི་མཐུན་ཚོགས་ཀྱིས་སྲོལ་རྒྱུན་རི་མོའི་འབྲི་སྟངས་དང་དེང་རབས་རི་མོའི་ལུགས་གཉིས་ཟུང་དུ་སྦྲེལ་ནས་གསོན་ཉམས་ལྡན་ཞིང་ཡིད་དབང་འགུག་པའི་རི་མོའི་ལམ་ནས་རིམས་ནད་སྔོན་འགོག་གི་ཤེས་བྱ་ཁྱབ་བསྒྲགས་བྱས་འདུག དེ་བས་འཕྲིན་སྟེགས་བརྒྱུད་ནས་རྣམ་པ་ཚོའི་སྤྱན་ལམ་དུ་རི་མོ་གང་མང་ཞིག་བཀོད་ཡོད་པས།  དེ་དག་ལ་གཟིགས་ཤིང་མཚོན་དོན་ལ་ཐུགས་བསམ་བཞེས་པར་འཚལ། །