སེམས་ཀྱི་ཉི་ཟླའི་སློབ་ཆུང་སློབ་མས་རི་མོའི་ལམ་ནས་ཝུའུ་ཧན་ལ་སྨོན་འདུན་ཞུས་པ།

སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཉེ་སྔོན་སེམས་ཀྱི་ཉི་ཟླ་གྲོང་ཁྱེར་ཡང་ཐང་གྲོང་རྡལ་སློབ་ཆུང་གི་སློབ་མ་ཚོས་རང་ཉིད་ཀྱི་བྱེད་སྟངས་ལ་བརྟེན་ནས་མེས་རྒྱལ་དང་ཐུན་མོང་ཐོག་རིམས་ནད་སྔོན་འགོག་བྱས་པ་རེད། སློབ་འགོ་ཚུགས་པའི་དུས་ཚོད་ནར་འགྱངས་བྱས་རུང་ཁོང་ཚོས་རང་ཁྱིམ་དུ་རང་བདག་ངང་སློབ་སྦྱོང་བྱས་པ་དང་།དུས་མཚུངས་སུ་རི་མོ་དང་རང་གིས་བཟོས་པའི་ལག་བཤུས་ཚགས་པར་རེ་རེས་ཚན་རིག་ལྟར་རིམས་ནད་སྔོན་འགོག་གི་ཤེས་བྱ་ཁྱབ་གདལ་བྱས་ནས།མེས་རྒྱལ་ལ་ཤུགས་རྒྱབ་པ་དང་ཝུའུ་ཧན་ལ་ཤུགས་རྒྱབ་སྟེ་རིམས་ནད་འགོག་རྒོལ་གྱི་འཐབ་ས་དང་པོ་བརྟན་སྲུང་བྱེད་པའི་དཔའ་བོ་ཚོར་གུས་འདུད་ཞུས་པ་རེད།

    རྒྱུས་ལོན་བྱུང་བ་ལྟར་ན།བྱིས་པའི་རིམས་ནད་སྔོན་འགོག་གི་འདུ་ཤེས་ཟབ་ཏུ་གཏོང་ཆེད།སེམས་ཀྱི་ཉི་ཟླ་གྲོང་ཁྱེར་གྱི་སློབ་གྲྭ་ཁག་གི་ལོ་ཆུང་གདོང་ལེན་རུ་ཁག་གིས་དུས་ཐོག་ཏུ་གཞོན་ནུ་ལོ་ཆུང་གི་རིམས་ནད་སྔོན་འགོག་གི་སློབ་གསོ་སྤེལ་བ་དང་།སྐེ་རས་དམར་པོས་རིམས་ནད་ལ་འགོག་རྒོལ་ལ་རོགས་སྐྱོར་བྱེད་པའི་བྱ་འགུལ་སྤེལ་བ་བརྒྱུད། འཕྲིན་ཡིག་དང་།རྒྱ་ཁྱབ་བརྡ་སྦྱོར།བརྙན་ཐུང་སོགས་ཀྱི་རྣམ་པའི་ཐོག་ནས་རིམས་ནད་ཀྱི་འཐབ་ས་དང་པོར་དམག་འཐབ་བྱེད་པའི་གདོང་ལེན་པར་གུས་འདུད་ཞུས་པ་རེད།དེ་དང་ཆབས་ཅིག་དགེ་རྒན་ཚོས་ད་དུང་དུས་རྒྱུན་སྐད་འཕྲིན་དང་ཁ་པར་བརྒྱུད་ནས་སློབ་མ་དང་ཁྱིམ་བདག་ལ་ཁྱིམ་སྡོད་རིམས་འགོག་ལས་དོན་ཡག་པོ་བསྒྲུབ་རྒྱུར་སྐུལ་འདེད་གཏོང་བ་དང་། སློབ་མ་ཚོར་ རིམས་འགོག་གི་དྲིལ་བསྒྲགས་པ་ཆུང་ཆུང་ཡག་པོ་ཞིག་བྱེད་པར་མཛུབ་ཁྲིད་བྱས་པ་རེད།