བདེ་ཆེན་སུམ་གླིང་རིག་གནས་ཡུལ་སྐོར་ཁྱབ་སྤེལ་ཚད་ཡོད་ཀུང་སིས་ཝུའུ་ཧན་གྲོང་ཁྱེར་ལ་ཞལ་འདེབས་བརྒྱབ་པ།

ཟླ་4ཚེས་13ཉིན་བདེ་ཆེན་སུམ་གླིང་རིག་གནས་ཡུལ་སྐོར་ཁྱབ་སྤེལ་ཚད་ཡོད་ཀུང་སིས་ཁེ་ལས་ཀྱི་སྤྱི་ཚོགས་འགན་འཁྲི་འཁུར་སེམས་འདོན་སྤེལ་བྱས་ནས་རིམས་ནད་སྔོན་འགོག་ཚོད་འཛིན་གྱི་དམིགས་བསལ་དུས་སྐབས་སུ་ཝུའུ་ཧན་གྲོང་ཁྱེར་དང་ཡུན་ནན་གྱི་ས་ཁུལ་ཁག་གཅིག་གི་རིམས་ནད་འགོག་པའི་འཐབ་ས་དང་པོར་མནོལ་བསང་སྒམ་15000ཞལ་འདེབས་བརྒྱབ་པ་དང་སྒམ་རེར་རིན་གོང་སྒོར་99ཡིན་པ་དེར་བསྡོམས་སྒོར་1485000ཟིན་ཡོད་པ་རེད།