སེམས་ཀྱི་ཉི་ཟླས་གུང་གསེང་རིང་གཙོ་གནད་རྣམས་གྲངས་བྱེད་མཚམས་མི་འཇུག་པ།

“ལྔ་གཅིག”གུང་གསེང་རིང།སེམས་ཀྱི་ཉི་ཟླ་གྲོང་ཁྱེར་ཟླ་འོད་གྲོང་རྡལ་ཆུང་ངུའི་འཛུགས་སྐྲུན་རྣམ་གྲངས་ཀྱི་ཨར་ལས་བྱ་ཡུལ་དུ་ས་འབུད་འཕྲུལ་འཁོར་དང་། རྐོ་འདྲུའི་འཕྲུལ་འཁོར། སྐྱེལ་འདྲེན་རླངས་འཁོར། བཟོ་པ་བཅས་ཀྱིས་བྲེལ་འཚུབ་ངང་རང་སོ་སོའི་ལས་ཀ་བྱེད་བཞིན་ཡོད་པ་དང་རིམས་ནད་སྔོན་འགོག་ཚོད་འཛིན་ཡག་པོ་བྱེད་པའི་སྔོན་འགྲོའི་ཆ་རྐྱེན་འོག་ཨར་ལས་མི་སྣ་བརྒྱ་ལྷག་ཙམ་གྱིས་གུང་གསེང་དོར་ནས་ལས་གནས་བརྟན་སྲུང་ངང་ལས་གྲྭའི་འཕེལ་རིམ་འགན་ལེན་བྱས་པ།
   

      འཕྲིན་གཏོང་མདོང་ལམ་སྔོན་སྦས་བྱེད་པ་དང་། ནང་ཁུལ་གྱི་འགྲོ་ལམ་འདིང་བ། ས་ངོས་ཀྱི་ཆུ་ཚད་ཚད་འཇལ་བྱེད་པ། ལྕགས་རྩིབས་ལས་སྣོན་བཟོ་གྲྭ་སྐྲུན་པ་སོགས་བྱས་ཡོད་དེ། “ས་མཐོའི་ཆར་དུས་དང་དགུན་དུས་ལ་ཨར་ལས་བྱ་རྒྱུར་འཚམ་པོ་མེད། དུས་ཚོད་དེ་དང་བསྟུན་ནས་གནམ་གཤིས་དྲོ་པོ་ཡོད་པས་དུས་ཚོད་དམ་འཛིན་གྱིས་མྱུར་ཚད་མགྱོགས་སུ་བཏང་སྟེ་ཉིན་ཉིས་བརྒྱའི་ལས་ཡུན་ནང་ང་ཚོས་འགན་འཁུར་བའི་བོད་ཀྱི་རིག་གནས་འགྲེམས་སྟོན་དང་ཉམས་ལེན་ལྟེ་གནས་དང་སྦི་རག་ཉམས་ལེན་ལྟེ་གནས་བསྐྲུན་རྒྱུའི་འགན་ལེན་བྱེད་དགོས་ཞེས་ཨར་ལས་ཀྱི་འགན་འཁུར་བས་འདི་འདྲ་བཤད་བྱུང་།