རང་ཁུལ་གྱིས་ཁུལ་རིམ་པའི་གཙང་དཔོན་ལམ་ལུགས་ཀྱི་ལས་ཀའི་ཚོགས་འདུ་འཚོགས་པ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་5པའི་ཚེས་7ཉིན།  རང་ཁུལ་གྱིས་ཁུལ་རིམ་པའི་གཙང་དཔོན་ལམ་ལུགས་ཀྱི་ལས་ཀའི་ཚོགས་འདུ་འཚོགས་ཏེ། ཚོགས་འདུའི་ཐོག་2019ལོ་འཁོར་གྱི་གཙང་དཔོན་ལམ་ལུགས་ཀྱི་ལས་ཀའི་གནས་ཚུལ་བརྡ་ཁྱབ་གཏོང་བ་དང་ མིག་སྔའི་གཙང་དཔོན་ལམ་ལུགས་ཀྱི་ལས་ཀ་ལ་གནས་ཡོད་པའི་གནད་དོན་འབུར་ཐོན་ལ་དབྱེ་ཞིབ་གཏིང་ཟབ་བྱས་པ་དང་འབྲེལ་2020ལོ་འཁོར་གྱི་གཙང་དཔོན་ལམ་ལུགས་ཀྱི་ལས་ཀ་བཀོད་སྒྲིག་བྱས་པ་རེད།

        ཚོགས་འདུའི་ཐོག་བསྟན་དོན།                  2017ལོར་གཙང་དཔོན་ལམ་ལུགས་ལག་བསྟར་བྱས་པ་ནས་བཟུང་།  ཁུལ་ཡོངས་རིམ་པ་ཁག་དང་འབྲེལ་ཡོད་སྡེ་ཚན་ཁག་གིས་ཁུལ་ཨུ་དང་ཁུལ་སྲིད་གཞུང་གི་ཇུས་ཆོད་བཀོད་སྒྲིག་ལྟར་ནན་ཏན་ངང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཆུ་བཅོས་ཆུ་སྐྲུན་གྱི་བསམ་བློ་གལ་ཆེན་དོན་འཁྱོལ་མཐར་ཕྱིན་བྱས་ཡོད་པ་དང་གྲུབ་འབྲས་མངོན་གསལ་ཐོབ་ཡོད།  རིམ་པ་ཁག་གི་གཙང་དཔོན་འབྲེལ་གཏུག་ལས་ཁུངས་ཀྱིས་ཏང་གི་ཚོགས་ཆེན་བཅུ་དགུ་པ་དང་སྐབས་བཅུ་དགུ་པའི་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པ།  བཞི་པ་བཅས་ཀྱི་དགོངས་དོན་དོན་འཁྱོལ་གཏིང་ཟབ་གཏོང་དགོས་པ་དང་། ཕྱོགས་ཡོངས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་རྨ་ཆུའི་འབབ་རྒྱུད་ཀྱི་སྐྱེ་ཁམས་སྲུང་སྐྱོང་དང་སྤུས་ཚད་མཐོ་བའི་ངང་འཕེལ་རྒྱས་གཏོང་བའི་བཞུགས་མོལ་ཚོགས་འདུའི་ཐོག་གི་གསུང་བཤད་ཀྱི་དགོངས་དོན་དོན་དུ་འཁྱོལ་དགོས།  སྡེ་ཚན་མཉམ་འགུལ་གཏིང་ཟབ་ཏུ་བཏང་ནས་ཁུལ་ཡོངས་ཀྱི་གཙང(མཚེའུ)དཔོན་ལམ་ལུགས་ཀྱི་ལས་ཀ་ལ་ནུས་ཤུགས་ཡོད་རྒུས་སྐུལ་འདེད་བཏང་སྟེ་ཁུལ་ཡོངས་ཀྱི་གཙང(མཚེའུ)དཔོན་ལམ་ལུགས་ཀྱི་ལས་ཀ་ཁག་དོན་ཐོག་ཏུ་འཁྱོལ་ནས་ཕན་འབྲས་དངོས་ཐོན་པ་དང་ཆུའི་བདེ་འཇགས་འགན་ལེན་བྱེད་དེ་རྒྱལ་ཡོངས་བོད་རིགས་ས་ཁུལ་གྱི་སྐྱེ་ཁམས་དཔལ་ཡོན་གྱི་གྲལ་འགོའི་དམག་འཛུགས་སྐྱོང་ལ་སྐུལ་འདེད་གཏོང་དགོས།

        ཚོགས་འདུའི་ཐོག་མཛེས་སྡུག་ལྡན་པའི་གཙང་པོ་དང་མཚེའུ་འཛུགས་སྐྲུན་བྱས་པ་དང་གཙང་པོ་དང་མཚེའུ་ཡི་འགག་སྒྲོལ་དམག་འཐབ་ཡག་པོ་རྒྱག་དགོས་ན།  གཅིག་ནས་ནུས་ཤུགས་ཡོད་རྒུས་《བདེ་ཆེན་ཁུལ་གྱི་འབྲི་ཆུ་གཙོ་གནད་དུ་བྱས་པའི་ཆུ་རྒྱུད་ཆེན་པོ་གཉིས་སྲུང་སྐྱོང་ཉམས་གསོའི་འགག་སྒྲོལ་དམག་འཐབ་ལག་བསྟར་ཇུས་གཞི།》དོན་དུ་འཁྱོལ་དགོས་པ་དང་། གཉིས་ནས་རིམ་པ་ཁག་གི་གཙང་(མཚེའུ)དཔོན་དང་གཙང་དཔོན་འབྲེལ་གཏུག་ལས་ཁུངས་ཀྱིས་འགན་འཁྲི་སྡེ་ཚན་གྱིས་གཙང་པོ(མཚེའུ)གཅིག་ཐབས་གཅིག་ཞེས་པ་ལག་བསྟར་བྱེད་ཤུགས་མགྱོགས་སུ་བཏང་ནས་གནད་དོན་དང་དམིགས་ཚད། བྱ་ཐབས། ལས་འགན། འགན་འཁྲི་སོགས་གསལ་ཐོ་ལྔ་གཞིར་བཟུང་གཙང་པོ་དང་མཚེའུ་སྲུང་སྐྱོང་དང་བཅོས་སྐྱོང་། ཉམས་གསོ་སོགས་ཀྱི་ལས་ཀ་ཡག་པོ་བསྒྲུབ་རྒྱུར་སྐུལ་འདེད་གཏོང་དགོས། གསུམ་ནས་འཕར་ཚད་བཀག་འགོག་དང་བསགས་འབོར་གཙང་སེལ་མཐའ་གཅིག་ཏུ་བྱས་ཏེ། “གང་བྱུང་བཞི་”(གང་བྱུང་དུ་བཟུང་སྤྱོད་དང་།གང་བྱུང་དུ་སྔོག་འདོན། གང་བྱུང་དུ་སྤུངས་པ། གང་བྱུང་དུ་འཛུགས་སྐྲུན་བྱེད་པ་)བཅས་ཀྱི་གནད་དོན་ཕྱོགས་ཡོངས་ནས་རྩད་གཅོད་དང་། “གང་བྱུང་བཞི་”སེལ་བའི་བྱ་སྤྱོད་རྒྱུན་རྣམ་ཅན་དང་ཚད་ལྡན་ཅན་དུ་འགྱུར་བར་སྐུལ་འདེད་གཏོང་དགོས། བཞི་ནས་ཧུར་ཐག་ངང་འབྲེལ་ཡོད་ཤང་གྲོང་དང་གྲོང་ཚོ་བར་མཐུན་སྦྱོར་བྱེད་དེ་གཞི་རིམ་ཏང་རྩ་འཛུགས་ཀྱི་བརྗོད་དོན་གཙོ་བོའི་ཏང་གི་ཉིན་མོ་དང་དང་བླངས་པའི་ཞབས་ཞུ་སོགས་ཀྱི་ལས་ཀ་ལ་ཟུང་འབྲེལ་བྱས་ནས་སེམས་ཤུགས་གཅིག་སྒྲིལ་གྱིས་ས་ཁོངས་ནང་གི་“གཙང་དཔོན་གྱིས་གཙང་པོ་བཅོས་སྒྲིག”བྱ་སྤྱོད་སྤེལ་དགོས།  ལྔ་ནས་ཕྱོགས་ཡོངས་ནས་《བདེ་ཆེན་ཁུལ་གྱི་ཕྱོགས་ཡོངས་ནས་གཙང་དཔོན་ལམ་ལུགས་ཀྱི་བྱ་སྤྱོད་སྤེལ་བའི་འཆར་འགོད(2017-2020ལོ) 》དོན་འཁྱོལ་བྱེད་དེ་ལས་འགན་དྲུག་གི་བྱ་སྤྱོད་འཆར་འགོད་ཡག་པོ་སྤེལ་དགོས།  དྲུག་ནས་ལྟ་ཞིབ་གནད་དོན་དག་ཐེར་ཡོ་བསྲང་བྱེད་པའི་བྱ་སྤྱོད་རྒྱུན་མཐུད་ངང་སྤེལ་དགོས། གཞན་ཡང་ད་དུང་ལྟ་ཞིབ་ལྟ་སྐུལ་ལ་ཤུགས་སྣོན་བརྒྱབ་ནས་དཔྱད་ཞིབ་གདེང་འཇོག་ནན་པོ་བྱེད་དགོས་ཞེས་པའི་བླང་བྱ་བཏོན།

        ཁུལ་གཙང་དཔོན་ལམ་ལུགས་གཞུང་ལས་ཁང་དང་ཁུལ་དར་འཕེལ་བསྒྱུར་བཅོས་ཨུ་ལྷན།         ནོར་སྲིད་ཅུས།          སྐྱེ་ཁམས་ཁོར་ཡུག་ཅུས་སོགས་ཁུལ་རིམ་པའི་གཙང་དཔོན་འབྲེལ་གཏུག་ལས་ཁུངས་ཀྱི་འགོ་ཁྲིད་གཙོ་བོ་ཚོགས་འདུར་ཞུགས།