ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་བདེ་ཆེན་བོད་རིགས་རང་སྐྱོང་ཁུལ་སྐབས་བཅུ་གཉིས་པའི་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་པ་འཚོགས།

        ཟླ་5ཚེས་15ཉིན་གྱི་ཕྱི་དྲོ། ཀྲུང་གོ་མི་དམངས་ཆབ་སྲིད་གྲོས་མོལ་ཚོགས་འདུ་བདེ་ཆེན་བོད་རིགས་རང་སྐྱོང་ཁུལ་སྐབས་བཅུ་གཉིས་པའི་ཨུ་ཡོན་ལྷན་ཁང་གི་ཚོགས་འདུ་ཐེངས་ལྔ་པ་ཁུལ་ཨུའི་སྙན་ཞུ་ཚོམས་ཆེན་དུ་གཟབ་རྒྱས་ངང་འཚོགས།    ཀྲུང་གུང་བདེ་ཆེན་ཁུལ་ཨུའི་ཧྲུའུ་ཅི་ཝང་དབྱི་ཀྲི་དང་ཁུལ་མི་དམངས་སྲིད་གཞུང་གི་ཁུལ་དཔོན་ཆི་ཅན་ཤིན་སོགས་ཚོགས་འདུའི་ཡུལ་དངོས་སུ་ཡོང་ནས་ཚོགས་འདུ་འཚོགས་པར་རྟེན་འབྲེལ་ཞུས་ཤིང་ཀྲུའུ་ཞི་སྡིངས་ཆའི་ཐོག་བཞུགས་ཡོད་པ་རེད།   

        ཚོགས་ཆེན་ཐོག་ཨུ་ཡོན་219ཐོན་དགོས་ཤིང་། དངོས་སུ་ཨུ་ཡོན་187ཐོན་ཡོད་དེ། སྲིད་གྲོས་ཀྱི་སྒྲིག་ཡིག་གི་གཏན་འབེབས་དང་མཐུན་པ་རེད། དབྱང་ཧྥེང་ཞིས་ཚོགས་ཆེན་གཙོ་སྐྱོང་གནང་ཞིང་། ཚོགས་འདུའི་ཐོག་སྲིད་གྲོས་བདེ་ཆེན་ཁུལ་གྱི་སྐབས་བཅུ་གཉིས་པའི་ཚོགས་འདུ་ཐེངས་ལྔ་པའི་གྲོས་རིམ་ལ་གྲོས་ཞིབ་བྱས་ནས་གྲོས་འཆམ་བྱུང་།

        ཝང་དབྱི་ཀྲིས་ཀྲུང་གུང་བདེ་ཆེན་ཁུལ་ཨུའི་ཚབ་ཞུས་ནས་ཚོགས་ཆེན་འཚོགས་པར་སྤྲོ་སེམས་འཁོལ་བའི་རྟེན་འབྲེལ་ཞུས་པ་རེད། ཁོང་གིས་2019ལོར། ཁུལ་སྲིད་གྲོས་ཀྱིས་མཐུན་སྒྲིལ་དང་དམངས་གཙོའི་གཉིས་ཀྱི་བརྗོད་གཞི་ཆེན་པོ་དམ་འཛིན་བྱས་ཏེ། ཆབ་སྲིད་གྲོས་མོལ་དང་། དམངས་གཙོས་ལྟ་སྐུལ། སྲིད་ཞུགས་སྲིད་མོལ་བཅས་ཀྱི་འགན་ནུས་ཆེན་པོ་གསུམ་ཏན་ཏིག་གིས་བསྒྲུབས། ཁུལ་ཨུའི་སྤྱིའི་བྱ་བའི་བཀོད་སྒྲིག་ལ་དམ་པོར་དམིགས་ཏེ་ཧུར་ཐག་གིས་བློ་འདོན་ཇུས་འབུལ་བྱས་ཤིང་། དམངས་ཀྱི་དོན་དུ་འགན་ནུས་སྒྲུབ་ཤུགས་ཆེ་རུ་གཏོང་བ་དང་། མཐུན་སྒྲིལ་མཉམ་ལས་བྱེད་རྒྱ་ཆེ་རུ་གཏོང་བ། རང་ངོས་ལེགས་སྐྱོང་བྱེད་ཤུགས་ཆེ་རུ་གཏོང་བ་བཅས་བྱས་ཏེ། གྲུབ་འབྲས་གཟེངས་སུ་ཐོན་པའི་ལས་དོན་འབོར་ཆེན་བསྒྲུབས་ནས་ཚབ་བྱེད་ཐབས་བྲལ་བའི་ནུས་པ་འདོན་སྤེལ་བྱས་བསྟན།    

        ཝང་དབྱི་ཀྲིས་2020ལོར་སླེབས་པ་ན་ཁུལ་ཡོངས་ཀྱིས་ཏན་ཏིག་གིས་སྲིད་གྲོས་རྩ་འཛུགས་དང་རྒྱ་ཆེའི་སྲིད་གྲོས་ཨུ་ཡོན་གྱིས་འགན་འཁྲི་སྒྲུབ་པའི་ཆབ་སྲིད་ཀྱི་རང་རྟོགས་དང་། བསམ་བློའི་རང་རྟོགས། བྱ་སྤྱོད་ཀྱི་རང་རྟོགས་བཅས་ཆེ་རུ་བཏང་སྟེ། ཁུལ་ཡོངས་ཀྱི་ལས་ཀའི་སྤྱི་ཡོངས་ལ་དམ་པོར་དམིགས་ནས། ཚད་མཐོན་པོའི་སྒོས་ཐུན་མོང་གི་ངོས་འཛིན་གཅིག་སྒྲིལ་དང་། བློ་གྲོས་གཅིག་སྒྲིལ། སྟོབས་ཤུགས་གཅིག་སྒྲིལ་བཅས་བྱས་ཏེ་དངོས་དོན་ནུས་ལྡན་གྱི་བྱ་ཐབས་སྤྱད་དེ་ཁུལ་ཡོངས་ཀྱི་སྒྱུར་འཕེལ་བརྟན་གསུམ་གྱི་བྱ་གཞག་ཁག་ལ་སྐུལ་འདེད་གཏོང་བར་སྟོབས་ཤུགས་དང་ལེགས་སྐྱེས་སུ་འབུལ་དགོས་པའི་བླང་བྱ་བཏོན། 

        ཏུའུ་ཡུང་ཁྲུན་གྱིས་སྲིད་གྲོས་བདེ་ཆེན་ཁུལ་སྐབས་བཅུ་གཉིས་པའི་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་ཚབ་ཞུས་ནས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་གསེང་ཞུས་པ་རེད། སྙན་ཞུའི་ནང་བསྟན་དོན། 2019ལོར། ཁུལ་སྲིད་གྲོས་དང་དེའི་རྒྱུན་ལས་ཨུ་ཡོན་ལྷན་ཁང་གིས་དུས་རབས་གསར་པའི་མི་དམངས་སྲིད་གྲོས་ཀྱི་ཁ་ཕྱོགས་གསར་པ་དང་འགན་འཁྲི་གསར་པ་ཁོང་དུ་བརྟན་པོ་ཆུད་པ་བྱས་ནས། ཐོག་མཐའ་བར་གསུམ་དུ་ཏང་གི་འགོ་ཁྲིད་མཐའ་འཁྱོངས་ཀྱིས་ངོས་འཛིན་གཅིག་མཐུན་དང་གོང་བུ་གཅིག་སྒྲིལ་གྱི་ནུས་པ་འདོན་སྤེལ་བྱས་ཤིང་། དུས་རབས་གསར་པའི་སྲིད་གྲོས་ཀྱི་རྣམ་པ་གསར་པ་མངོན་པར་བྱས་ཏེ་བདེ་ཆེན་གྱི་བྱ་གཞག་ཁག་འཕེལ་རྒྱས་ཀྱི་རྣམ་པ་གསར་པ་རྒྱུན་ཆད་མེད་པར་གཏོད་ཆེད་ལེགས་ཧུར་ཐག་གིས་སྟོབས་ཤུགས་ཕུལ་ཡོད་པ་བསྟན།

        སྙན་ཞུའི་ནང་། 2020ལོར་སླེབས་པ་ན་ཁུལ་སྲིད་གྲོས་ཀྱི་ལས་དོན་དེ་རིམས་ནད་སྔོན་འགོག་ཚོད་འཛིན་དང་སྤྱི་ཚོགས་དཔལ་འབྱོར་འཕེལ་རྒྱས་ལ་སྤྱི་འདོམས་སྐུལ་འདེད་གཏོང་རྒྱུའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་དང་ཡུན་ནན་དུ་རྟོག་ཞིབ་བྱེད་པའི་སྐབས་ཀྱི་གསུང་བཤད་དགོངས་དོན་སློབ་སྦྱོང་དང་ལག་བསྟར་གཏིང་བཟང་བྱས་ཏེ། “འདུ་ཤེས་བཞི”ཟབ་ཏུ་གཏོང་བ་དང་། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”ཐུབ་པ་བཅས་བྱེད་དགོས་ལ། ཆབ་སྲིད་གྲོས་མོལ་དང་། དམངས་གཙོའི་ལྟ་སྐུལ། སྲིད་ཞུགས་སྲིད་མོལ་བཅས་ཀྱི་ཆུ་ཚད་མཐོ་རུ་བཏང་ནས། ངོས་འཛིན་གཅིག་མཐུན་སྔར་ལས་ལྷག་པར་ཡོང་བར་བྱ་དགོས། རང་ཁུལ་གྱི་རིམས་ནད་སྔོན་འགོག་ཚོད་འཛིན་དང་སྤྱི་ཚོགས་དཔལ་འབྱོར་འཕེལ་རྒྱས་ཀྱི་དམིགས་ཚད་མངོན་འགྱུར་ཡོང་བའི་རྒྱལ་ཁ་གཉིས་ལེན་ཆེད་དབུལ་སྒྲོལ་འགག་སྒྲོལ་དང་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་མཇུག་བསྡུའི་དམག་འཐབ་ལ་རྒྱལ་ཁ་ཐོབ་པར་སྔར་ལས་ལྷག་པའི་སྟོབས་ཤུགས་གསར་པ་འབུལ་རྒྱུ་དེ་ཡིན་པ་བསྟན།   

        སྲིད་གྲོས་བདེ་ཆེན་ཁུལ་སྐབས་བཅུ་གཉིས་པའི་ཨུ་ཡོན་ལྷན་ཁང་རྒྱུན་ལས་ཨུ་ཡོན་ལྷན་ཁང་གི་མངགས་བཅོལ་ལྟར་ཧྲི་ཁྲུན་མིང་གིས་ཚོགས་ཆེན་ལ་སྲིད་གྲོས་བདེ་ཆེན་ཁུལ་གྱི་སྐབས་བཅུ་གཉིས་པའི་ཚོགས་འདུ་ཐེངས་གསུམ་པ་འཚོགས་ཚུན་གྱི་གྲོས་གཞིའི་ལས་དོན་གནས་ཚུལ་སྙན་སེང་ཞུས་པ་རེད།