བདེ་ཆེན་བས་རྒྱལ་ཡོངས་ཀྱི་ཚོགས་ཆེན་གཉིས་ལ་ཕུལ་བའི་སེམས་གཏམ་དྲོན་མོ།

རྩོམ་པ་པོ།     ཡིག་བསྒྱུར།       དུས་ཚོད།   2020-05-20   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།

       བདེ་ཆེན་མཐོ་སྒང་དུ་ལྗང་མདོག་གི་སྐྱེ་དངོས་སྣ་ཚོགས་ལ་གསོན་ཤུགས་རྒྱས་པའི་མགོ་བརྩམས་པ་ན།   རྒྱལ་ཡོངས་ཀྱི་ཚོགས་ཆེན་གཉིས་འཚོགས་པའི་དུས་ཚོད་ཀྱང་ཐག་ཇེ་ཉེར་གྱུར།    རྒྱལ་ཡོངས་ཀྱི་ཚོགས་ཆེན་གཉིས་ནི་རྒྱལ་ཁབ་ཀྱི་དོན་ཆེན་དང་འབྲེལ་བ་ཡོད་པ་མ་ཟད།    གངས་ལྗོངས་ས་མཐོའི་ལས་བྱེད་པ་དང་མང་ཚོགས་ཀྱིས་རེ་སྒུག་ཆེན་པོ་བྱེད་པའི་ཚོགས་འདུ་གཟབ་རྒྱས་ཤིག་ཀྱང་ཡིན།   གཤམ་ནས་བདེ་ཆེན་ཁུལ་གྱི་རྒྱ་ཆེའི་མང་ཚོགས་ཀྱི་སེམས་གཏམ་ལ་ཉན་ན།  

      སེམས་ཀྱི་ཉི་ཟླ་གྲོང་ཁྱེར་སྐད་ཚག་ཤང་འཕྲོད་བསྟེན་ཁང་གི་ཡོན་ཀྲང་ཁྲེན་ལི་མིང་གིས།   གཞི་རིམ་གྱི་སྨན་དོན་ལས་དོན་པ་ཞིག་ཡིན་པའི་ཆ་ནས། ཉེ་བའི་ལོ་ཤས་རིང་སྨན་བཅོས་སྒྱུར་བཅོས་ལས་དོན་ལ་སྐུལ་འདེད་གཏིང་ཟབ་བཏང་བ་དང་རྒྱལ་ཁབ་ཀྱིས་བཏོན་པའི་གཟིགས་སྐྱོང་སྲིད་ཇུས་རབ་དང་རིམ་པར་བསྟུན་ནས།གྲོང་གསེབ་ཀྱི་མང་ཚོགས་ཀྱིས་སྨན་པ་བསྟེན་རྒྱུ་དཀའ་བ་བྱུང་མེད་པ་དང་རིན་གོང་མཐོ་པོ་བྱུང་མེད།ང་ཚོས་རྒྱལ་ཡོངས་ཀྱི་ཚོགས་ཆེན་གཉིས་ལ་རེ་སྒུག་ཆེན་པོ་བྱེད་ཀྱི་ཡོད། རྒྱལ་ཡོངས་ཀྱི་ཚོགས་ཆེན་གཉིས་ཀྱིས་མི་རིགས་ས་ཁུལ་གྱི་འཕྲོད་བསྟེན་དང་བདེ་ཐང་གི་བྱ་གཞག་ལ་མུ་མཐུད་དོ་ཁུར་དང་།གྲོང་ཚོའི་འཕྲོད་བསྟེན་ཁང་ལ་མ་དངུལ་གཏོང་ཤུགས་མུ་མཐུད་ཆེ་རུ་གཏོང་རྒྱུའི་རེ་བ་ཡོད་ལ།གྲོང་ཚོའི་འཕྲོད་བསྟེན་ཁང་གིས་ནུས་པ་ངོ་མ་འདོན་དུ་འཇུག་དགོས། ང་ཚོ་གཞི་རིམ་གྱི་སྨན་དོན་ལས་བྱེད་མི་སྣས་ཀྱང་སྔར་རྒྱུན་བཞིན་གཞི་རིམ་གྱི་སྨན་བཅོས་ཞབས་ཞུའི་ལས་དོན་ཡག་པོར་བསྒྲུབ་ནས། ཐོག་མའི་བསམ་འདུན་མི་བརྗེད་པར་འགན་འཁྲི་ལག་བསྟར་ཡག་པོ་བྱ་རྒྱུ་ཡིན་ཞེས་སྨྲས་བྱུང་། 

   

 ལི་ཧུང་ནི་སེམས་ཀྱི་ཉི་ཟླ་གྲོང་ཁྱེར་རྒྱལ་ཐང་གྲོང་རྡལ་ཉི་ཤར་གྲོང་ཚོའི་གྲོང་ཚོར་བཅའ་སྡོད་བྱེད་པའི་དབུལ་སྐྱོར་ལས་དོན་གྱི་རུ་དཔོན་ཧྲུའུ་ཅི་དང་པོ་ཡིན་པའི་ངོས་ནས་ལོ་ཁ་ཤས་རིང་གྲོང་ཚོ་དེར་འགྱུར་ལྡོག་རེ་རེ་བྱུང་བའི་དཔང་པོ་གྱུར་ཡོད།    ཐོན་ལས་འཕེལ་རྒྱས་ཕྱིན་ནས་མང་ཚོགས་ཀྱི་ཡོང་འབབ་ཇེ་མང་དུ་ཕྱིན་ལ།ཁོར་ཡུག་བཅོས་སྐྱོང་བྱས་པ་བརྒྱུད་ནས་གྲོང་ཚོ་བཙོག་ཟིང་ཞན་གསུམ་དུ་གྱུར་བའི་གནས་ཚུལ་བྱུང་མེད།  ཁོང་གིས་རྒྱལ་ཡོངས་ཀྱི་ཚོགས་ཆེན་གཉིས་འཚོག་ཉེར་ཡོད་པས་ང་ཚོས་རེ་སྒུག་ཆེན་པོ་བྱེད་ཀྱི་ཡོད།དབུལ་སྒྲོལ་འགག་སྒྲོལ་ལག་བསྟར་བྱས་ཚུན་ཏན་ཏིག་ནུས་ལྡན་གྱི་ལས་དོན་སྤེལ་བ་བརྒྱུད། ཉི་ཤར་གྲོང་ཚོའི་ཕྱོགས་ཁག་ཚང་མར་གནམ་ས་བླ་འོག་ཏུ་འགྱུར་བ་ལྟ་བུའི་འགྱུར་ལྡོག་བྱུང་ནས་རྒྱ་ཆེའི་མང་ཚོགས་ཀྱིས་དབུལ་པོའི་ཞྭ་མོ་ཕུད་ཅིང་།འཚོ་བ་ཡག་པོ་སྐྱེལ་ཐུབ་པ་བྱུང་བས་དབུལ་སྐྱོར་ལས་བྱེད་པ་ཞིག་ཡིན་པའི་ངོས་ནས་ང་ཚོ་ཧ་ཅང་དགའ་པོ་བྱུང་ཡོད། རྒྱལ་ཁབ་ཀྱིས་གྲོང་ཚོའི་ཨུ་ལྷན་གསུམ་གྱི་ལས་ཐོག་ལས་བྱེད་པའི་གླ་ཕོགས་ཐོབ་ཐང་འོས་འཚམ་ངང་མཐོ་རུ་བཏང་ནས་གྲོང་གསེབ་ཀྱི་གད་སྙིགས་གཙང་སེལ་སྒྲིག་བཀོད་ལ་མ་དངུལ་གཏོང་ཤུགས་ཆེ་རུ་གཏོང་རྒྱུ་དང་།  དེ་དང་ཆབས་ཅིག་ས་མཐོའི་གྲོང་གསེབ་ཀྱི་ཐོན་ལས་འཕེལ་རྒྱས་དང་རྨང་གཞིའི་སྒྲིག་བཀོད་འཛུགས་སྐྲུན།ངལ་རྩོལ་ནུས་ཤུགས་གཞན་སྒྱུར་ལས་ཞུགས་སོགས་ལ་སྲིད་ཇུས་ཀྱི་རྒྱབ་སྐྱོར་བྱེད་ཤུགས་ཆེ་རུ་གཏོང་རྒྱུའི་རེ་བ་ཡོད་ཟེར། 

      འཇོལ་རྫོང་མི་དམངས་ཁྲིམས་ཁང་ལག་བསྟར་ཅུས་ཀྱི་ཅུས་ཀྲང་ནོར་བུས་ཉེ་བའི་ལོ་ཤས་རིང་འཇོལ་རྫོང་གིས་ཁྲིམས་ལྟར་རྫོང་སྐྱོང་བའི་ལས་དོན་ལ་དམ་འཛིན་ནན་པོ་བྱས་ཡོད།ནག་ཚོགས་གཙང་སེལ་གྱི་ལས་དོན་རྒྱུན་མཐུད་ངང་སྤེལ་ཞིང་། སྔ་རྗེས་སུ་ནག་གཤེད་དང་འབྲེལ་བ་ཡོད་པའི་གྱོད་གཞི་ཁ་ཤས་ཡོངས་བསྒྲགས་སུ་འདྲི་གཅོད་བྱས་ནས་སྤྱི་ཚོགས་ཀྱི་ཁོར་ཡུག་སྔར་ལས་གཙང་མར་གྱུར་ཡོད། རྒྱལ་ཡོངས་ཀྱི་ཚོགས་ཆེན་གཉིས་འཚོག་ཉེར་ཡོད་པས་གཞི་རིམ་གྱི་ཁྲིམས་འཛིན་མི་སྣ་ཞིག་ཡིན་པའི་ཆ་ནས།རྒྱལ་ཁབ་ཀྱིས་མུ་མཐུད་ནས་ནག་ཚོགས་གཙང་སེལ་གཏིང་ཟབ་ཏུ་སྤེལ་བ་དང་། བཅའ་ཁྲིམས་ལ་བརྟེན་ནས་ཁྲིམས་འགལ་ཉེས་གསོག་གི་བྱ་སྤྱོད་ལ་ཉེས་ཆད་དྲག་པོ་གཅོད་རྒྱུའི་རེ་བ་ཡོད་ཅེས་སྨྲས་བྱུང་།     

    འབའ་ལུང་རྫོང་ཕན་ཐེན་སྒང་ཤང་སྒྲིག་ཨུའི་ཧྲུའུ་ཅི་ཧོ་ལེས་དབུལ་སྒྲོལ་འགག་སྒྲོལ་གྱི་ཞིབ་བཤེར་རྩིས་ལེན་དང་རིམས་ནད་སྔོན་འགོག་ཚོད་འཛིན་གྱི་རྒྱུགས་ལེན་ཐེངས་གཉིས་བྱས་པ་བརྒྱུད།རྒྱལ་ཁབ་རླབས་ཆེན་ཡིན་པའི་མྱོང་ཚོར་ཟབ་མོ་བྱུང་བ་དང་ཀྲུང་གོ་གུང་ཁྲན་ཏང་གིས་གཞི་ནས་ང་ཚོའི་སྣེ་ཁྲིད་དེ་ཀྲུང་གོའི་རླབས་ཆེན་བསྐྱར་དར་མངོན་འགྱུར་བྱེད་ཐུབ་པའི་ངོས་འཛིན་སྔར་བས་གཏིང་ཟབ་བྱུང་ཡོད།  ང་ཚོས་མུ་མཐུད་དུ་ཏང་ཨུའི་འགོ་ཁྲིད་འོག    གོང་རིམ་སྒྲིག་ཨུའི་ལྟ་ཞིབ་ཨུ་ལྷན་གྱི་མཛུབ་ཁྲིད་འོག་དབུལ་སྐྱོར་ཁྱབ་ཁོངས་ཀྱི་ལྟ་སྐུལ་སྒྲིག་བསྟར་འགན་འདེད་དང་རིམས་ནད་སྔོན་འགོག་ཚོད་འཛིན་གྱི་སྒྲིག་ཁྲིམས་འགན་ལེན་ལས་དོན་ཧུར་ཐག་གིས་བསྒྲུབས་ནས་ལོ་བརྒྱ་ཕྲག་རིང་གི་དམིགས་འབེན་ཐག་གཅོད་བྱེད་པར་སྒྲིག་ཁྲིམས་ཀྱི་འགན་སྲུང་འདོན་སྤྲོད་བྱེད་རྒྱུ་ཡིན་ལ།  འདི་ནས་རྒྱལ་ཡོངས་ཀྱི་ཚོགས་ཆེན་གཉིས་རྒྱལ་ཁའི་ངང་འཚོག་པར་སྨོན་འདུན་ཞུ་རྒྱུ་ཡིན་ཟེར།

       འཇོལ་རྫོང་གསལ་སྣང་གྲོང་ཚོ་ཚོ་ཆུང་གཉིས་པའི་གྲོང་མི་རིན་ཆེན་ཚེ་རིང་གིས་ང་ཚོ་གྲོང་ཚོའི་དུད་ཚང་རེས་རྒུན་འབྲུམ་འདེབས་པའི་རྒྱ་ཁྱོན་ཆ་སྙོམས་བྱས་ན་མུའུ་3ཡན་ཟིན་གྱི་ཡོད། ངེད་ཚང་གི་ལོ་རེའི་རྒུན་འབྲུམ་གྱི་ཡོང་འབབ་ལ་སྒོར་ཁྲི་3ཡས་མས་ཡོད། ཐོན་ལས་འདི་ནི་གྲོང་ཚོ་ཡོངས་ཀྱི་ཀ་རྟེན་ཐོན་ལས་སུ་གྱུར་ནས་མང་ཚོགས་ལ་དངོས་ཕན་ཆེན་པོ་ཐོབ་ཡོད།ཏང་ཨུ་དང་སྲིད་གཞུང་རིམ་པ་ཁག་གིས་ད་ཡོད་ཐོན་ལས་སྲ་བརྟན་དུ་གཏོང་བའི་རྨང་གཞིའི་ཐོག་དཔལ་འབྱོར་འཕར་གཞི་གསར་པ་སྐྱེད་སྲིང་དང་ཞིང་པའི་ཡོང་འབབ་རྒྱུན་མཐུད་ངང་མང་དུ་གཏོང་རྒྱུའི་རེ་བ་ཡོད་ཟེར།


分享到：QQ空间新浪微博腾讯微博人人网微信