དབྱར་འགོའི་རྨ་ཆུའི་མཛེས་ཉམས།

འདི་ནི་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་ཁོངས་ཀྱི་རྨ་ཆུའི་མཛེས་ལྗོངས་རེད། 

      ཀྲུང་གོ་བོད་ཀྱི་དྲ་བའི་འཕྲིན། “མཐོ་སྒང་གི་འབྲི་ཆུའི་ལྷོ་རྒྱུད་ཆུང་ངུ”ཞེས་གྲགས་པའི་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་ཁྲི་ཀ་རྫོང་ནི་རྨ་ཆུའི་སྟོད་རྒྱུད་དུ་གནས་པ་དང་རང་བྱུང་ཁོར་ཡུག་ལྟ་ན་སྡུག་པ་ཞིག་རེད། བར་སྣང་དུ་ཐུར་ལྟ་བྱས་པའི་ཚེ་འདི་གའི་རྨ་ཆུ་ནི་ལྷིང་འཇགས་དྭངས་གཙང་དང་རླབས་སྔོན་ཡམ་ཡོམ་དུ་གཡོ་བཞིན་ཡོད་ལ། གཡུ་འབྲུག་ཐང་ལ་རྒྱུ་བ་བཞིན་ཤར་ཕྱོགས་སུ་བཞུར་བཞིན་ཡོད།།