སེམས་ཀྱི་ཉི་ཟླའི་བེ་ཤ་རྒྱལ་ཁབ་ཕྱི་ནང་དུ་བྲིན་ཁ་བདེ་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་7པའི་ཚེས་27ཉིན་གྱི་ཞོགས་པར།  བདེ་ཆེན་སེམས་ཀྱི་ཉི་ཟླའི་བེ་ཤའི་གླིང་ཁུལ་དུ་མི་ཚོགས་ལང་ལོང་དུ་འཕྱུར་བཞིན་ཡོད་ལ། ཚོང་པ་མང་པོ་ཞིག་གིས་བེ་ཤའི་ཆེད་འདི་གར་འཛོམས་ནས་ལོ་གཅིག་ནང་འཁྲུག་ཆ་དོད་ཤོས་ཀྱི་དུས་བསུ་ཡོད། 

འཁྲུག་ཆ་དོད་པའི་བདེ་ཆེན་སེམས་ཀྱི་ཉི་ཟླའི་བེ་ཤའི་གླིང་ཁུལ།

        བདེ་ཆེན་ཁུལ་ནི་ཡུན་ནན་ཞིང་ཆེན་གྱི་བེ་ཤའི་ཐོན་ཁུལ་གཙོ་བོ་དང་།  ཡུན་ནན་དང་སི་ཁྲོན། བོད་ལྗོངས་བཅས་ཀྱི་བེ་ཤའི་ཉོ་ཚོང་ལྟེ་གནས་ཡིན་ལ།   ས་གནས་དེ་གའི་བེ་ཤའི་རང་བྱུང་ཐོན་ཚད་ཏུན་1000ཡན་ཟིན་པ་དང་ཡུན་ནན་ཞིང་ཆེན་གྱི་བེ་ཤ་སོས་པ་ཕྱིར་ཚོང་བྱེད་ཚད་ཀྱི་65%ཡན་ཟིན་ཡོད་ལ། སི་ཁྲོན་ཞིང་ཆེན་གྱི་བེ་ཤ་ཐོན་རྫས་ཕྱིར་ཚོང་ཚོང་ཟོག་མཁོ་འདོན་གྱི་40%ཟིན་ཡོད་པས། བདེ་ཆེན་ནི་ཡུན་ནན་ཞིང་ཆེན་ཐ་ན་ཀྲུང་གོའི་བེ་ཤའི་ཕ་ས་རུ་གྱུར་ཡོད། བདེ་ཆེན་ཁུལ་གྱིས་1985ལོ་ནས་བཟུང་བེ་ཤ་འཚོལ་བསྡུ་དང་ཕྱིར་ཚོང་བྱས་པ་དང་བེ་ཤའི་ཐོན་རྫས་ཀྱི་ལོ་རེའི་ཡོང་འབབ་སྒོར་དུང་ཕྱུར་ལས་བརྒལ་ཡོད་པ་རེད།         

སེམས་ཀྱི་ཉི་ཟླའི་བེ་ཤ

ཐུམ་བརྒྱབ་པའི་བེ་ཤ

        ཉེ་བའི་ལོ་ཤས་རིང་།   བདེ་ཆེན་ཁུལ་གྱིས་བེ་ཤ་ཡིས་མཚོན་པའི་ནགས་ཁྲོད་ཐོན་ལས་འཕེལ་རྒྱས་ཤུགས་ཆེན་བཏང་བ་དང་།  བེ་ཤ་ཐོན་རྫས་གསར་སྤེལ་གྱི་ཐོན་ལས་འབྲེལ་ཐག་ཧུར་ཐག་བཙུགས་ནས་བེ་ཤ་ཐོན་ལས་དེ་དམངས་ཕྱུག་ཐོན་ལས་སུ་གྱུར་དུ་བཅུག་པ་དང་། བེ་ཤ་འཐུ་རྒྱུ་དེའང་བདེ་ཆེན་གྱི་མི་སེར་ཕྱུག་འགྱུར་གྱི་བྱེད་ཐབས་གཙོ་བོར་གྱུར་ཡོད།

བྲེལ་འཚབ་ཆེ་བའི་མྱུར་སྐྱེལ་ལས་རིགས་ཀྱི་ལས་བྱེད་མི་སྣ།

        འབྲེལ་ཡོད་མི་སྣའི་ངོ་སྤྲོད་བྱས་པ་ལྟར་ན།  སེམས་ཀྱི་ཉི་ཟླའི་བེ་ཤ་གླིང་ཁུལ་ནས་ཕྱིར་འཚོང་བྱེད་པའི་བེ་ཤ་དེ་དག་ནི་ཆུ་ཚོད་72ནང་རྒྱལ་ཁབ་ཕྱི་ནང་གི་འཛད་སྤྱོད་པའི་གསོལ་ལྕོག་ཐོག་བསྐྱལ་ཐུབ་པ་དང་། མྱུར་སྐྱེལ་ལས་རིགས་ཀྱི་འཕེལ་རྒྱས་དང་བསྟུན་ནས་སེམས་ཀྱི་ཉི་ཟླའི་བེ་ཤ་བདེ་ཆེན་ནས་ཕྱིར་བསྐྱོད་དེ།  ཡུན་ནན་དང་རྒྱལ་ཁབ་ནང་ས།  ཐ་ན་ཕྱི་རྒྱལ་དུ་བསྐྱོད་ཡོད་པ་རེད།