རྒྱུན་དུ་ཞོགས་སྔ་ལངས་བྱས་ཚེ། དགེ་མཚན་མང་པོ་འདི་འདྲ་འདུག

        ངལ་གསོའི་དུས་སུ་ཁྱོད་ཀྱིས་ཞོགས་པ་སྔ་པོ་ནས་ལངས་ཀྱི་ཡོད་དམ། གལ་ཏེ་ཁྱོད་ཀྱིས་རྒྱུན་དུ་ནས་ཞོགས་པ་སྔ་པོ་ལངས་ཚེ། དེའི་དགེ་མཚན་དག་མྱོང་ཚོར་ཐུབ།

        གྲུང་ཤ་དོད་པ།

        ཞོགས་པ་སྔ་པོ་ལངས་མཁན་ཞིག་ཡིན་ཕྱིན། སྤྱིར་ན་མཚན་འཁྱོངས་བྱེད་ཉུང་བ་ཞིག་ཡིན་ངེས་རེད། གཉིད་འདང་ངེས་ཤིག་ཉལ་ན་ཕྱི་ཉིན་གྲུང་ཤ་དོད་པོ་ཡོང་ཐུབ། ཞིབ་འཇུག་ལས་མངོན་པར། སྔ་ལངས་བྱེད་མཁན་དེ་ཞོགས་ཉལ་རྒྱག་མཁན་ལས་གྲུང་ཤ་དོད་པ་ཡོད།

       གདོང་གཤིས་ཡག་པ།

       དགོང་སྔ་ཉལ་དང་ཞོགས་སྔ་ལངས་བྱས་ཚེ། ལུས་པོའི་རྙིང་ཚབ་གསར་བྱེད་ཡག་པོ་ཐུབ་པ་དང་མཆིན་པའི་དུག་སེལ་ནུས་པ་ཡག་པོ་ཡོད་ལ། གདོང་གཤིས་མཚན་འཁྱོངས་བྱེད་མཁན་ལས་ཡག་པ་ཡོད།

       ནད་འགོག་ནུས་པ་ལེགས་པ།

       ལས་ཀ་དང་ངལ་གསོ་ཚོད་རན་པོ་དང་གཉིད་འདང་ངེས་ཁུག་ཚེ། ནད་འགོག་ནུས་པ་ཆེ་རུ་འགྲོ་བ་དང་། སྙིང་ནད་དང་། ཁྲག་ཤེད་མཐོ་བ། མཁལ་ནད་སོགས་ཀྱི་ནད་རིགས་ཕོག་པའི་ཉེན་ཁ་ཆུང་དུ་འགྲོ་ཐུབ།    

       སེམས་རྣལ་དུ་ཕབ་ཐུབ་པ།

       གཉིད་འདང་ངེས་ཁུག་པ་དང་ཞོགས་སྔ་ལངས་བྱས་ན། ལུས་སྟོབས་འཕེལ་ནས་སེམས་རྣལ་དུ་ཕབ་ཐུབ་པས། སློབ་སྦྱོང་ངམ་ལས་ཀ་བྱེད་སྐབས་ཕན་འབྲས་ཀྱང་ཆེ་བ་ཡོད། གཞན་ཡང་ཞིབ་འཇུག་ལས་མངོན་པར། ཞོགས་པ་སྔ་པོ་ལངས་པའི་སློབ་མའི་སྦྱངས་འབྲས་ཕྱི་པོ་ལངས་མཁན་སློབ་མ་ལས་ལེགས་པ་ཡོད།

       བསམ་པའི་འཁྱེར་སོ་ཡག་པ།

       ཞོགས་པ་སྔ་ཙམ་ལངས་ན། ཉིན་མོའི་དུས་ཚོད་ཀྱང་རིང་བས། བྱ་བ་སྒྲུབ་པའི་དུས་ཚོད་མི་འདང་བ་ལས་བྱུང་བའི་བྲེལ་འཚུབ་དང་སེམས་ཁྲལ་ལངས་མི་སྲིད། 

       ཞོགས་སྔ་ལངས་རྒྱུན་འཁྱོངས་བྱེད་པར་དུས་མཚུངས་སུ་གཉིད་འདང་ངེས་ཤིག་ཁུག་དགོས་པས། དགོང་མོ་སྔ་ཙམ་ཉལ་རྒྱུ་གལ་འགངས་ཆེན་པོ་རེད།