སེམས་ཀྱི་ཉི་ཟླ་གྲོང་ཁྱེར་གྱིས་འགྱིག་ཁུག་འགོག་པར་ཤུགས་སྣོན་བརྒྱབ་པ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཉེ་ཆར་སེམས་ཀྱི་ཉི་ཟླ་གྲོང་ཁྱེར་གྱིས་སྟོབས་ཤུགས་གཅིག་ཏུ་བསྡུས་ནས་འགྱིག་ཁུག་འགོག་པའི་བཅོས་སྒྲིག་བྱེད་སྒོ་སྤེལ་བ་དང་རེས་སྐོར་གསར་པའི་འགྱིག་ཁུག་འགོག་པའི་ཆེད་དོན་བཅོས་སྒྲིག་ལས་དོན་དངོས་སུ་སྤེལ་འགོ་ཚུགས་ཡོད། 

        ད་ཐེངས་ཀྱི་འགྱིག་ཁུག་འགོག་པའི་གི་ཆེད་དོན་བཅོས་སྒྲིག་ལས་དོན་གྱི་གཙོ་གནད་དེ་གྲོང་ཁུལ་གྱི་ཞིང་ལས་ཉོ་ཚོང་ཁྲོམ་ར་5དང་དེ་བཞིན་མཐའ་འཁོར་གྱི་ཚོང་དུད་ཀྱི་ཚོང་པས་འགྱིག་ཁུག་འགོག་པའི་ཆེད་དོན་བཅོས་སྒྲིག་བྱས་པ་དེ་རེད། ཚོང་དུད་ཀྱིས་ཐེངས་གཅིག་རང་བཞིན་གྱི་སྤོས་འགྱིག་ཟོག་ཉོའི་ཁུག་མ་དང་འགྱིག་གི་གསོལ་ཆས་ཀྱི་གནས་ཚུལ་ལ་ཕྱོགས་ཡོངས་ནས་འཕྲལ་སྒྲུབ་ཞིབ་བཤེར་བྱས་ཡོད་པ་དང་། འབྲེལ་ཡོད་དོ་དམ་སྲོལ་ཡིག་གཞིར་བཟུང་འགྱིག་གི་བཟའ་བཏུང་ཡོ་བྱད་དང་འགྱིག་ཁུག་སོགས་འགྱིག་གི་བཟོས་རྫས་ཁྲི་5ལྷག་ཙམ་ཁྲིམས་ལྟར་ཞིབ་བཤེར་རྩིས་ལེན་བྱས་པ་རེད།

        སེམས་ཀྱི་ཉི་ཟླ་གྲོང་ཁྱེར་ཕྱོགས་བསྡུས་སྲིད་འཛིན་ཁྲིམས་འཛིན་ཅུས་ཀྱི་འགན་འཁུར་བ་ཞིག་གིས་ངོ་སྤྲོད་བྱས་པར་གཞིགས་ན།  ཞིབ་བཤེར་བྱས་པའི་རྨང་གཞིའི་ཐོག་འགྱིག་ཁུག་འགོག་པའི་དྲིལ་བསྒྲགས་བྱེད་ཤུགས་ཆེ་རུ་བཏང་ཡོད་ཅིང་།     མི་ཚོགས་མང་བའི་ས་ཁོངས་སུ་ཚོང་པ་དང་འགྲོ་འོང་བྱེད་མཁན་གྲོང་མིར་ཁོར་ཡུག་སྲུང་སྐྱོང་གི་ཟོག་ཉོའི་ཁུག་མ་6000ལྷག་ཙམ་སྤྲད་ཡོད། གཞན་ཡང་ལས་ཡུལ་དངོས་སུ་ལས་དོན་མི་སྣས་མང་ཚོགས་ལ་ཁོར་ཡུག་སྲུང་སྐྱོང་གི་འདུ་ཤེས་བརྟན་པོ་འཛུགས་རྒྱུར་སློབ་གསོ་ཁྲིད་སྟོན་བྱས་ཡོད། འགྱིག་ཁུག་ཁྱོན་ཡོངས་ནས་འཚོང་མཚམས་འཇོག་པ་དང་མཁོ་འདོན་བྱེད་པ། བེད་སྤྱོད་གཏོང་བ་བཅས་བྱེད་དགོས་པའི་བླང་བྱ་ཁ་གསལ་བཏོན་ཡོད་པ་མ་ཟད། གྲོང་མིས་ཤ་ཚལ་སྒོང་གསུམ་དང་རས་ཁུག་བསྐྱར་དུ་འཁྱེར་རྒྱུའི་སྐུལ་སློང་ཡང་བྱས་ཡོད།   བྱ་སྤྱོད་དངོས་ཀྱི་ཐོག་ནས་སེམས་ཀྱི་ཉི་ཟླ་གྲོང་ཁྱེར་དེ་རྒྱལ་ཡོངས་དཔལ་ཡོན་གྲོང་ཁྱེར་དང་འཕྲོད་བསྟེན་གྲོང་ཁྱེར་འཛུགས་སྐྲུན་བྱེད་པའི་བྱེད་སྒོའི་ནང་ཞུགས་ནས་ཉེ་འགྲམ་གྱི་མི་རྣམས་ལ་སྲོལ་བཟང་གི་འདུ་ཤེས་བརྒྱུད་སྤྲོད་དང་མི་ཚང་མས་ཁོར་ཡུག་སྲུང་སྐྱོང་ལ་སྣང་ཆེན་དང་མི་ཚང་མས་ཁྱིམ་གཞིས་སྲུང་སྐྱོང་བྱས་ནས་བདེ་ཆེན་གྱི་འགྱིག་ཁུག་འགོག་པའི་ལས་དོན་ལ་སྟོབས་ཤུགས་དང་ལེགས་སྐྱེས་ཕུལ་ཡོད།