འཇོལ་རྫོང་རྒྱལ་ཡོངས་བདེ་འཇགས་སྣང་བ་ལྡན་པའི་རྫོང་དང་གྲོང་ཁྱེར་བརྒྱའི་མིང་ཐོའི་ནང་ཚུད།

ཐེངས་འདིའི་མིང་ཐོའི་ནང་བསྡོམས་པས་ཡུན་ནན་གྱི་ས་ཁུལ་ལྔ་མ་གཏོགས་ཚུད་མེད་ལ། དེའི་ཁྲོད་རང་ཁུལ་གྱི་འཇོལ་རྫོང་ཚུད་ཅིང་། སྤྱིའི་སྐར་འབྲས་94.40ཡིས་རྒྱལ་ཡོངས་ཀྱི་སྔོན་གྲལ་མིང་ཐོ་བཅུའི་ནང་ཚུད་པ་རེད། 

རིའུ་མིག་ལ་བལྟས་ནས་གནས་ཚུལ་ལ་རྒྱུས་ལོན་བྱེད་རོགས།

2019ལོ་ནས་བཟུང་། འཇོལ་རྫོང་གིས“གཙང་དག་དང་། བདེ་སྡོད། ཁྱད་ལྡན་བཅས་བཅས་ཀྱི་རྒྱུ་རྐྱེན་གསུམ་ལ་དམིགས་ཏེ་མི་དམངས་མང་ཚོགས་ཀྱི་འདོད་བློ་ལྟར་གཏན་འཁེལ་བྱས་པའི་གྲོང་ཁྱེར་འཛུགས་སྐྲུན་བྱས་པ་རེད། སྤྱིལ་ཁྱིམ་ཁུལ་བསྒྱུར་བཀོད་རྣམ་གྲངས་355བསྐྲུན་ནས་བེད་སྤྱོད་བྱས་ཡོད་ལ། ཆུ་ཆེན་ལམ་དང་། མཆོད་རྟེན་སྒང་སྲིད་གཞུང་ལམ། མཆོད་རྟེན་སྒང་ནས་དགོན་སྟེང་དགོན་བར་གྱི་འཕྲལ་མཁོའི་བགྲོད་ལམ། བཙོག་ཆུ་གཙང་གསིང་བཟོ་གྲྭ  གད་སྙིགས་གཙང་སེལ་བཟོ་གྲྭ་བཅས་སྒྱུར་བཀོད་རྣམ་གྲངས་ལ་སྐུལ་འདེད་བརྟན་པོ་བཏང་བས་གྲོང་ཁྱེར་གྱི་ནུས་པ་ཟམ་མི་ཆད་པར་ལེགས་སུ་ཕྱིན་ཞིང་། གྲོང་གསེབ་ཀྱི་མི་སྡོད་ཁོར་ཡུག་ཁྱོན་ཡོངས་ནས་བཅོས་སྐྱོང་བྱས་པ་རེད།

        ཁུལ་རིམ་པའི་གྲོང་ཚོ་ཡག་ཤོས་10གྲུབ་འབྲས་ཐོབ་པའི་ངང་བཏོད་པ་དང་ཞིང་དུད་ཀྱི“སྒྱུར་བཅོས་གསུམ”གྱི་དུད་ཚང་1342ལེགས་གྲུབ་བྱུང་ཡོད།2019ལོར་འཇོལ་རྫོང་གི་སློབ་ཞུགས་གོང་གི་ལོ་གསུམ་གྱི་ན་འདྲེས་སློབ་བུ་བཅོལ་ཁང་དུ་ཞུགས་ཚད་87.5%དང་། སློབ་ཆུང་གི་ན་འདྲེས་སློབ་མ་སློབ་གྲྭར་ཞུགས་ཚད་103.56%དམའ་རིམ་སློབ་འབྲིང་གི་ན་འདྲེས་སློབ་མ་སློབ་གྲྭར་ཞུགས་ཚད་110.98%བཅས་ཟིན་ཡོད། ལོ་ཧྲིལ་པོར་ས་མཐོའི་ཞིང་འབྲོག་པའི་བུ་ཕྲུག་གི་སློབ་མའི་འཚོ་བའི་ཁ་གསབ་རོགས་དངུལ་སྒོར་ཁྲི་1522.7སྤྲད་བཞིན་ཡོད་ལ། སློབ་མའི་འཚོ་བཅུད་ལེགས་གཏོང་འཆར་གཞིའི་མ་དངུལ་སྒོར་ཁྲི་378.4བཏང་ནས་སློབ་མ་6937ལ“རྩ་ཆག་གཉིས་དང་ཁ་གསབ་གཅིག”ལོངས་སྤྱོད་བྱེད་བཞིན་ཡོད། སློབ་གྲྭར་ཡོད་པའི་གྲོང་གསེབ་ཀྱི་སློབ་གྲྭ་ཆེ་འབྲིང་གི་སློབ་མར་ཞིང་ཆེན་རིམ་པའི་བྱ་དགའི་ཁ་གསབ་དང་རྫོང་རིམ་པའི“432”སློབ་གསོའི་ཁ་གསབ་རོགས་དངུལ་ལོངས་སུ་སྤྱོད་བཞིན་ཡོད་ལ། སྨན་བཅོས་རྩིས་ཞུའི་“གཅིག་འཐུས་ཅན་”གྱི་བསྡོམས་རྩིས་མ་ལག་ཁྱོན་ཡོངས་ནས་ཁྱབ་པ། ཤང་གྲོང་འཕྲོད་བསྟེན་ཁང་དང་གྲོང་ཚོའི་འཕྲོད་བསྟེན་ཁང་ཚད་ལྡན་ཅན་གྱི་བླང་བྱར་སླེབས་པ་དང་ནད་གཞི་ཚབས་ཆེན་སྔོན་འགོག་ཚོད་འཛིན་གྱི་ཆུ་ཚད་མངོན་གསལ་དོད་པོས་མཐོ་རུ་ཕྱིན་ཡོད། གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་རྟེན་འགན་སྲུང་དང་། དམིགས་བསལ་དཀའ་ངལ་ཡོད་པའི་རོགས་སྐྱོབ། ལོ་ན་མཐོ་བའི་ཕོགས་སྣོན། དབང་པོ་སྐྱོན་ཅན་ལ་ཁ་གསབ་སོགས་ཀྱི་སྲིད་ཇུས་ཕྱོགས་ཡོངས་ནས་དོན་འཁྱོལ་བྱས་ཡོདཔ་རེད།

        འཇོལ་རྫོང་གིས་དུས་བདེའི་འཇོལ་འཛུགས་སྐྲུན་ལ་སྐུལ་འདེད་གཏིང་ཟབ་བཏང་བས་ནག་ཚོགས་གཙང་སེལ་གྱི་ཆེད་དོན་འཐབ་རྩོད་ལ་ཕན་འབྲས་མངོན་གསལ་དོད་པོ་ཐོན་ཡོད། མཐའ་མཚམས་དོ་དམ་ལ་རྒྱུན་ཆད་མེད་པར་ཤུགས་སྣོན་བརྒྱབ་ནས་ཏང་སྲིད་དམག་ཉེན་དམངས་བཅས“ཕྱོགས་ལྔ་གཞི་གཅིག”གི་མཉམ་སྡོམ་མཉམ་འདོམས་མ་ལག་མུ་མཐུད་འཐུས་སྒོ་ཚང་དུ་གཏོང་ངཞིན་ཡོད་ལ། མ་འཇོག་འཛུགས་སྐྲུན་གྱི་ཁོར་ཡུག་ལེགས་སུ་ཧུར་ཐག་བཏང་ནས་ཞིང་པ་ལས་མིའི་ཁྲིམས་མཐུན་ཁེ་དབང་འགན་ལེན་ཏན་ཏིག་བྱེད་བཞིན་ཡོད། བདེ་འཇགས་ཐོན་སྐྱེད་ཁྱབ་ཁོངས་ཀྱི་སྒྱུར་བཅོས་ལས་དོན་ལ་སྐུལ་འདེད་ཏན་ཏིག་བཏང་བས་རྫོང་ཡོངས་ཀྱི་བདེ་འཇགས་ཐོན་སྐྱེད་ཀྱི་དུས་བབ་སྤྱིའི་ཆ་ནས་བརྟན་པོ་བྱུང་ཡོད་པ་རེད།