ས་སྲོད་དུས་ཀྱི་རྡོ་མཁར་རྫོང་།

        ས་སྲོད་ཀྱི་དུས་ལ་སྙན་འཇེབས་ལྡན་པའི་སྐོར་བྲོའི་དབྱངས་རྟ་ཞིག་རྡོ་མཁར་རྫོང་གི་ཕྱོགས་བཞི་སྲང་ལམ་ནས་གང་སར་ཁྱབ་པ་ན།  ཕྱོགས་བཞི་མཚམས་བརྒྱད་ནས་ཕེབས་པའི་ཡུལ་སྐོར་བ་རྣམས་མ་བོས་གཅིག་མཐུན་གྱིས་འདུས་ནས་དགའ་སྐྱིད་ཀྱི་བྲོ་གར་འཆམ་པར་བྲེལ་ཞིང་།  ལ་ལས་ཟླ་འོད་ཐང་ཆེན་གྱི་ཉེ་འགྲམ་ན་ཐང་མ་བརྡལ་འདྲའི་ཚོང་བཤམས་སྣ་ཚོགས་ཏེ་བདེ་ཆེན་གྱི་བེ་ཤ་དང་སྐམ་ཤ   འབྲི་ཞོ་དང་འོ་མ།    སྲེག་ཟས།  འཁུར་བ།  རྣ་ལུང་དང་ལག་གདུབས་སོགས་ཉོ་འཚོང་དང་གཟིགས་མོལ་ནས་མཐོ་སྒང་གི་རིག་གནས་རྣམ་པ་ཉམས་སུ་མྱོང་བཞིན་ཡོད།