སེམས་ཀྱི་ཉི་ཟླའི་རིག་གནས་ཀ་ཏ་མན་རྡུར་འགྲེམས་སྟོན་བྱས།

        ཟླ་11པའི་ཚེས་20ཉིན། “མཛེས་སྡུག་ལྡན་པའི་ཡུན་ནན·སེམས་ཀྱི་ཉི་ཟླ”ཞེས་པའི་རིག་གནས་སྤེལ་རེས་བྱེད་སྒོ་རབ་དང་རིམ་པ་ནེ་པ་ལའི་རྒྱལ་ས་ཀ་ཏ་མན་རྡུར་སྤེལ་བ་དང་ཀྲུང་གོའི་ཁུན་མིང་། སེམས་ཀྱི་ཉི་ཟླ་བཅས་ས་ཆ་གསུམ་དུ་དུས་གཅིག་ཏུ་སྤེལ་ཞིང་། རི་བོ་ཧི་མ་ལ་ཡའི་ཕྱག་འཇུ་ཐེངས་གཅིག་མངོན་འགྱུར་བྱུང་བ་རེད།

        ད་ཐེངས་ཀྱི་བྱེད་སྒོར་ཀྲུང་གོའི་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་དོན་ཁང་གིས་མཛུབ་ཁྲིད་གནང་ཞིང་། ཀྲུང་གུང་ཡུན་ནན་ཞིང་ཨུའི་དྲིལ་བསྒྲགས་པུའུ་ཡིས་གཙོ་གཉེར་བྱས་ལ། ཀྲུང་གུང་བདེ་ཆེན་ཁུལ་ཨུའི་དྲིལ་བསྒྲགས་པུའུ་དང་། བདེ་ཆེན་ཁུལ་སྲིད་གཞུང་ཕྱི་དོན་གཞུང་ལས་ཁང་། ཀྲུང་གོ་གསར་འགྱུར་ཁང་ནེ་པ་ལའི་ཡན་ལག་ཁང་། ནེ་ཀྲུང་སྨྱན་སྦྱོར་གླེང་སྟེགས། ནེ་པ་ལའི་ཀྲུང་གོའི་བོད་ལྗོངས་དཔེ་ཚོང་ཁང་བཅས་ཀྱིས་གཉེར་རོགས་བྱས་པ་རེད། ཀྲུང་གོ་གསར་འགྱུར་ཁང་ཡུན་ནན་ཡན་ལག་ཁང་དང་ཡུན་ནན་ཚགས་པར་ལས་རིགས་ཀྱི་རིག་གནས་མ་འཇོག་འཕེལ་རྒྱས་ཚད་ཡོད་ཀུང་སིས་སྒྲུབ་འགན་འཁུར་བ་རེད། རིམས་ནད་ཀྱི་ཤུགས་རྐྱེན་ཐེབས་པའི་རྐྱེན་གྱིས་དེ་ཉིན་གྱི་འགོ་ཚུགས་མཛད་སྒོའི་གསར་གཏོད་བྱེད་ཐབས་དེ་རྒྱལ་ཁབ་གཉིས་པོའི་ས་ཁུལ་གསུམ་གྱི་བརྙན་ལམ་སྦྲེལ་མཐུད་བྱེད་སྟངས་ལ་བརྟེན་ནས་འགོ་ཚུགས་པ་རེད།

        ཀ་ཏ་མན་རྡུ་རུ་དུས་ཡུན་གཟའ་འཁོར་གཅིག་རིང་གཉེར་བའི“ཀ་ཏ་མན་རྡུ·ཁྲང་XIANGསེམས་ཀྱི་ཉི་ཟླར་བསྐྱོད་པའི”རིག་གནས་འགྲེམས་སྟོན་འདི། སེམས་ཀྱི་ཉི་ཟླའི་མཛེས་སྡུག་ལྡན་པའི་མཛེས་ལྗོངས་དང་མི་རིགས་ཀྱི་ཁྱད་ཆོས་མངོན་པའི་ཕུལ་བྱུང་པར་ལེན་བརྩམས་ཆོས་དང་། མངོན་མིན་རིག་གནས་ཤུལ་བཞག་ཐོན་རྫས། ཞིམ་ཟས་སོགས་འགྲེམས་སྟོན་བྱས་པ་བརྒྱུད་ནས་ནེ་པ་ལའི་དམངས་ཚོགས་ལ་སེམས་ཀྱི་ཉི་ཟླའི་མཛེས་སྡུག་ལྡན་ལ་མྱོང་བ་བྱེད་དུ་བཅུག་ལ། ཁུན་མིན་དུ་གཉེར་བའི་རིག་གནས་འགྲེམས་སྟོན། སྣུམ་ཚོན་རི་མོ་དང་པར་ལེན་བརྩམས་ཆོས་40ཙམ་འགྲེམས་སྟོན་བྱས་ནས་ནེ་པ་ལའི་རང་བྱུང་མཛེས་ལྗོངས་ཡང་དེ་བཞིན་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ས་གནས་མང་ཚོགས་ལ་མྱོང་རོལ་བྱེད་དུ་བཅུག་པ་རེད།