ཚོན་བདུན་བུམ་པའི་རྐང་རྩེད་སྤོ་ལོའི་འགྲན་བསྡུར་མཇུག་སྒྲིལ།

གདན་ཞུའི་སྐུ་མགྲོན་དང་བྱ་དགའ་ཐོབ་པའི་མི་སྣ་ཡོངས་ཀྱི་མཛའ་བརྩེའི་མཉམ་པར།

        ཟླ་11ཚེས་21ཉིན་གྱི་ཕྱི་དྲོ། བདེ་ཆེན་ཁུལ་སློབ་གསོ་ལུས་རྩལ་ཅུས་དང་། བདེ་ཆེན་ཁུལ་ལུས་རྩལ་སྤྱི་ཁྱབ་ཚོགས་པ། བདེ་ཆེན་ཁུལ་རྐང་རྩེད་སྤོ་ལོའི་མཐུན་ཚོགས། བདེ་ཆེན་ཁུལ་ས་བབ་མཐོ་བའི་སྦྱོང་བརྡར་དོ་དམ་ཞིབ་འཇུག་ལྟེ་གནས་སོགས་ཚན་པས་གཙོ་གཉེར་བྱས་ཤིང་། མྱི་ཟུར་རྐང་རྩེད་སྤོ་ལོའི་གྲོགས་པོའི་སྤྲོ་སྐྱིད་ཁང་གིས་གཉེར་འགན་འཁུར་བའི་ས་མཐོ་བུམ་པའི་འགྲན་བསྡུར་ཏེ་སེམས་ཀྱི་ཉི་ཟླའི“ཚོན་མདོག་སྣ་བདུན་བུམ་པའི”ལོ་45ནས་55བར་གྱི་མི་བདུན་རྐང་རྩེད་སྤོ་ལོའི་འགྲན་བསྡུར་མཇུག་སྒྲིལ་བ་རེད། 

བྱ་དགའ་ཨང་དང་པོ་ཐོབ་མཁན་བདེ་ཆེན་སྤུན་གྲོགས་རུ་ཁག

བྱ་དགའ་ཨང་གཉིས་པ་ཐོབ་མཁན་བདེ་ཆེན་ཐོན་ནུས་རུ་ཁག

བྱ་དགའ་ཨང་གསུམ་པ་ཐོབ་མཁན་བདེ་ཆེན་འཛུགས་སྐྲུན་རུ་ཁག

བསམ་པའི་དཔལ་ཡོན་གྱི་བྱ་དགའ་ཐོབ་མཁན་བདེ་ཆེན་བོད་ཡིག་སློབ་འབྲིང་རུ་ཁག

2015ལོའི་U45སྤོ་ལོ་བསྡུས་གྲངས་ཆེས་མང་པ་དང་སྐབས་འདིའི་སྤོ་ལོ་བསྡུས་གྲངས་ཆེས་མང་བའི་རུ་མི་གཉིས་ཀྱི་མཉམ་པར།

བྱ་དགའ་སྟེར་བའི་མཛད་སྒོ

འགྲན་བསྡུར་གྱི་ཡུལ་དངོས་རྣམ་པ།

        ད་ཐེངས་ཀྱི་འགྲན་བསྡུར་ལ་གྲུབ་འབྲས་བཟང་བོ་ཐོབ་པ་འདིས། རང་རེའི་ཁུལ་གྱི་ལོ་45ནས་55བར་གྱི་འགྲན་བསྡུར་གྱིས་གཞོན་ནུ་ལོ་ཆུང་ཚོར་དཔེ་སྟོན་ཐེངས་ཤིག་བྱས་ཡོད་ལ། ལུས་རྩལ་རིག་གནས་འཛུགས་སྐྱོང་ལ་སྐུལ་འདེད་བཏང་ནས་དམངས་ཡོངས་ཀྱི་ལུས་སྦྱོང་འདུ་ཤེས་བཏོད་དེ་བདེ་ཆེན་མི་དམངས་མང་ཚོགས་ཀྱི་དུས་རབས་གསར་པའི་བསམ་པའི་ཉམས་འགྱུར་མངོན་པར་བྱས། 

        མྱི་ཟུར་སྤོ་ལོའི་གྲོགས་པོ་སྤྲོ་སྐྱིད་ཁང་གི་འགན་འཁུར་བས་ད་ཐེངས་ཀྱི་འགྲན་བསྡུར་བརྒྱུད་ནས་ལུས་རྩལ་འགྲན་བསྡུར་དང་ལུས་རྩལ་སློབ་ཁྲིད་བྱེད་སྒོ་མང་དུ་སྤེལ་ཞིང་། དམངས་ཡོངས་ཞུགས་ནས་ལུས་རྩལ་པར་བརྟེན་པའི་སྤྱི་ཚོགས་ཀྱི་དར་སྲོལ་གསར་པ་མངོན་འགྱུར་ཡོང་བ་བྱས་ཡོད་དེ། རང་རེའི་ཁུལ་གྱི་ལུས་རྩལ་སློབ་གསོའི་བྱ་བ་རྒྱུན་རྣམ་ཅན་དང་དམངས་ཡོངས་ཅན་དུ་འགྱུར་བར་དགེ་མཚན་ལྡན་པའི་ནུས་པ་འདོན་སྤེལ་བྱས་ཡོད་ཅེས་བཤད།