སེམས་ཀྱི་ཉི་ཟླའི་ས་ཆ་ཕག་བཤའ་བའི་དུས་ལ་སླེབས།

    ཕག་བཤའ་བ་ནི་རྫོགས་ལྡན་གྱི་ལོ་གསར་བ་ཞིག་བསུ་བའི་སྔོན་འགྲོ་ཞིག་ཡིན་ཏེ། དགུན་ཟླ་བཅུ་གཉིས་པར་སླེབས་པ་ན་བདེ་ཆེན་གྱི་ས་འདིར་ཕག་བཤའ་བའི་དུས་སུ་སླེབས་ཤིང་། འདི་ཡང་གྲང་ངར་ཆེ་བའི་དགུན་ཟླ་རིང་མོའི་རེ་སྒུག་གཅིག་ཡིན་པ་རེད། སེམས་ཀྱི་ཉི་ཟླ་གྲོང་ཁྱེར་ཡང་ཐང་གྲོང་རྡལ་གྱི་སྲོལ་རྒྱུན་ཕག་བཤའ་བའི་ཁྲོད་ཆེས་གལ་ཆེ་བ་ནི་ཤ་སྐམ་དང་རྐང་སུག་བཟོ་བ་དེ་ཡིན་ལ། དེ་ཡང་བོད་ཕག་གི་ཤས་བཟོས་པའི་ཟས་མཆོག་གཉིས་ཡིན་པ་རེད།

    རྐང་སུག་བཟོ་ཚུལ།

    ཕག་ཤ་གསར་བ་གཙབ་རྗེས། དེའི་ནང་དུ་སྒོག་བ་དང་ཚ་སོགས་བྲོ་རྫས་བླུགས་ནས་རུས་པ་བླངས་ཟིན་པའི་ཕག་སུག་ནང་བླུགས་དགོས་ལ། དེ་རྗེས་ཕག་སུག་གི་ཁ་བཙེམ་ནས་འཐབ་ཀའི་སྟེང་ཕྱོགས་སུ་བཀལ་ནས་རླུང་ལ་སྐམ་དགོས།

    ཤ་སྐམ་བཟོ་ཚུལ། 

    ཕག་ཤའི་རུས་པ་བླངས་རྗེས་ཧྲུལ་བོར་འཇོག་དགོས་ལ། ཤ་ཅུང་ཙམ་འཁྱག་པོར་འགྱུར་བ་ན་ཤའི་ཕྱི་ནང་གཉིས་ལ་ཚྭ་འདེབ་དགོས། ཚྭ་བཏབས་ཟིན་པའི་ཤ་ལག་པས་ཕུར་ནས་ཚྭའི་བྲོ་ཤའི་ནང་དུ་འཐིམས་པ་བྱས་ནས་བཙམ་དགོས་ལ། བཙམ་པའི་ཤུལ་ལ་ཐལ་བཏབས་ནས་འབུ་སོགས་མི་འཇོག་པ་བྱེད་དགོས།  དེ་རྗེས་ཐབ་ཀའི་སྟེང་ཕྱོགས་ཀྱི་ཤ་རྡང་སྟེང་ལ་བཞག་ནས་སྐམ་དགོས།