ཁྱེད་ལ་རྒྱལ་སྤྱིའི་ཨོ་རྩལ་འགྲན་ཚོགས་སྐོར་ཆ་རྒྱུས་ཅི་ཙམ་ཡོད།

རྒྱལ་སྤྱིའི་ཨོ་རྩལ་འགྲན་ཚོགས་དེ་དུས་རབས་ནམ་ཞིག་ལ་རྒྱལ་ཁབ་གང་ནས་དར།

     དེ་ནི་སྤྱི་ལོ་སྔོན་གྱི་དུས་རབས9པ་ཡས་མས་སུ་ཨོ་རྩལ་འགྲན་ཚོགས་ཐོག་མར་གནའ་བོའི་ཀི་རི་སི་རྒྱལ་ཁབ་ནས་དར་མགོ་བརྩམས། དེའི་རྗེས་རིམ་བཞིན་དར་ཁྱབ་བྱུང་ནས་སྤྱི་ལོ་སྔོན་གྱི་ལོ776ནས་སྤྱི་ལོ393ལོའི་བར་ཨོ་རྩལ་འགྲན་ཚོགས་ཐེངས293ལ་ཚོགས་པར་བཤད། དེའི་རྗེས་རཱོ་མ་བཙན་རྒྱལ་གྱིས་བཙན་འཛུལ་འོག་འཚོགས་མཚམས་གཅོད་དུ་བཅུག་གོ།

དུས་ནམ་ཞིག་ལ་ཨོ་རྩལ་འགྲན་ཚོགས་དེ་རྒྱལ་སྤྱིའི་རང་བཞིན་ཅན་དུ་གྱུར།

     དེ་ནི་དུས་རབས19པའི་མཇུག་ཏུ་ཧྥ་རན་སེའི་ཀུའུ་པཎ་ཏན་གྱི་ཐུགས་ཁུར་འོག་ཨོ་རྩལ་འགྲན་ཚོགས་དབུ་བརྙེས་པར་མཛད། སྤྱི་ལོ1896ནས་བཟུང་ལོ་བཞི་རེར་ཐེངས་གཅིག་འཚོགས་རྒྱུ་དང་། ཚོགས་ཡུན་ཉིན16ལས་མི་འདའ་བར་ཐག་གཅོད་བྱས། ཐེངས་དང་པོའི་ལུས་རྩལ་ལ་ཞུགས་མཁན་རྒྱལ་ཁབ10ཡི་ལུས་རྩལ་བ59ཡོད་པར་བཤད། སྤྱི་ལོ2008ལོའི་ཟླ8པར་རྒྱ་ནག་པེ་ཅིན་དུ་ཚོགས་པ་དེ་ནི་སྐབས39པ་ཡིན།

ཨོ་རྩལ་འགྲན་ཚོགས་ཀྱི་མཛད་སྒོའི་སྔོན་དུ་དཔལ་འབར་སྒྲོན་པ་དེས་ཅི་ཞིག་མཚོན་ཐུབ།

     དེ་སྤྱིར་གནའ་བོའི་ཀེ་རཱི་སིའི་ཆོས་ལུགས་ཀྱི་བྱེད་ཐབས་ཤིག་ཡིན་ཡང་། རྗེས་སུ་ཨོ་རྩལ་འགྲན་ཚོགས་ཀྱི་མཛད་སྒོའི་གྲུབ་ཆ་གལ་ཆེན་ཞིག་ཏུ་གྱུར། དཔལ་འབར་ལག་བརྒྱུད་དེ་ལྗོངས་སྐོར་བྱེད་པ་ནི། སྙིང་སྟོབས་དང་ཤེས་བྱ། ཚེ་སྲོག་བཅས་མཚོན་གྱི་ཡོད།

ཨོ་རྩལ་འགྲན་ཚོགས་ཀྱི་རྟགས་ཨ་ལོང་ལྔ་འབྲེལ་དེའི་མཚོན་དོན་གང་ཡིན།

     ཁ་དོག་སྔོ་སེར་ནག་ལྗང་དམར་པོ་བཅས་ལས་གྲུབ་པའི་ཨ་ལོང་ལྔ་འབྲེལ་གྱི་རྟགས་ནི། སྤྱི་ལོ1920ལོའི་ལུས་རྩལ་འགྲན་ཚོགས་སྐབས་བདུན་པའི་སྟེང་དངོས་སུ་བེད་སྤྱོད་བྱེད་ཐུབ་པ་བྱུང་།

     གླིང་ལྔ་དང་། ཕྱོགས་ཡོངས་ཀྱི་མཐུན་སྒྲིལ་ཟབ་མོ། འདྲ་མཉམ་གཞུང་དྲང་གི་སྙིང་སྟོབས། ཕྱོགས་སོ་སོའི་ལུས་རྩལ་གྱི་མཛའ་བཤེས་སྙོམས་རྒྱུ་དང་དྲང་བཞག་བྱེད་རྒྱུ་བཅས་མཚོན་གྱིན་ཡོད།