ཁུལ་དམངས་ཆེན་སྐབས་བཅུ་གསུམ་པའི་ཚོགས་འདུ་ཐེངས་དྲུག་པ་མཇུག་སྒྲིལ།

    ཁུལ་ཨུའི་ཧྲུའུ་ཅི། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་ཝང་དབྱི་ཀྲི་ཡིས་མཇུག་སྒྲིལ་ཚོགས་འདུའི་ཐོག་གསུང་བཤད་གལ་ཆེན་གནང་བ་རེད།

    ཝང་དབྱི་ཀྲིས་ཐེངས་འདིའི་ཚོགས་འདུའི་སྟེང་ཐོག་མཐའ་བར་གསུམ་དུ་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པའི་རླབས་ཆེན་དར་ཆ་མཐོན་པོར་སྒྲེང་བ་དང་།སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་རབ་དང་རིམ་པ་དང་ཡུན་ནན་དུ་རྟོག་ཞིབ་གནང་སྐབས་ཀྱི་གསུང་བཤད་གལ་ཆེན་ལག་བསྟར་དོན་འཁྱོལ་གཏིང་ཟབ་བྱེད་པ།དམངས་གཙོ་དར་སྤེལ་གང་ལེགས་གཏོང་བ།ཁྲིམས་ལྟར་འགན་འཁྲི་ནན་པོ་འཁུར་ཡོད།འཐུས་མི་ཡོངས་དང་ཚོགས་ཞུགས་བློ་མཐུན་ཚོས་ཐུན་མོང་ཐོག་འབད་བརྩོན་བྱས་པ་བརྒྱུད་གྲོས་རིམ་ཁག་ཕུན་སུམ་ཚོགས་པོའི་ངང་ལེགས་སྒྲུབ་བྱས་པ་དེ་ཐོག་ནས་ཁུལ་ཨུའི་ཐབས་ཇུས་བཀོད་སྒྲིག་གང་ལེགས་མཚོན་པ་དང་།ཁུལ་ཡོངས་ཀྱི་མི་དམངས་ཀྱི་ཐུན་མོང་གི་འདུན་པ་མཚོན་པ།ཡིད་ཆེས་བརྟན་པོ་དང་།སེམས་ཤུགས་གཅིག་སྒྲིལ།སྤྱོད་གཙང་གཞུང་དྲང་།འབད་འབུངས་ཡར་བརྩོན་བཅས་ཀྱི་ཚོགས་ཆེན་ཞིག་རེད།ཁོང་གིས་ཁུལ་ཨུ་དང་ཚོགས་ཆེན་གྱི་ཀྲུའུ་ཞི་ཚོགས་པའི་ཚབ་ཞུས་ནས་ཚོགས་ཆེན་ལེགས་འགྲུབ་བྱུང་བ་དང་གསར་དུ་བདམས་ཐོན་བྱུང་བའི་བློ་མཐུན་ཚོར་བཀྲ་ཤིས་བདེ་ལེགས་ཞུས་པ་རེད།འཐུས་མི་དང་ཚོགས་འདུར་ཞུགས་མཁན་བློ་མཐུན་དང་དེ་བཞིན་ཚོགས་ཆེན་གྱི་ཆེད་དུ་དཀའ་སྤྱད་ངལ་རྩོལ་བྱེད་མཁན་ལས་སྒྲུབ་མི་སྣ་རྣམས་ལ་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན་ཞེས་བསྟན་པ་རེད།

    ཝང་དབྱི་ཀྲིས་ད་ལོ་ནི“ལོ་ལྔ་ཚན་བཅུ་བཞི་པའི”དུས་འགོ་ཚུགས་པའི་ལོ་ཞིག་དང་དུས་རབས་གསར་པའི་བདེ་ཆེན་གྱི་རྒྱང་སྐྱོད་ལམ་བུ་གསར་པར་སྐུལ་འདེད་གཏོང་བའི་འགག་རྩའི་ལོ་ཞིག་ཡིན་ལ་རང་རྒྱལ་གྱི་དེང་རབས་ཅན་གྱི་འཕེལ་རིམ་ཁྲོད་དམིགས་བསལ་གྱི་གལ་ཆེའི་རང་བཞིན་ལྡན་པའི་ལོ་ཞིག་དེ་བས་ཡིན།ཁུལ་ཡོངས་ཀྱི་གོང་འོག་ཚང་མས་ཁུལ་ཨུའི་སྐབས་བརྒྱད་པའི་ཚང་འཛོམས་གྲོས་ཚོགས་ཐེངས་བཅུ་གཅིག་པའི་ཐབས་ཇུས་བཀོད་སྒྲིག་དང་ཐེངས་འདིའི་ཚོགས་འདུའི་ཐོག་གཏན་འཁེལ་བྱས་པའི་དམིགས་ཚད་ལས་འགན་ལ་དམ་པོར་དམིགས་ནས།ཐུན་མོང་ཐོག་མཐུན་སྒྲིལ་འབད་འཐབ་དང་ཐུན་མོང་ཐོག་དར་རྒྱས་གོང་འཕེལ་གྱི་མི་རིགས་ལས་དོན་གྱི་བརྗོད་བྱ་གཙོ་བོ་མཐའ་འཁྱོངས་བྱས་ནས་ཀྲུང་ཧྭ་མི་རིགས་ཀྱི་གཅིག་མཐུན་འདུས་གྲུབ་འདུ་ཤེས་ཀྱི་ལས་ཀའི་གཙོ་རྐང་བརྟན་པོ་འཛུགས་པ་དང་།ཡུན་རིང་བདེ་འཁོད་དང་སྤུས་ཚད་མཐོ་བའི་འཕེལ་རྒྱས་ཀྱི་སྤྱིའི་དམིགས་ཚད་ལ་དམ་པོར་དམིགས་པ།བརྟན་ལྷིང་དང་།འཕེལ་རྒྱས།སྣོད་བཅུད།མཐའ་མཚམས་བཅས་བརྟན་དུ་གཏོང་བའི་དོན་ཆེན་བཞི་དམ་འཛིན་བཅས་བྱེད་དགོས།རྨང་གཞིའི་སྒྲིག་བཀོད་དང་སྤྱི་པའི་ཞབས་ཞུའི་ཞན་ཆ་གསབ་པར་ཤུགས་རྒྱབ་ནས།རིག་གནས་ཡུལ་སྐོར་དང་།ས་མཐོའི་ཁྱད་ཆོས་ལྡན་པའི་དེང་རབས་ཞིང་ལས།ལྗང་མདོག་ནུས་ཁུངས།ལྗང་མདོག་གཏེར་ལས་བཅས་གཙོ་བོར་འཛིན་པའི་དེང་རབས་ཀྱི་ཐོན་ལས་མ་ལག་འཛུགས་པར་ཤུགས་རྒྱག་པ།དམངས་འཚོ་འགན་ལེན་དང་ལེགས་སུ་གཏོང་རྒྱུར་ཤུགས་སྣོན་རྒྱག་པ་དང་།ཏང་གི་རྩ་འཛུགས་དང་སྲིད་དབང་འཛུགས་སྐྱོང་ལ་ཤུགས་སྣོན་རྒྱག་པ།ཞིང་ཆེན་ཡོངས་ཀྱི་དཔལ་འབྱོར་དང་རིག་གནས་མ་ལག་གི་རྣམ་པ་གསར་པ་ཁྱོན་ཡོངས་ནས་མཉམ་འདྲེས་བྱེད་ནས།ཡུན་ནན་གྱིས་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཁུལ་དང་སྣོད་བཅུད་ཤེས་དཔལ་འཛུགས་སྐྱོང་གི་དཔེ་སྟོན་དམག་ཧུར་ཐག་གཏོད་པ་བཅས་བྱས་ནས་ཨེ་ཤེ་ཡ་ལྷོ་མ་དང་ཨེ་ཤེ་ཡ་ཤར་ལྷོའི་ཁྱབ་འགྱེད་ལྟེ་གནས་འཛུགས་སྐྲུན་ལ་སྐུལ་འདེད་གཏོང་བའི་ཁྲོད་བདེ་ཆེན་གྱི་མི་རིགས་མཐུན་སྒྲིལ་ཡར་ཐོན་གྱི་ཤུགས་རྐྱེན་ཐེབས་ཤུགས་མངོན་པ་བྱེད་དགོས་ཞེས་ནན་གྱིས་བསྟན་པ་རེད།

    ཝང་དབྱི་ཀྲིས་འཆར་གཞི་བཏིང་ཟིན་པ་དང་དམིགས་ཚད་ཁ་གསལ་བྱུང་ཡོད་པས།འགག་རྩ་ནི་དོན་འཁྱོལ་བྱ་རྒྱུར་ཐུག་ཡོད།ང་ཚོས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མཐའ་སྐོར་དུ་མཐུན་སྒྲིལ་སྔར་ལས་དམ་ཟབ་དང་།ཞིང་ཆེན་ཨུ་ལྷན་དང་ཁུཞ་ཨུའི་ཐབས་ཇུས་བཀོད་སྒྲིག་ཁག་ཁྱོན་ཡོངས་ནས་ལག་བསྟར་དོན་འཁྱོལ་བྱས་ཏེ་ཆར་རླུང་ལ་མི་སྐྲག་པ་དང་།དུས་ཚོད་སྐར་ཆ་ཙམ་ཡང་བརྩོན་ལེན་བྱེད་པ།དུས་རིམ་མི་ཤོར་བ།གྲོན་ཆུང་བསྲི་ཚགས་ཀྱི་སྒོ་ནས་སྐུལ་འདེད་གཏོང་བ་བཅས་བྱས་ཏེ་མཐུན་སྒྲིལ་ཕྱུག་འགྱུར་དང་།ཤེས་དཔལ།ཞི་མཐུན།མཛེས་སྡུགབརྟན་ལྷིང་བཅས་ཀྱི་དུས་རབས་གསར་པ་དང་བདེ་ཆེན་གསར་པ་ནུས་ཤུགས་ཡོད་རྒུས་བསྐྲུན་ནས“ལོ་ལྔ་ཚན་བཅུ་བཞི་པའི”འགོ་ཚུགས་ལོར་ཕུལ་དུ་བྱུང་བའི་གྲུབ་འབྲས་ཀྱིས་གུང་ཁྲན་ཏང་དབུ་བརྙེས་ནས་ལོ་100འཁོར་བར་ལེགས་སྐྱེས་འབུལ་དགོས་ཞེས་འབོད་སྐུལ་གནང་བ་རེད།

    ཚོགས་འདུ་གྲོལ་རྗེས་ཁུལ་ལྟ་ཞིབ་ཨུ་ཡོན་ལྷན་ཁང་གི་ཀྲུའུ་རེན་ཅི་ཞིང་ཅང་གིས་ད་དུང་ཁུལ་མི་དམངས་འཐུས་ཚོགས་རྒྱུན་ཨུའི་ཚོགས་ཁང་དུ་རྩ་ཁྲིམས་ལ་དམ་བཅའ་འཇོག་པའི་མཛད་སྒོ་སྤེལ་བ་རེད།