ཡུན་ནན་ཞིང་ཆེན་རིག་རྫས་སྡེ་ཁག་གིས་སེམས་ཀྱི་ཉི་ཟླ་གྲོང་ཁྱེར་གྱི་འབྲི་ཆུའི་འགྲམ་བརྒྱུད་དུ་ཡོད་པའི་གནའ་བོའི་བྲག་རིས་ལ་ཡུལ་དངོས་བརྟག་དཔྱད་བྱས།

རྩོམ་པ་པོ།     ཡིག་བསྒྱུར།       དུས་ཚོད།   2021-01-18   རྩོམ་ཁུངས།   


         ཉེ་ཆར། ཡུན་ནན་ཞིང་ཆེན་གནའ་རྫས་རྟོག་ཞིབ་ཞིབ་འཇུག་སུའོ་དང་ནན་ཅིང་དགེ་འོས་སློབ་ཆེན།བདེ་ཆེན་ཁུལ་རྟེན་རྫས་བཤམས་མཛོད་ཁང་།སེམས་ཀྱི་ཉི་ཟླ་གྲོང་ཁྱེར་རིག་གནས་ཤུལ་བཞག་སྲུང་སྐྱོང་སུའོ་བཅས་ཀྱིས་སེམས་ཀྱི་ཉི་ཟླ་གྲོང་ཁྱེར་འབྲི་ཆུའི་བྲག་རིས་ས་ཚིགས་སུ་ས་གནས་ས་ཐོག་ཏུ་བརྟག་དཔྱད་དང་ལོ་རབས་རིག་པའི་ཞིབ་འཇུག་ལས་དོན་མཉམ་འབྲེལ་ཐོག་སྤེལ་བ་རེད།



        1988ལོར་འབྲི་ཆུའི་བྲག་བརྐོས་རི་མོ་ཐོག་མར་ཤེས་རྟོགས་བྱུང་བ་ནས་བཟུང་།མིག་སྔར་བྲག་བརྐོས་རི་མོ་80ལྷག་ཙམ་ཤེས་རྟོགས་བྱུང་ཡོད། ད་ཐེངས་ཀྱི་ས་གནས་ས་ཐོག་ཏུ་བརྟག་དཔྱད་དང་ལོ་རབས་རིག་པའི་ཞིབ་འཇུག་ལས་དོན་གྱིས་འབྲི་ཆུའི་བྲག་རིས་དུས་རབས་ཀྱི་ངོས་འཛིན་དང་དེའི་ཉམས་འགྱུར་ལ་གནའ་རྫས་རྟོག་ཞིབ་རིག་པའི་དཔང་རྟགས་མཁོ་འདོན་བྱ་རྒྱུ་རེད།ཤེས་རྟོགས་བྱུང་བར་གཞིགས་ན།འབྲི་ཆུའི་བྲག་རྡོ་ནི་མཚོ་བོད་ས་མཐོའི་ཤར་ལྷོའི་རྒྱུད་ཀྱི་སི་ཁྲོན་དང་།ཡུན་ནན། བོད་ལྗོངས་བཅས་འབྲེལ་མཚམས་ཀྱི་འབྲི་ཆུའི་འབབ་རྒྱུད་དང་དེའི་ཆུ་ཕྲན་འབབ་རྒྱུད་དུ་གནས་པ་དང་། གཙོ་བོ་ཡི་གེ་མ་བྱུང་གོང་གི་རྔོན་པས་རི་དྭགས་རྔོན་སྐབས་སུ་བྲིས་པ་ཞིག་ཡིན་ལ། མང་ཆེ་བར་དོན་དངོས་ཀྱི་མཐོང་སྣང་བཀོད་པའི་ཁྱད་ཆོས་ཤིག་ཡོད་པ་རེད། དེ་གཙོ་བོ་འབྲོང་དང་།ཤྭ་བ།གནའ་བ།ར་མ།ཕག་རྒོད།གླ་བ།སྤྲེའུ།རྐྱང་།དོམ།སྟག་སོགས་སྲོག་ཆགས་ཀྱི་པར་རིས་ཡོད་ལ། འབྲི་རྩལ་ལ་བྱང་ཆ་ལྡན་ལ། མཚོན་དོན་གནད་ལ་འཁེལ་བ་ཡོད། རྣམ་པ་གསོན་ཉམས་དོད་པ་བཅས་ཡིན་པ་རེད།གཞན་ཡང་ད་དུང་མི་སྣ་དང་།མདའ་གཞུ།ལག་རྗེས། མཚོན་རྟགས། དབྱིབས་རྩིས་རི་མོ་སོགས་ཡོད། 



分享到：QQ空间新浪微博腾讯微博人人网微信