ཆུ་བྱ་ཐོད་དཀར།

ཆུ་བྱ་ཐོད་དཀར་ནི་ཁྲུང་ཁྲུང་རིགས་ཀྱི་ཚན་ཁག་ལ་གཏོགས་པའི་འདབ་ཆགས་ཀྱི་རིགས་ཤིག་ཡིན།  ཕོ་བྱ་དང་མོ་བྱ་གཉིས་ཀ་ཕར་ཆེར་འདྲ།   མཆུའི་རིང་ཐུང་རན་པོ་ཡོད་ཅིང་མཐོ་ལ་གཞོགས་ལེབ་ཅན་དུ་སྣང་།    མགོ་ལ་ཨེ་ཀ་དཀར་པོ་དང་།  སྣེ་ལ་རྟུལ་སྒོར་དབྱིབས།  ལུས་ཀྱི་སྒྲོ་ཧྲིལ་བོ་ནག་སྐྱའི་མདོག་ཡིན་ལ།  འཕུར་སྐྱོད་བྱེད་དུས་གཤོག་པའི་སྟེང་ན་དཀར་ཆ་ཅུང་གསལ་ལ་མ་གསལ་བ་ཞིག་མཐོང་རྒྱུ་ཡོད།  རྐང་སྣེ་ཐུང་ལ།  སྡེར་མོ་སོ་སོར་ཞེང་ཆེ་ཞིང་ཁ་གྱེས་པའི་འདབ་སྐྱི་ཡོད།

    ཆུ་བྱ་ཐོད་དཀར་དེ་ཡོ་རོབ་དང་ཨེ་ཤེ་ཡ་སྐམ་ས།  ཨ་ཧྥེ་རི་ཁ།   ཧིན་རྡུ་ཉི་ཞི་ཡ།   ཨོ་སི་ཁྲུ་ལི་ཡ།  ནེའུ་ཙི་ལན་བཅས་སུ་ཁྱབ་ཡོད།    ཀྲུང་གོར་ཡང་ཁྱབ་རྒྱ་ཆེ་ཞིང་ཕལ་ཆེར་རྒྱལ་ཡོངས་ཀྱི་ཡུལ་གྲུ་ཀུན་ཏུ་ཁྱབ་ཡོད་པ་སྟེ།   བྱང་དུ་ཧེ་ལུང་ཅང་དང་ནང་སོག་དང་།   ཤར་དུ་ཅི་ལིན་གྱི་ཁྲང་པའེ་རི་བོ་དང་།   ནུབ་ཏུ་ཞིན་ཅང་གི་ཐེན་ཧྲན་རི་བོ་དང་བོད་ལྗོངས་ཀྱི་རི་བོ་ཧི་མ་ལ་ཡའི་བར།    ལྷོ་ངོས་སུ་ཡུན་ནན་དང་།  ཀོང་ཞི།  ཀོང་ཏུང་།    ཧྥུ་ཅན།   ཞང་ཀང་། ཐའེ་ཝན།   ཧའེ་ནན་ཏའོ་གླིང་ཕྲན་བཅས་བར་དུ་ཁྱབ་ཡོད། 

    ཆུ་སྐྱེས་རྩི་ཤིང་གིས་ཕྱུག་པའི་རྒྱ་ཁྱོན་ཆེ་བའི་མཚོ་དང་ཉེ་བའི་ཆུ་ཁོངས་སུ་འཚོ་རྒྱུར་དགའ། ཆུ་རྐྱལ་ལ་མཁས་པ་དང་ཆུ་ནང་དུ་འཛུལ་ནས་ཉ་ཆུང་དང་རྩྭ་ཆུ་འཛིན་ཐུབ། ཆུ་རྐྱལ་བྱེད་དུས་རྔ་མ་ཐུར་དུ་དཔྱངས་པ་དང་མགོ་བོ་སྔ་རྗེས་སུ་གཡོ་འགུལ་བྱེད་ནུས།    དགྲའི་གནོད་པར་ཐུག་དུས་ཡུན་རིང་ཙམ་ཞིག་ལ་ཆུ་ནང་དུ་འཛུལ་ནས་གབ་སྦས་བྱེད།  ཁ་ཟས་ལ་གཙོ་བོ་རྩི་ཤིང་གི་རིགས་བསྟེན་པ་ཡིན།   ཆུ་སྐྱེས་རྩི་ཤིང་གི་མྱུ་གུ་དང་།  ལོ་མ།  རྩ་བ་བཅས་ཁ་ཟས་སུ་བྱེད་པ་མ་ཟད་ད་དུང་འབུ་སྲིན་དང་།  ལུས་མཉེན་སྲོག་ཆགས་སོགས་ཀྱང་ཟ་བ་རེད།

    སེམས་ཀྱི་ཉི་ཟླའི་ས་ཁུལ་གྱི་ས་མཐོའི་འདམ་རའི་ནང་རྟག་ཏུ་དགུན་དུས་སུ་བྱ་རིགས་འདི་མཐོང་རྒྱུ་ཡོད།