བདེ་ཆེན་གྱི་མི་རིཊ་མཐུན་སྒྲིལ་ཡར་ཐོན་དཔེ་སྟོན་ཁུལ་བསྐྲུན་པར་གྲུབ་འབྲས་ཐོབ་པ།

རྩོམ་པ་པོ།     ཡིག་བསྒྱུར།       དུས་ཚོད།   2021-01-25   རྩོམ་ཁུངས།    སེམས་ཀྱི་ཉི་ཟླའི་བོད་ཡིག་དྲ་བ།

    རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གསར་འཛུགས་བྱེད་པ་ནི་བདེ་ཆེན་གྱིས་ནན་ཏན་ངང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཡུན་ནན་དུ་བརྟག་ཞིབ་ཕེབས་སྐབས་ཀྱི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱེད་པའི་ལས་ཀའི་བྱེད་ཐབས་ཡིན་ལ། བདེ་ཆེན་གྱིས་རང་རྟོགས་ངང་ཡུན་ནན་གྱིས་རང་རྒྱལ་གྱི་མི་རིགས་མཐུན་སྒྲིལ་ཡར་ཐོན་དཔེ་སྟོན་ས་ཁུལ་འཛུགས་སྐྲུན་བྱེད་པའི་ལས་ཀའི་སྤྱི་ཡོངས་ལ་ཞབས་ཞུ་དང་འདྲེས་པའི་ལག་ལེན་དངོས་ཀྱང་ཡིན། 

རྩེ་རིམ་ཇུས་འགོད་ལ་ཤུགས་སྣོན་རྒྱག་པ།  

     ཏང་གི་འགོ་ཁྲིད་རྒྱུན་འཁྱོངས་བྱས་ཏེ་རིམ་པ་ཁག་གི་ཏང་ཨུ་དང་སྲིད་གཞུང་གི་གཙོ་འགན་འཁུར་མཁན་ཙུའུ་ཀྲང་བྱས་པའི་གསར་འཛུགས་ལས་ཀའི་འགོ་ཁྲིད་ཚོ་ཆུང་བཙུགས་པ་དང་།  《ཀྲུང་གུང་བདེ་ཆེན་ཁུལ་ཨུ། བདེ་ཆེན་ཁུལ་མི་དམངས་སྲིད་གཞུང་གི་མི་རིགས་མཐུན་སྒྲིལ་ཡར་ཐོན་བྱ་གཞག་ལ་སྐུལ་སྤེལ་གཏིང་ཟབ་གཏོང་བའི་བསམ་འཆར་》དང་《བདེ་ཆེན་ཁུལ་གྱི་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གསར་འཛུགས་གཏིང་ཟབ་གཏོང་བའི་བྱ་སྤྱོད་ཇུས་གཞི་》《བདེ་ཆེན་ཁུལ་གྱི་མི་རིགས་མཐུན་སྒྲིལ་ཡར་ཐོན་གསར་འཛུགས་ཀྱི་དགུ་ཞུགས་གཏིང་ཟབ་སྤེལ་བའི་ལག་བསྟར་ཇུས་གཞི》སོགས་གཏན་འབེབས་དང་དངོས་འདོན་བྱས་ཏེ་གསར་འཛུགས་ལས་ཀ་དེ་ལོ་འཁོར་རེའི་ཆབ་སྲིད་སྐོར་ཞིབ་དང་ཆེད་དོན་ལྟ་ཞིབ་ཀྱི་གཙོ་གནད་ལས་ཀ་དང་། རིམ་པ་ཁག་གི་ཏང་ཨུ་（ཏང་ཙུའུ）ཡི་འགོ་ཁྲིད་ཚན་ཁག་དང་ཏང་ཡོན་འགོ་ཁྲིད་ལས་བྱེད་པ་དག་གི་དམངས་གཙོའི་འཚོ་བའི་ཚོགས་འདུའི་ཞིབ་བཤེར་ནང་དོན་གལ་ཆེན་དུ་བྱས་ནས་གོང་འོག་མཉམ་འགུལ་དང་རིམ་པ་བགོས་ནས་འགན་འཁུར་བ། མཉམ་འཛིན་སྤྱི་སྒྲུབ།  རྡོག་རྩ་གཅིག་སྒྲིལ་གྱིས་སྐུལ་འདེད་གཏོང་བའི་གསར་འཛུགས་ཀྱི་ལས་ཀའི་རྣམ་པ་བཞེངས་སྐྲུན་བྱས་ཡོད།

གསར་འཛུགས་ཀྱི་གཞི་རྟེན་ཕུན་སུམ་ཚོགས་པོར་གཏོང་བ། 

      མི་དམངས་མང་ཚོགས་ཀྱི་བྱེད་པོའི་གོ་གནས་རྒྱུན་འཁྱོངས་བྱས་པ་དང་།  སྤྱི་ཚོགས་ཡོངས་དང་ལས་རིགས་ཁག་མི་རིགས་མཐུན་སྒྲིལ་ཡར་ཐོན་གསར་འཛུགས་ལས་ཀར་མཉམ་དུ་ཞུགས་པར་སྐུལ་སློང་བྱས་པ།  ཁུལ་དང་རྫོང་།（གྲོང་ཁྱེར་）ཤང་།（གྲོང་རྡལ་） གྲོང་ཚོ་（སྡེ་ཁུལ）ཡི་འཕྲེད་ནས་མཐའ་བར་དང་གཞུང་ཕྱོགས་མཐའ་འཁྱོལ་བའི་མཉམ་འགུལ་མཉམ་གཏོད་ཀྱི་ལས་ཀའི་ལམ་སྲོལ་བཙུགས་པ།  མི་རིགས་མཐུན་སྒྲིལ་ཡར་ཐོན་དཔེ་སྟོན་ས་ཁུལ་འཛུགས་སྐྲུན་གྱི་བཅུ་བརྒྱ་སྟོང་ཁྲི་ཞེས་པའི་དཔེ་སྟོན་གསར་འཛུགས་ལས་གཞི་ལག་བསྟར་གཏིང་ཟབ་གཏོང་སྟེ། དགུ་ཞུགས་ཞེས་པའི་བྱེད་སྒོ་སྤེལ་བ་དང་གཙོ་གནད་དུ་བདེ་ཆེན་གྱི་ཁྱད་ཆོས་ལྡན་པ་དང་བདེ་ཆེན་གྱི་བཀྲག་ཆེ་ས་ལྡན་པ།  བདེ་ཆེན་གྱི་སྤུས་རྟགས་ཡོད་པའི་དཔེ་སྟོན་དཔེ་མཚོན་100བཞེངས་སྐྲུན་བྱས་ཡོད། ཧུར་ཐག་སྒོས་དཔེ་མཚོན་འདེམས་སྒྲུག་བྱས་པ་དང་མི་རིགས་མཐུན་སྒྲིལ་ཡར་ཐོན་གྱི་གཟེངས་བསྟོད་ཚོགས་ཆེན་སྤེལ་བ། ཁུལ་ཡོངས་སུ་གཡག་རྭ་མངག་གཏོང་ཁང་དང་སེམས་ཀྱི་ཉི་ཟླ་གྲོང་ཁྱེར་མི་རིགས་སློབ་ཆུང་།  ལི་རོང་ཧྭ་སོགས་མི་རིགས་མཐུན་སྒྲིལ་ཡར་ཐོན་གྱི་དཔེ་མཚོན་རྒྱུན་མི་ཆད་པར་ཐོན་པ།

དྲིལ་བསྒྲགས་སློབ་གསོ་གཏིང་ཟབ་གཏོང་བ། 

  མི་རིགས་མཐུན་སྒྲིལ་ཡར་ཐོན་གྱི་དྲིལ་བསྒྲགས་སློབ་གསོ་ཁུལ་ཡོངས་ཀྱི་རིགས་སོ་སོའི་དྲིལ་བསྒྲགས་སློབ་གསོ་བྱེད་སྒོ་ཁྲོད་འདྲེས་པར་རྒྱུན་འཁྱོངས་བྱས་པ་དང་། ལས་བྱེད་པ་སྟོང་གིས་གྲོང་ཚོ་དང་དུད་ཚང་དུ་བསྐྱོད་ནས་འབྱོར་འབྲིང་ལ་སྐུལ་འདེད་གཏོང་བ་དང་དབུལ་སྒྲོལ་ལ་སྐུལ་འདེད་གཏོང་བ། མི་རིགས་མཐུན་སྒྲིལ་ཡར་ཐོན་ལ་སྐུལ་འདེད་གཏོང་བ་ཞེས་པ་དང་།  མི་རིགས་མཐུན་སྒྲིལ་ཡར་ཐོན་ཟླ་བ།  མི་རིགས་ཆོས་ལུགས་ཀྱི་སྲིད་ཇུས་དང་ཁྲིམས་སྲོལ་སློབ་སྦྱོང་ཟླ་བ་སོགས་བརྗོད་དོན་གཙོ་བོའི་དྲིལ་བསྒྲགས་སློབ་གསོ་རྒྱུན་མཐུན་ངང་སྤེལ་ཏེ། རྣམ་པ་སྣ་མང་དང་གཞི་རྟེན་སྣ་མང་གི་ཚུལ་གྱིས་བདེ་ཆེན་མི་རིགས་མཐུན་སྒྲིལ་ཡར་ཐོན་གྱི་སྐད་སྒྲ་ཡག་པོ་དང་གཏམ་རྒྱུད་བཟང་པོ་དྲིལ་བསྒྲགས་བྱས་ནས་མི་རིགས་མཐུན་སྒྲིལ་ཡར་ཐོན་གྱི་བརྗོད་བྱ་གཙོ་བོ་དཀྲོལ་ཡོད་པ་རེད།


分享到：QQ空间新浪微博腾讯微博人人网微信