རང་ཁུལ་གྱིས་དགུན་དུས་དང་དཔྱིད་དུས་ཀྱི་ཏོག་གསར་གློ་ཚད་སྔོན་འགོག་གི་ལས་ཀར་བཀོད་སྒྲིག་བྱས་པ།

རྩོམ་པ་པོ།     ཡིག་བསྒྱུར།       དུས་ཚོད།   2021-01-28   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

        སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ་1པོའི་ཚེས་25ཉིན་གྱི་ཕྱི་དྲོར། ཁུལ་ཡོངས་ཀྱི་འཕྲོད་བསྟེན་བདེ་ཐང་མ་ལག་གི་དགུན་དུས་དང་དཔྱིད་དུས་ཀྱི་ཏོག་གསར་གློ་ཚད་སྔོན་འགོག་ཚོད་འཛིན་ལས་དོན་གྱི་བརྙན་འཕྲིན་ཁ་པར་ཚོགས་འདུ་འཚོགས་ཏེ། དགུན་དཔྱིད་གཉིས་ཀྱི་རིམས་ནད་སྔོན་འགོག་ཚོད་འཛིན་ལས་དོན་ལ་སླར་ཡང་བཀོད་སྒྲིག་བྱས་ནས་ལྷོད་གཡེང་སྤུ་ཙམ་ཡང་མེད་པའི་སྒོ་ནས་རིམས་ནད་སྔོན་འགོག་ཚོད་འཛིན་ལས་དོན་ལ་དམ་འཛིན་དང་བྱ་ཐབས་ཁག་ལ་དམ་འཛིན་བྱས་ནས་དགུན་དཔྱིད་གཉིས་ཀྱི་རིམས་ནད་སྔོན་འགོག་ཚོད་འཛིན་གྱི་འགག་རྩའི་དུས་སྐབས་བརྟན་སྲུང་བྱས་ཏེ་མི་དམངས་མང་ཚོགས་ཀྱི་ཚེ་སྲོག་བདེ་འཇགས་དང་གཟུགས་པོའི་བདེ་ཐང་ལ་སྲུང་སྐྱོང་ཏན་ཏིག་བྱེད་དགོས་པའི་བླང་བྱ་བཏོན་ཡོད། 

        ཚོགས་འདུའི་ཐོག་སྔོན་འགོག་ཚོད་འཛིན་གྱི་བྱ་ཐབས་ཁག་དོན་འཁྱོལ་ཞིབ་ཕྲ་བྱེད་དགོས་པའི་བླང་བྱ་བཏོན་པ་སྟེ།གཅིག་ནས་ཁུལ་ཡོངས་ཀྱི་རིམས་ནད་སྔོན་འགོག་ཚོད་འཛིན་གྱི་བཀོད་འདོམས་མ་ལག་ཕན་འབྲས་ཆེ་ལ་གོ་རིམ་ལྡན་པའི་ངང་འཁོར་སྐྱོད་བྱ་རྒྱུ་མུ་མཐུད་རྒྱུན་འཁྱོངས་བྱེད་དགོས་པ་དང་། གཉིས་ནས་གཙོ་གནད་མི་ཚོགས་ཀྱི་ཉེན་ཁར་ལྟ་ཞིབ་ཚད་ལེན་དང་ཉེན་ཟོན་སྔོན་བརྡ་གཏོང་རྒྱུར་ཤུགས་སྣོན་རྒྱག་དགོས། གསུམ་ནས་གཙོ་གནད་ཁུལ་གྱི་འགོག་བཅོས་བྱ་ཐབས་དོན་འཁྱོལ་ནན་པོ་བྱེད་དགོས། བཞི་ནས་གྲོང་གསེབ་ས་ཁུལ་གྱི་རིམས་ནད་སྔོན་འགོག་ཚོད་འཛིན་ལས་དོན་ལ་ཤུགས་སྣོན་རྒྱག་དགོས། ལྔ་ནས་སྨན་བཅོས་སྒྲིག་གཞིའི་སྨན་ཁང་གི་ཚོར་སྣང་སྔོན་འགོག་ཚོད་འཛིན་ལ་ཤུགས་སྣོན་རྒྱག་རྒྱུ། དྲུག་ནས་གཅིག་སྡུད་རང་བཞིན་གྱི་བྱེད་སྒོ་སྣ་ཚོགས་ཚོད་འཛིན་ནན་པོ་བྱེད་དགོས། བདུན་ནས་གཅིག་སྡུད་ལོགས་སུ་དབྱེ་ནས་གསོ་རིག་ལྟ་ཞིབ་བྱ་ཡུལ་འཛུགས་པ་དང་དོ་དམ་ཚད་ལྡན་དུ་གཏོང་དགོས། བརྒྱད་ནི་གཙོ་གནད་མི་ཚོགས་ཀྱི་ཏོག་གསར་གློ་ཚད་རིམས་འགོག་སྨན་ཁབ་རྒྱག་པའི་ལས་དོན་ཡག་པོ་སྒྲུབ་དགོས། དགུ་ནི་རིགས་ཁག་གི་ཇུས་གཞི་དང་འཕྲལ་སྡོམ་སྔོན་ཇུས་ཟམ་མི་ཆད་པར་འཐུས་ཚང་དུ་གཏོང་བ་དང་།ཆེད་ལས་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་པ།འཕྲལ་སྡོམ་དངོས་ཟོག་གྲབས་གསོག་དང་སྨན་བཅོས་སྲོག་སྐྱོབ་ཀྱི་གྲ་སྒྲིག་ཡག་པོ་བྱེད་པ།འཕྲལ་སྡོམ་ཐག་གཅོད་ཀྱི་གྲ་སྒྲིག་ལས་དོན་ཁག་ཡག་པོ་སྒྲུབ་པ་བཅས་བྱེད་དགོས། བཅུ་ནས་འཕྲལ་སྡོམ་དང་ལེན་མགྱོགས་མྱུར་ཞུ་བ་དང་།སྔོན་འགོག་ཚོད་འཛིན་ལས་དོན་མགྱོགས་མྱུར་སྤེལ་བ།སྨན་བཅོས་སྐྱོབ་བཅོས་ནུས་ལྡན་བྱེད་པ།འབྲེལ་གཏུག་དམ་ཟབ་བྱེད་མཁན་ལ་དོ་དམ་ནན་པོ་བྱེད་པ་སོགས་ཀྱི་བྱ་ཐབས་བརྒྱུད་ནས་དུས་ཐོག་ཏུ་རིམས་ནད་ཐག་གཅོད་བྱེད་དགོས། བཅུ་གཅིག་ནི་དུས་ཐོག་ཏུ་རིམས་ནད་བྱུང་ཚུལ་གྱི་ཆ་འཕྲིན་སྙན་སེང་ཞུ་རྒྱུ་དང་ཁྱབ་བསྒྲགས་བྱེད་དགོས། གཞན་ཡང་དྲིལ་བསྒྲགས་དང་ཁྲིད་སྟོན་ལ་ཤུགས་སྣོན་རྒྱག་པ་དང་།མང་ཚོགས་ཀྱིས་ལྟ་འདོད་ལ་ཉན་སྤྲོ་བ་དང་གོ་བདེ་ཤེས་སླའི་དྲིལ་བསྒྲགས་བྱ་ཐབས་སྟབས་བསྟུན་སྤྱོད་པ།མང་ཚོགས་ལ་འཕྲོད་བསྟེན་གྱི་གོམས་གཤིས་དང་འཚོ་བ་སྐྱེལ་སྟངས་བཟང་པོ་ཆགས་རྒྱུའི་ཁྲིད་སྟོན་བཅས་བྱས་ནས་མང་ཚོགས་ཀྱིས་སྔོན་འགོག་དང་ཚོད་འཛིན་བྱེད་དགོས། དེ་དང་ཆབས་ཅིག་ཁུལ་ཡོངས་ཀྱི་རིམ་པ་ཁག་དང་རིགས་ཁག་གི་སྨན་བཅོས་འཕྲོད་བསྟེན་སྒྲིག་གཞིས་ནད་ཡམས་སྔོན་འགོག་ཚོད་འཛིན་གྱི་ཆེད་དོན་གྲལ་བཤེར་བཅོས་སྒྲིག་བྱ་སྤྱོད་མགྱོགས་མྱུར་སྤེལ་ནས་གཙོ་གནད་ཁུལ་དང་གཙོ་གནད་མི་སྣའི་རིམས་ནད་སྔོན་འགོག་ཚོད་འཛིན་ལས་དོན་ལ་ལྟ་སྐུལ་ཞིབ་བཤེར་བྱེད་དགོས། 

        ཚོགས་འདུའི་ཐོག་རིམས་ནད་སྔོན་འགོག་ཚོད་འཛིན་གྱི་དུས་བབ་ལ་དབྱེ་ཞིབ་དང་བརྡར་ཤ་བཅད་པ་དང་།སྨན་བཅོས་འགོས་ནད་དོ་དམ་དང་སྨན་ཁང་གི་སྐྱོབ་བཅོས་ལས་དོན་དང་།གཞི་རིམ་གྱི་སྨན་བཅོས་འཕྲོད་བསྟེན་སྒྲིག་གཞིའི་རིམས་ནད་སྔོན་འགོག་ཚོད་འཛིན།གཅིག་སྡུད་ལོགས་འཇོག་ཁུལ་གྱི་ལས་དོན་དང་རིམས་ནད་སྔོན་འགོག་ཚོད་འཛིན་རྒྱུན་རྣམ་ཅན་གྱི་འོག་གི་འཕྲོད་བསྟེན་ལྟ་སྐུལ་ལས་དོན་སོགས་བཀོད་སྒྲིག་བྱས་པ་རེད། 

        ཚོགས་འདུ་ནི་བརྙན་ལམ་རྣམ་པའི་ཐོག་ནས་འཚོགས་ཤིང་།ཁུལ་འཕྲོད་བསྟེན་བདེ་ཐང་ཨུ་ལྷན་དང་ཁུལ་འཕྲོད་བསྟེན་བདེ་ཐང་ཨུ་ལྷན་གྱི་ཐད་གཏོགས་སྨན་བཅོས་འཕྲོད་བསྟེན་སྒྲིག་གཞི་ཁག་དང་།དེ་བཞིན་དམངས་འཚོའི་སྨན་ཁང་དང་ཞི་མཐུན་སྨན་ཁང་གི་འབྲེལ་ཡོད་བློ་མཐུན་ཚོགས་ར་གཙོ་བོར་ཚོགས་འདུར་ཞུགས་པ། རྫོང（གྲོང་ཁྱེར）མི་དམངས་སྲིད་གཞུང་དང་ཤང་གྲོང་ཁག་གི་མི་དམངས་སྲིད་གཞུང་གིས་ཡན་ལག་ཚོགས་ར་བཙུགས་ཏེ་ཁུལ་ཡོངས་ཀྱི་སྨན་བཅོས་སྒྲིག་གཞི་ཚང་མར་ཁྱབ་པ་རེད།                    

分享到：QQ空间新浪微博腾讯微博人人网微信