བྱེའུ་དམར་སྐྱ།

རྩོམ་པ་པོ།     ཡིག་བསྒྱུར།       དུས་ཚོད།   2021-01-29   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

 

       བྱེའུ་དམར་སྐྱ་ནི་བྱེའུ་དབྱིབས་ཁུག་རྟའི་བྱེའུ་ཚན་གྱི་ཁོངས་སུ་གཏོགས་ལ།  ལུས་པོའི་རིང་ཚད་ལི་སྨི་13ཡོད།  ཕོ་བྱའི་དཔྲལ་རྨང་དང་མིག་སྔོན། འོག་མཆུའི་རྨང་བཅས་མདོག་ནག་དམར་ཡིན་པ་དང་།  སྨིན་རིས་དང་མཁུར་ཚོས་གཉིས་རྒྱ་སེ་དམར་པོའི་མདོག་ཡིན། མིག་གི་རྒྱབ་རིས་ནི་ཁམ་མདོག་ཡིན་ལ་དེའི་སྟེང་དཀར་སྐྱའི་གཞི་རིས་ཡོད།  སྤྱི་གཙུག་དང་སྐེ་རྒྱབ་སྨུག་སྐྱ་ཡིན་ལ་ཁམ་མདོག་གི་སྒྲོ་སྐམ་རི་མོ་ཡོད།  རྒྱབ་དང་ཕྲག་ཁམ་སྐྱ་ཡིན་ལ་ཅུང་སྦོམ་པའི་སྒྲོ་སྐམ་རི་མོ་སྨུག་ནག་ཡོད། སྐེད་པ་དང་མཇུག་གི་སྟེང་ཁེབས་སྒྲོ་དམར་སྐྱ་ཡིན། འཕུར་སྒྲོ་དང་མཇུག་སྒྲོ་སྨུག་ནག་ཡིན། འཕུར་སྒྲོའི་ཕྱི་སྒྲོ་མཐའ་དཀར་དམར་ལྡན།  ཁོག་སྨད་རྒྱ་སེ་དམར་པོའི་མདོག་ཡིན་ལ་བཙན་ཤེད་གཉིས་ཀྱི་སྟེང་གཞུ་རིས་ནག་པོ་ཡོད།  མོ་བྱའི་ཁོག་སྟོད་ཁམ་སེར་མདོག་ཡིན་ལ་གཞུ་རིས་སྨུག་ནག་ཡོད།  མགོ་སྟེང་གི་གཞུ་རིས་ཅུང་ཕྲ།  ཁོག་སྨད་སེར་སྐྱ་ཡིན་ལ་གཞུ་རིས་སྨུག་ནག་ཡོད། རྒྱབ་ཏུ་སྒྲོ་མདོག་རིམ་བཞིན་སྐྱ་བོར་གྱུར། གསུས་དཀྱིལ་དང་མཇུག་འོག་གི་ཁེབས་སྒྲོ་ནག་པོ་ཡིན་ལ་གཞུ་རིས་ཕྲ་མོ་ལྡན།

        བྱེའུ་དམར་སྐྱ་ནི་ཀྲུང་གོའི་ལྷོ་ནུབ་ས་ཁུལ་ཏེ་བོད་ལྗོངས་ཀྱི་ཤར་ལྷོ་རྒྱུད་དང་ཡུན་ནན་གྱི་ནུབ་བྱང་རྒྱུད།  སི་ཁྲོན་གྱི་ནུབ་རྒྱུད།  མཚོ་སྔོན་གྱི་ཤར་ལྷོ་རྒྱུད་སོགས་སུ་ཁྱབ་ཡོད་ལ། ས་མཐོའི་རྩྭ་ཐང་དང་ཐང་ཤིང་གི་ནགས། ནགས་འོག་སྡོང་ཕུང་།  གཤོང་སའི་ཞིང་ཁའི་སྡོང་ཕུང་སོགས་སུ་འཚོ་སྡོད་བྱས།  སྐྱེ་འཕེལ་གྱི་དུས་སུ་ཆ་འགྲིག་ནས་བྱ་འགུལ་བྱེད་པར་མང་།  སྐྱེ་འཕེལ་གྱི་དུས་མིན་སྐབས་ཁྱུ་ཆུང་སྒྲིག་ནས་གཏོར་འཚོལ་བར་དགའ།

        སེམས་ཀྱི་ཉི་ཟླ་ས་ཁུལ་དུ་བྱེའུ་དམར་སྐྱ་ནི་རྒྱུན་མཐོང་མིན་པའི་གཏན་སྡོད་བྱ་རིགས་ཞིག་ཡིན།


   


分享到：QQ空间新浪微博腾讯微博人人网微信