ལོ་སར་ལ་རང་གནས་བརྟན་སྲུང་བྱས་པའི་མིར་བསྟོད་པའི་མཐེ་བོང་བསྒྲེངས།

རྩོམ་པ་པོ།     ཡིག་བསྒྱུར།       དུས་ཚོད།   2021-02-14   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    ལོ་སར་ནི་ཁྱིམ་མི་ལྷན་འཛོམས་བྱུང་ནས་དགའ་དགའ་སྤྲོ་སྤྲོའི་ངང་དུས་ཆེན་རོལ་བའི་བཀྲ་ཤིས་དུས་བཟང་ཞིག་ཡིན་མོད།འོན་ཀྱང་མི་ཁག་གཅིག་གིས་རང་གི་ལས་གནས་སུ་ལས་འགན་ཕྲག་ཏུ་འཁུར་ནས་ལས་གནས་བརྟན་སྲུང་བྱས་ནས།རང་ནུས་ཅི་ལྕོག་སྒོས་ཞབས་ཞུ་གང་ལེགས་བྱེད་བཞིན་ཡོད།ང་ཚོས་ཁོང་ཚོ་ལ་བསྟོད་པའི་མཐེ་བོང་བསྒྲེངས།

    ལོ་སར་རིང་བདེ་ཆེན་ཁུལ་གྱི་དད་ལྡན་མང་ཚོགས་ཀྱིས་མཆོད་འབུལ་མང་བས་ནགས་ཚལ་མེ་ཟོན་དང་དྲིལ་བསྒྲགས་ཀྱི་འགག་རྩའི་དུས་ཚིགས་ཤིག་ཡིན།དཔྱིད་གསར་དུས་ཆེན་རིང་མེ་གསོད་རུ་མི་དང་ནགས་ལས་ཁང་གི་ལས་མི་ནག་ལྕོག་རི་བོ་དང་གྲོང་ཁྱེར་ཉེ་འཁོར་གྱི་ནགས་ཚལ།དགོན་སྡེ་སོགས་སུ་བསྐྱོད་དེ་མེ་སྐྱོན་བྱུང་བར་སྔོན་འགོག་བྱས་པ་རེད།ཁོང་ཚོས་ནང་མི་དང་མཉམ་འཛོམས་བྱ་རྒྱུ་དོར་ནས་སེམས་ཀྱི་ཉི་ཟླའི་མི་དམངས་ཀྱི་བདེ་འཇགས་སྲུང་གི་ཡོད།

    ཡུལ་སྐོར་ལས་རིགས་ནི་དུས་ཆེན་དང་གུང་གསེང་སྐབས་བྲེལ་བ་ཆེ་བའི་ལས་རིགས་ཤིག་ཡིན་པ་དང་།ལྷག་པར་དུ་ཡུལ་སྐོར་ཐོན་ལས་ཁྲོད་ཀྱི་འཐབ་ཕྱོགས་དང་པོའི་ལས་དོན་མི་སྣ་་ནི་དེ་ལས་བྲེལ་བ་ཆེ།དཔྱིད་གསར་དུས་ཆེན་དང་རིམས་ནད་སྔོན་འགོག་ཚོད་འཛིན་གྱི་དུས་བབ་ཛ་དྲག་ཆེ་བའི་དུས་སྐབས་སུ།མཛེས་ལྗོངས་ཁུལ་གྱིས་སྣེ་ལེན་ཞུ་བའི་ཞབས་ཞུའི་ལས་ཀ་ཧ་ཅང་མང་པོ་ཡོད་པ་དང་།སྡེ་ཚན་ཁག་གི་ལས་བཟོ་བ་ཚོས་རང་འགུལ་ངང་ནང་མི་དང་མཉམ་འཛོམས་ཀྱིས་ལོ་གསར་གཏོང་བའི་གོ་སྐབས་དོར་ནས་འཐབ་ཕྱོགས་དང་པོར་འབད་འཐབ་བྱས་ཏེ།ཡུལ་སྐོར་བ་ཚོ་ཞབས་ཞུ་ལེགས་པོ་བྱས་ནས་བདེ་ཞིང་སྐྱིད་པའི་ལོ་གསར་ཞིག་རོལ་ཏུ་བཅུག་པ་རེད།

    རྒྱ་ཆེའི་གྲོང་མི་ཚོར་མཛེས་སྡུག་ལྡན་པའི་དུས་ཆེན་གྱི་ཁོར་ཡུག་ཅིག་གཏོད་ཆེད།དཔྱིད་གསར་དུས་ཆེན་རིང་གྲོང་ཁྱེར་ཡོངས་ཀྱི་མི་དམངས་རྣམས་ནང་མི་མཉམ་འཛོམས་ཀྱིས་ལོ་སར་རོལ་སྐབས་སེམས་ཀྱི་ཉི་ཟླ་གྲོང་ཁུལ་གྱི་ཁོར་ཡུག་གཙང་སྦྲ་པ་300ལྷག་ཙམ་གྱིས་དཔྱིད་གསར་དུས་ཆེན་རིང་ངལ་གསོ་མི་རྒྱག་པར་རང་ཉིད་ཀྱི་ལས་གནས་བརྟན་སྲུང་བྱེད་བཞིན་ཡོད།

    པའོ་ཧོ་གྲོང་བརྡལ་འཕྲོད་བསྟེན་ཁང་གི་ནད་སྡོད་པུའུ་ཡི་སྨན་པ་ལི་ཚུའེ་ཀྲེན་དང་ཞང་ཀུའེ་ཕིང་གཉིས་ཀྱིས་དཔྱིད་གསར་དུས་ཆེན་རིང་ལས་གནས་བརྟན་སྲུང་བྱས་ཏེ་འགན་འཁྲི་དང་ལེགས་སྐྱེས་སུ་ཕུལ་ནས་ནད་པའི་བདེ་ཐང་ལ་སྲུང་སྐྱོབ་བྱེད་བཞིན་ཡོད།

    འབའ་ལུང་རྫོང་འགྲིམ་འགྲུལ་ཉེན་རྟོག་རུ་ཆེན་གྱི་ལས་མི་ལི་པིན་གྱིས ་དཔྱིད་གསར་སྐྱེལ་འདྲེན་རིང་གི་གཞུང་ལམ་འགྲིམ་འགྲུལ་བདེ་འཇགས་དོ་དམ་ལས་དོན་ཏན་ཏིག་ངང་ཡག་པོ་བསྒྲུབ་ཆེད།དཔྱིད་གསར་དུས་ཆེན་རིང་ང་ལས་གནས་སུ་ཡོད་པས།རྒྱ་ཆེའི་མང་ཚོགས་ཚོས་དུས་ཆེན་རིང་འགྲོ་ལམ་ཤར་བགྲོད་བདེ་འཇགས་དང་།གོ་རིམ་ལྡན་པ་བཅས་ཡོང་བའི་འགན་ལེན་བྱས་ནས་མང་ཚོགས་བདེ་འཇགས་ངང་ཁྱིམ་དུ་ལོག་རྒྱུར་ལམ་བུ་དང་འགྲིམ་འགྲུལ་གྱི་ཁོར་ཡུག་བཟང་པོ་ཞིག་གཏོད་རྒྱུ་ཡིན་ཅེས་བཤད།

    དཔྱིད་གསར་དུས་ཆེན་རིང་གི་རིམས་འགོག་དངོས་རྫས་དང་མང་ཚོགས་ཀྱི་འཚོ་བའི་དངོས་རྫས་མཁོ་སྤྲོད་ཤར་གཏོང་ཐུབ་པ་དང་།མང་ཚོགས་ཀྱིས་ལོ་གསར་སྐྱིད་པོ་ཞིག་རོལ་ཐུབ་པའི་ཆེད་དཔྱིད་གསར་དུས་ཆེན་རིང་ཀྲུང་གོ་སྦྲག་སྲིད་ཚོགས་པའི་འབའ་ལུང་ཡན་ལག་ཀུང་སིའི་མྱུར་སྐྱེལ་ལས་རིགས་ཀྱིས་དཔྱིད་གསར་དུས་ཆེན་རིང་ངལ་གསོ་མི་རྒྱག་པར་ལས་གནས་བརྟན་སྲུང་བྱས་ནས་དཔྱིད་གསར་དུས་ཆེན་རིང་སྐུར་སྐྱེལ་ཞབས་ཞུའི་བདེ་འཇགས་དང་།ཤར་བགྲོད།བརྟན་པོ་བཅས་ཡོང་བར་འགན་ལེན་བྱས་པ་རེད།

    ཏཱ་ཐང་བདེ་ཆེན་སེམས་ཀྱི་ཉི་ཟླའི་གློག་ཤུགས་གསར་སྤེལ་ཚད་ཡོད་ཀུང་སི་གློག་ཁང་དང་པོའི་ལས་རེས་མི་སྣས་མཉམ་དུ་གནམ་གང་གི་དགོང་ཟས་ལ་རོལ་བ།ཁོང་ཚོ་མང་ཆེ་བ་ནི་ཡུལ་གཞན་གྱི་མི་ཡིན་པ་དང་ལས་གནས་དགོས་མཁོ་ཆེ་བས་ཁོང་ཚོས་ལས་གནས་བརྟན་སྲུང་བྱ་རྒྱུའི་གདམ་ག་བྱས།


分享到：QQ空间新浪微博腾讯微博人人网微信