བདེ་ཆེན་ཁུལ་གྱིས་གླུ་དང་གར་གྱིས་དྲུག་གཅིག་བྱིས་པའི་དུས་ཆེན་བསུས།

    དྲུག་གཅིག་བྱིས་པའི་དུས་ཆེན་དང་།ཀྲུང་གོ་གུང་ཁྲན་ཏང་དབུ་བརྙེས་ནས་ལོ་འཁོར་100ལོན་པར་དགའ་སྟོན་རྟེན་འབྲེལ་ཞུ་ཆེད། ཉིན་འདི་དག བདེ་ཆེན་ཁུལ་གྱི་སློབ་ཆུང་སོ་སོ་དང་བུ་བཅོལ་ཁང་སོ་སོས་ན་ཆུང་བྱིས་བློ་ཏང་ལ་ཕྱོགས་ཞེས་པ་བརྗོད་གཞི་བྱས་ནས་དྲུག་གཅིག་བྱིས་པའི་དུས་ཆེན་གྱི་རིག་རྩལ་འཁྲབ་སྟོན་ཕུན་སུམ་ཚོགས་པ་སྤེལ་བ་རེད།

བདེ་ཆེན་ཁུལ།

    ཟླ་6པའི་ཚེས་1ཉིན་བདེ་ཆེན་ཁུལ་བུ་བཅོལ་ཁང་གིས་འཛིན་གྲྭ་ཚན་པར་བྱས་ནས་འཛིན་གྲྭ་ཁག་གི་དགེ་རྒན་གྱི་སྣེ་ཁྲིད་འོག་ཕུན་སུམ་ཚོགས་པའི་དྲུག་གཅིག་རྟེན་འབྲེལ་བྱེད་སྒོ་སྒྲིག་འཛུགས་བྱས་ནས་སྤེལ་བ་རེད། འཛིན་གྲྭ་ཁག་ཏུ་ཕྲུ་གུ་ཚོས་བློ་ཁོག་ཆེན་པོས་གར་སྟེགས་ཐོག་ནས་འཁྲབ་སྟོན་དང་གཏམ་བཤད་སོགས་བྱེད་སྒོ་སྣ་མང་སྤེལ་བ་རེད།

སེམས་ཀྱི་ཉི་ཟླ་གྲོང་ཁྱེར།

    ཟླ་5པའི་ཚེས་29ཉིན་གྱི་སྔ་དྲོ། གུང་གཞོན་སྡེ་ཚོགས་བདེ་ཆེན་ཁུལ་ཨུ་དང་བདེ་ཆེན་ཁུལ་ལོ་ཆུང་བྱིས་པའི་ལས་དོན་ཨུ་ལྷན་གྱིས་སེམས་ཀྱི་ཉི་ཟླ་གྲོང་ཨུ་དང་མཉམ་འབྲེལ་བྱས་ནས་རྡོ་མཁར་རྫོང་ཟླ་འོད་ཐང་ཆེན་དུ་སྐེ་དར་དམར་པོ་ཏང་ལ་ཕྱོགས་པ་ཞེས་པའི་བརྗོད་དོན་གཙོ་བོའི་རུ་ཁག་གི་ཉིན་མོའི་བྱེད་སྒོ་དང་གཅིག་སྡུད་ཐོག་རུ་ཁག་ནང་ཞུགས་པའི་མཛད་སྒོ་སྤེལ་བ་རེད། སེམས་ཀྱི་ཉི་ཟླ་གྲོང་ཁུལ་གྱི་སློབ་གྲྭ་6ནས་ཡོང་བའི་ལོ་རིམ་དང་པོའི་སློབ་མ་240གཟི་བརྗིད་ལྡན་པའི་ངང་ལོ་ཆུང་གདོང་ལེན་རུ་ཁག་ནང་ཞུགས་ནས་དམར་མདངས་བཀྲ་བའི་སྐེ་དར་དམར་པོ་བཏགས་པ་རེད།

     ཟླ་5པའི་ཚེས་29ཉིན“དྲུག་གཅིག”བྱིས་པའི་དུས་ཆེན་འཆར་ཉེར་ཡོད་པའི་དུས་སུ་བདེ་ཆེན་ཁུལ་མེ་ཟོན་རོགས་སྐྱོབ་ཡན་ལག་རུ་ཁག་གིས་བདེ་ཆེན་ཁུལ་བྱིས་པའི་ཕན་བདེ་ཁང་དུ“མེ་ལྕེ་སྔོན་པོ་སྲུང་སྐྱོང་བྱས་ནས་བདེ་ཐང་ངང་འཚར་ལོངས་ཡོང་བའི”བཅར་འདྲིའི་བྱེད་སྒོ་སྤེལ་ནས་ཕྲུ་གུ་ཚོར་དུས་ཆེན་གྱི་ལེགས་སྐྱེས་ཕུལ་པ་རེད།

    ཟླ་5པའི་ཚེས་31ཉིན་གྱི་ཕྱི་དྲོ།སེམས་ཀྱི་ཉི་ཟླ་གྲོང་ཁྱེར་མི་རིགས་སློབ་ཆུང་གིས་ན་ཆུང་བྱིས་བློ་ཏང་ལ་ཕྱོགས།ཏང་གི་ལོ་བརྒྱའི་འཁྲུངས་སྐར་བསུ་ཞེས་པ་བརྗོད་དོན་གཙོ་བོར་བྱས་པའི་རྟེན་འབྲེལ་བྱེད་སྒོ་སྤེལ་ནས་2021ལོའི་རྒྱལ་སྤྱིའི་དྲུག་གཅིག་བྱིས་པའི་དུས་ཆེན་ལ་རྟེན་འབྲེལ་ཞུས་པ་དང་ཆབས་ཅིག་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་100འཁོར་བར་རྟེན་འབྲེལ་ཡང་ཞུས་པ་རེད།

    ཟླ5པའི་ཚེས31ཉིན།སེམས་ཀྱི་ཉི་ཟླ་གྲོང་ཁྱེར་རྒྱལ་ཐང་སློབ་ཆུང་གིས་ཀྲུང་གོ་ལོ་ཆུང་གདོང་ལེན་རུ་ཁག་ནང་ཞུགས་པའི་མཛད་སྒོ་སྤེལ་བ་དང་།སློབ་གྲྭ་དེའི་ལོ་རིམ་དང་པོའི་སློབ་མ་70ལོ་ཆུང་གདོང་ལེན་རུ་ཁག་ནང་ཞུགས། རུ་མི་རྣམས་ཀྱིས་རུ་མི་གསར་པར་སྐེ་དར་དམར་པོ་བཏགས་པ་རེད།

    ཟླ5པའི་ཚེས31ཉིན།སེམས་ཀྱི་ཉི་ཟླ་གྲོང་ཁྱེར་བུ་བཅོལ་ཁང་གིས་ན་ཆུང་བྱིས་བློ་ཏང་ལ་ཕྱོགས།ཏང་གི་ལོ་བརྒྱའི་འཁྲུངས་སྐར་བསུ་ཞེས་པ་བརྗོད་དོན་བྱས་པའི་རིག་རྩལ་འཁྲབ་སྟོན་བྱས་ནས་དྲུག་གཅིག་བྱིས་པའི་དུས་ཆེན་རོལ་བ་རེད།

    ཟླ་6པའི་ཚེས་1ཉིན། སེམས་ཀྱི་ཉི་ཟླ་གྲོང་ཁྱེར་ལུའོ་ཅི་ཤང་ལྟེ་བའི་བུ་བཅོལ་ཁང་དུ་སྐེ་དར་དམར་པོ་ཏང་ལ་ཕྱོགས་པ་ཞེས་པའི་རིག་རྩལ་འཁྲབ་སྟོན་བྱས་ནས་དྲུག་གཅིག་བྱིས་པའི་དུས་ཆེན་བསུ་བ་རེད།

    ཟླ6པའི་ཚེས1ཉིན།རྡོ་མཁར་རྫོང་སློབ་ཆུང་གིས་ན་ཆུང་བྱིས་བློ་ཏང་ལ་ཕྱོགས། གསར་བརྗེའི་གཞི་རྒྱུ་རྒྱུན་འཛིན་བྱེད་ཞེས་པའི་རིག་རྩལ་བྱེད་སྒོ་སྤེལ་ཞིང་།གསར་བརྗེའི་གཏམ་རྒྱུད་དང་།སྲོལ་རྒྱུན་རིག་གནས།མི་རིགས་རིག་གནས་བཅས་མཉམ་དུ་མངོན་པར་བྱས་ནས།སློབ་གྲྭ་ཡོངས་ཀྱི་དགེ་སློབ་ཚོས་ཏང་ལ་དགའ་ཞེན་དང་།རྒྱལ་ཁབ་ལ་དགའ་ཞེན།སྤྱི་ཚོགས་རིང་ལུགས་ལ་དགའ་ཞེན་བཅས་བྱེད་པའི་སྤྲོ་སེམས་མངོན་པ་རེད།

འཇོལ་རྫོང་།

     ཟླ6པའི་ཚེས1ཉིན།འཇོལ་རྫོང་སློབ་ཆུང་དང་པོའི་སློབ་མ་ཚོས་གཟབ་མཆོར་ལེགས་པར་སྤྲས་ནས་སྲོལ་རྒྱུན་གྱི་གཞས་དང་།སྐོར་བྲོ།ད་དུང་དེང་རབས་ཀྱི་ཞབས་བྲོ་སོགས་འཁྲབ་ནས་དྲུག་གཅིག་བྱིས་པའི་དུས་ཆེན་དང་གུང་ཁྲན་ཏང་དབུ་བརྙེས་ནས་ལོ་100འཁོར་བར་བསུ་བ་ཞུས་པ་རེད།

འབའ་ལུང་རྫོང་།

     ཟླ་5པའི་ཚེས་31ཉིན་འབའ་ལུང་རྫོང་གི་ལས་རོགས་ཡག་པོའི་བུ་བཅོལ་ཁང་གིས་ཕྲུ་གུ་ཚོས་ལག་ཆེན་གྱིས་ལག་ཆུང་ཁྲིད་པ་ཞེས་པའི་བྱེད་སྒོ་སྤེལ་ནས་དྲུག་གཅིག་བྱིས་པའི་དུས་ཆེན་བསུ་བ་རེད།

    ཟླ་6པའི་ཚེས་1ཉིན་པའོ་ཧོ་གྲོང་རྡལ་ཆ་ཚང་སློབ་ཆུང་ལོ་རིམ་ལྔ་པའི་འཛིན་གྲྭ་གསུམ་པའི་སློབ་གྲོགས་ཚོས་བྱིས་པའི་སེམས་པ་ཏང་ལ་བཅངས།ལོ་བརྒྱའི་བརྗིད་ཉམས་ལ་བསྟོད་བསྔགས་འབུལ་ཞེས་པའི་གསུང་རབ་ཀྱི་དཔེ་ཀློག་བྱེད་སྒོ་སྤེལ་བ་དང་།སློབ་གྲོགས་ཚོས་དཔའ་སྟོབས་ཀྱིས་ཁེངས་པའི་ངང་བསྔགས་བརྗོད་བྱས་པ་བརྒྱུད་ཚང་མར་ཀྲུང་གོ་གུང་ཁྲན་ཏང་མིས་དཀའ་སྤྱད་འབད་བརྩོན་བྱས་པའི་མི་སེམས་འགུལ་བའི་གཏམ་རྒྱུད་ལ་རྒྱུས་ལོན་ཡག་པོ་བྱས་པ་རེད།