འཇོལ་རྫོང་གིས་མཛེས་པ་ལྔའི་སྤུས་ལྡན་རྫོང་བསྐྲུན་པ།

 འཇོལ་རྫོང་གིས་རྗེས་ཕྱོགས་ཀྱི་ལོ་ལྔའི་རིང་གི་འཕེལ་རྒྱས་ཀྱི་འཆར་གཞི་བཀོད་ཅིང་། དེས་ཞི་མཐུན་གྱི་མཛེས་པ་དང་། བདེ་སྐྱིད་ཀྱི་མཛེས་པ། ཐོན་ལས་ཀྱི་མཛེས་པ། མི་ཆོས་ཀྱི་མཛེས་པ།  ལྗང་མདོག་གི་མཛེས་པ་བཅས་ལྡན་པའི་མཛེས་ལྔ་འཇོལ་རྫོང་འཆར་གཞི་བཀོད་པ་རེད།

    འཇོལ་རྫོང་གི་ཞི་མཐུན་གྱི་མཛེས་པ་མངོན་པར་བྱས་ཏེ། སྤྱི་ཚོགས་བརྟན་ལྷིང་དང་ཡུན་རིང་བདེ་འཁོད་དེ་འཇོལ་རྫོང་ལས་དོན་ལ་སྤྱི་འདོམས་བྱེད་པའི་སྤྱིའི་རྩ་འཛིན་དུ་བརྩི་རྒྱུ་དང་མཐའ་འཁྱོངས་ཀྱིས་ཏང་གིས་བརྟན་ལྷིང་སྲུང་སྐྱོང་ལས་དོན་ལ་འགོ་ཁྲིད་བྱ་རྒྱུར་ཕྱོགས་ཡོངས་ནས་ཤུགས་སྣོན་བརྒྱབ་སྟེ་སྤྱི་ཚོགས་ཀྱི་སྤྱི་ཡོངས་ཞི་མཐུན་བརྟན་ལྷིང་ཡོང་བར་འགན་ལེན་བྱས།

    འཇོལ་རྫོང་གི་བདེ་སྐྱིད་ཀྱི་མཛེས་པ་མངོན་པར་བྱས་ཏེ། དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་གཏོང་རྒྱུ་དེ་གྲོང་གསེབ་དར་རྒྱས་དང་སྦྲེལ་མཐུད་ནུས་ལྡན་བྱ་རྒྱུར་སྐུལ་འདེད་གཏོང་བ། སྟབས་བདེ་སྤུས་ལེགས་དང་ནང་ཤར་གཏོང་ཐུབ་པའི་ལངས་གཟུགས་འགྲིམ་འགྲུལ་མ་ལག་གཏོད་རྒྱུ། མི་35000ཡི་འཐུང་ཆུའི་སྤུས་ཚད་མཐོ་རུ་གཏོང་བ་དང་ཕྱུགས་རིགས་མགོ་གྲངས་27300ཡི་འཐུང་ཆུའི་གནད་དོན་ཐག་གཅོད་ཐུབ་པ་བྱ་རྒྱུ་ཡིན་པ་རེད། གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་རྒན་གསོའི་འགན་བཅོལ་ནང་ཞུགས་ཚད་99%ཡན་ཟིན་པ་དང་གཞི་རྩའི་སྨན་བཅོས་འགན་བཅོལ་ནང་ཞུགས་ཚད་100%ཟིན་དགོས་པ། རྫོང་མཁར་གསར་པ་དེ་ཁྱད་ཆོས་ལྡན་པའི་གསར་དར་གནས་སྡོད་དང་འཚམ་པའི་རྫོང་མཁར་ཞིག་ཏུ་འགྱུར་བར་བརྩོན་ལེན་བྱ་རྒྱུ་རེད།

    འཇོལ་རྫོང་གི་ཐོན་ལས་ཀྱི་མཛེས་པ་མངོན་པར་བྱས་ཏེ། 2025ལོར་སྤུས་ལེགས་རི་རྐེད་མགྲོན་ཁང་15ཡན་དང་སྤུས་ལེགས་དམངས་སྡོད་ཁང་15ཡན་སྐར་ལྔའི་རིམ་པའམ་ཡང་ན་ཆུ་ཚད་ངེས་ཅན་ལྡན་པའི་མགྲོན་ཁང་1བཅས་འཛུགས་སྐྲུན་བྱ་རྒྱུའི་བརྩོན་ལེན་བྱ་ལ། མངོན་མིན་པའི་ཞིབ་བཤེར་རྣམ་གྲངས་ཁག་གཅིག་སྔོག་འདོན་བྱས་ནས་མི་རིགས་རིག་གནས་རྒྱུན་འཛིན་དང་སྲུང་སྐྱོང་བྱེད་ཤུགས་ཆེ་རུ་གཏོང་བ་དང་རིག་གནས་ལུའེ་ཡི་བརྗོད་བྱ་གཙོ་བོའི་གྲོང་གསེབ་དང་ཡུལ་སྐོར་ཁྱད་ལྡན་གྲོང་ཚོ་གསར་སྤེལ་བྱས་ཏེ་མི་རིགས་རིག་གནས་སྣོད་བཅུད་ཅན་རྒྱུན་འཛིན་དང་བེད་སྤྱོད་ཐུབ་པ་རྒྱུ། རིག་གནས་དུས་ཆེན་ལ་རྟེན་འབྲེལ་ཞུ་བའི་ཡུལ་སྐོར་སྤུས་དག་ཁག་གཅིག་བཏོན་ནས་ལྗང་མདོག་སྐྱེ་ལྡན་ས་མཐོའི་ཁྱད་ལྡན་ཐོན་ལས་འཛུགས་སྐྲུན་དང་། འཇོལ་རྫོང་རྒུན་འབྲུམ་གྱིས་གཙོ་ཁྲིད་བྱེད་པའི་ཡུན་ནན་ཞིང་ཆེན་གྱི་རྫོང་གཅིག་དང་ལས་རིགས་གཅིག་གི་དཔེ་སྟོན་རྫོང་ཞིག་ཏུ་བསྐྲུན་རྒྱུ། འཇོལ་རྫོང་འདི་ཉིད་བདེ་ཆེན་ལྗང་མདོག་ཆུ་གློག་ཐོན་ལས་ཀྱི་ས་མཐོ་དང་ཡུན་ནན་ཞིང་ཆེན་གྱི་དྭངས་གཙང་ནུས་རྒྱུའི་རྟེན་གཞི་གལ་ཆེན་ཞིག་ཏུ་འཛུགས་སྐྲུན་བྱ་རྒྱུའི་བརྩོན་བྱ་རྒྱུ་ཡིན་པ་རེད།

    འཇོལ་རྫོང་གི་མི་ཆོས་ཀྱི་མཛེས་པ་མངོན་པར་བྱས་ཏེ་མི་རིགས་མཐུན་སྒྲིལ་ལས་དོན་གྱི་བརྗོད་བྱ་གཙོ་བོ་ཁོང་དུ་བརྟན་པོ་ཆུད་པ་བྱས་ནས་རིག་གནས་བྱ་གཞག་འཕེལ་རྒྱས་ཤུགས་ཆེན་གཏོང་ནས། གློག་བརྙན་ཡག་པོ་ཞིག་པར་ལེན་དང་། དཔེ་དེབ་ཡག་པོ་འགའ་ཞིག་པར་སྐྲུན་བྱ་བ། གླུ་གཞས་ཡག་པོ་སྐོར་ཞིག་གསར་རྩོམ་བཅས་ནང་དོན་གཙོ་བོར་བྱས་པའི་རིག་གནས་སྤུས་དག་ལས་གྲྭ་ལག་བསྟར་ཡག་པོ་བྱ་རྒྱུ་རེད།

    འཇོལ་རྫོང་གི་ལྗང་མདོག་གི་མཛེས་པ་མངོན་པར་བྱས་ཏེ། རྒྱལ་ཁོངས་རི་ཀླུང་སྔོ་ལྗང་ཅན་དུ་འགྱུར་བ་དང་། ནགས་ཚལ་གསོ་སྐྱོང་། ཕན་ནུས་ཆུང་བའི་ནགས་ཚལ་བསྒྱུར་བཀོད། གདོང་རི་སྔོ་ལྗང་ཅན་དུ་འགྱུར་བ་སོགས་ནགས་ལས་ཀྱི་གཙོ་གནད་ལས་གྲྭ་ལག་བསྟར་བྱེད་པ། ཆུ་བོ་(་མཚེའུ་)་རིང་ལུགས་ཀྱི་ལས་ཀ་གཏིང་ཟབ་ཏུ་སྤེལ་བ། འབྲི་ཆུའི་ལོ་བཅུའི་རིང་ཉ་འཛིན་མི་ཆོག་པའི་འཆར་གཞི་དོན་འཁྱོལ་བྱེད་པ། ནགས་ཚལ་གྲོང་ཁྱེར་དང་ནགས་ཚལ་གྲོང་གསེབ་འཛུགས་སྐྲུན་དང་གྲོང་གསེབ་ཀྱི་སྔོ་ལྗང་མཛེས་སྣོན་བྱ་སྤྱོད་སོགས་ཀྱི་ལས་གྲྭ གཙང་གསུམ་མཉམ་རྒྱུག་འཛམ་གླིང་རང་བྱུང་ཤུལ་བཞག་ཁུལ་གྱི་སྣོད་བཅུད་ལ་གནོད་འཚེ་ཕོག་པའི་ས་ཁོངས་ཀྱི་སྣོད་བཅུད་སླར་གསོ་དང་མཐོངས་ཡངས་གཏེར་རིའི་སྣོད་བཅུད་སླར་གསོའི་ལས་གྲྭ་བཅོས་སྒྲིག་ལས་དོན་སྤེལ་བ་རེད། 2025ལོར་རང་བྱུང་ནགས་ཚལ་དོ་དམ་སྲུང་སྐྱོང་རྒྱ་ཁྱོན་མུའུ་ཁྲི་854.18ལེགས་གྲུབ་བྱུང་བ་དང་། ནགས་ཚལ་གསོ་སྐྱོང་མུའུ་ཁྲི་25དང་། རི་རྒྱ་བསྡམས་ནས་ནགས་གསོ་མུའུ་ཁྲི་50དང་། ཕན་ནུས་ཆུང་བའི་ནགས་ཚལ་བསྒྱུར་བཀོད་མུའུ་ཁྲི་5དང་། རྫས་འགྱུར་ནགས་ཚལ་སླར་གསོ་མུའུ་ཁྲི་2.5དང་། རྩྭ་ཐང་སྐྱེ་ཁམས་སླར་གསོའི་ལས་གྲྭ་མུའུ་ཁྲི་15ལེགས་གྲུབ་བྱུང་བ་རྒྱུ་རེད།