ཡུས་ཧྲུའུ་བོད་རིགས་རང་སྐྱོང་ཁུལ་བཙུགས་ནས་ལོ༧༠འཁོར་བའི་མཛད་སྒོ།

  ཀྲུང་གོ་གུང་ཁྲན་ཏང་བཙུགས་ནས་ལོ་འཁོར100ལོན་པའི་རླབས་ཆེན་གྱི་དུས་སྐབས་དང་། རྩྭ་ཐང་གི་ཆེས་མཛེས་སྡུག་ལྡན་པའི་དུས་ཚིགས་སུ་ཡུས་ཧྲུའུ་བོད་རིགས་རང་སྐྱོང་ཁུལ་གྱི་རིགས་སོ་སོའི་ལས་བྱེད་པ་དང་མང་ཚོགས་ཁྲི42ལྷག“གཙང་གསུམ་མགོ་ཁུངས་དང་དྭངས་གཙང་གི་ཡུས་ཧྲུའུ”རུ་འཛོམས་ནས། ཡུས་ཧྲུའུ་བོད་རིགས་རང་སྐྱོང་ཁུལ་བཙུགས་ནས་ལོ་འཁོར70ལོན་པར་དགའ་སྟོན་རྟེན་འབྲེལ་ཞུས། ཡུས་ཧྲུའུ་བོད་རིགས་རང་སྐྱོང་ཁུལ་གྲོང་ཁྱེར་གཅིག་དང་རྫོང་ལྔ་ནས་ཡོང་བའི་ཁམས་པའི་ཕོ་སར་དང་སྨན་ཤར3000གིས་གྲུབ་པའི་རུ་སྟར་གྲུ་བཞི37གྱིས་ཡུས་ཧྲུའུ་ས་ཡོམ་རྗེས་ཤུལ་དྲན་གསོ་ཁང་ནས་མགོ་བརྩམས་ཏེ་དར་དམར་སློབ་ཆུང་བར་སྐོར་སྐྱོད་འཁྲབ་སྟོན་བྱས།

      རྟེན་འབྲེལ་ཞུ་བའི་ཚོགས་ཆེན་དེ་ཟླ8པའི་ཚེས4ཉིན། ཡུས་ཧྲུའུ་གྲོང་ཁྱེར་བྱ་ཆུ་ཁོག་རྟ་རྒྱུག་ར་བ་ནས་གཟབ་རྒྱས་ངང་འཚོགས།  ཕྱོགས་བཞི་མཚམས་བརྒྱད་ནས་ཡོང་བའི་རིགས་སོ་སོའི་མང་ཚོགས་དང་ཡུལ་སྐོར་བ་དག་ཡུས་ཧྲུའུ་གྲོང་ཁྱེར་བྱ་ཆུ་ཁོག་རྟ་རྒྱུག་ར་བར་མཉམ་གཅིག་ཏུ་འཛོམས་ནས། མིག་གི་ལོངས་སྤྱོད་དུ་གྱུར་བའི་མི་རིགས་ཀྱི་རིག་རྩལ་འཁྲབ་སྟོན་གྱ་ནོམ་པ་ཞིག་ཉམས་སུ་མྱངས། །