རང་ཁུལ་གྱིས་2021ལོའི་བརྟན་ལྷིང་སྲུང་སྐྱོང་ལས་དོན་ཚོགས་འདུ་ཐེངས་དྲུག་པ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2021-08-11   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཟླ་8པའི་ཚེས་3ཉིན་ཁུལ་ཡོངས་ཀྱི་བརྟན་བརླིང་དམ་འཛིན་དང་རིམས་ནད་སྔོན་འགོག དབུལ་སྒྲོལ་བརྟན་གཏོང་། མཐུན་སྒྲིལ་ལ་སྐུལ་འདེད་གཏོང་བའི་ཆེད་དོན་བྱེད་སྒོའི་ཕྱོགས་སྡོམ་དང་2021ལོའི་བརྟན་བརླིང་སྲུང་སྐྱོང་ལས་དོན་ཚོགས་འདུ་ཐེངས་དྲུག་པ་འཚོགས་པ་རེད། ཚོགས་འདུའི་ཐོག་ཁུལ་ཡོངས་ཀྱི་གོང་འོག་ཚང་མས་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱེད་པ་དང་།སེམས་ཁྲལ་གྱི་འདུ་ཤེས་ཟབ་ཏུ་གཏོང་བ།ཉེན་ཁ་དང་མི་མངོན་པའི་རྐྱེན་ངན་ལ་དམ་པོར་དམིགས་པ་བཅས་བྱས་ཏེ“དང་པོ་ལྔའི”ལམ་སྲོལ་འགན་ལེན་དུ་བྱས་ནས་བྱ་ཐབས་ནུས་ལྡན་སྤྱད་དེ་སྤྱི་ཚོགས་ཀྱི་སྤྱི་ཡོངས་རྒྱུན་མཐུད་བརྟན་ལྷིང་ལ་འགན་ལེན་བྱེད་དགོས་པའི་ནན་བཤད་གནང་བ། 

    ཚོགས་འདུ་མ་འཚོགས་གོང་ཁུལ་ཨུའི་ཧྲུའུ་ཅི་ཝང་དབྱི་ཀྲི་དང་ཁུལ་ཨུའི་ཧྲུའུ་ཅི་གཞོན་པ་ཕུང་ཧྲན་སོགས་འགོ་ཁྲིད་སྔ་རྗེས་སུ་སེམས་ཀྱི་ཉི་ཟླ་གྲོང་ཁྱེར་ཉི་ཤར་ཤང་དང་འཇོལ་རྫོང་ཀོང་རྩེད་ར་གྲོང་རྡལ་དུ་བརྟན་ལྷིང་དམ་འཛིན་དང་རིམས་ནད་སྔོན་འགོག དབུལ་སྒྲོལ་བརྟན་གཏོང་། མཐུན་སྒྲིལ་ལ་སྐུལ་འདེད་གཏོང་བའི་ཆེད་དོན་བྱེད་སྒོ་དང་ཁ་ཕྲལ་ལ་ངོ་རྒོལ་དང་སིམ་འཛུལ་ལ་ངོ་རྒོལ་བྱེད་པའི་འཐབ་རྩོད་སློབ་སྦྱོང་དང་སྒྲོག་འགྲེལ་ལས་དོན་སྤེལ་ཚུལ་ལ་ཡུལ་དངོས་སུ་བརྟག་ཞིབ་བྱས་པ་རེད།

ཉིན་དེའི་ཕྱི་དྲོ། ཁུལ་ཡོངས་ཀྱིས་བརྟན་ལྷིང་དམ་འཛིན་དང་རིམས་ནད་སྔོན་འགོག དབུལ་སྒྲོལ་བརྟན་གཏོང་། མཐུན་སྒྲིལ་ལ་སྐུལ་འདེད་གཏོང་བའི་ཆེད་དོན་བྱེད་སྒོའི་ཕྱོགས་སྡོམ་དང་2021ལོའི་བརྟན་བརླིང་སྲུང་སྐྱོང་ལས་དོན་ཚོགས་འདུ་ཐེངས་དྲུག་པ་དེ་བརྙན་ལམ་ཚོགས་འདུའི་ཐོག་ནས་ཤང（གྲོང་རྡལ）རིམ་པའི་བར་འཚོགས་ཤིང་  ཝང་དབྱི་ཀྲི་སོགས་འགོ་ཁྲིད་ཀྱིས་ཀོང་རྩེད་ར་གྲོང་རྡལ་དུ་ཚོགས་འདུར་ཞུགས་པ་རེད། ཝང་དབྱི་ཀྲི་ཡིས་ཁུལ་ཡོངས་ཀྱིས་བརྟན་ལྷིང་དམ་འཛིན་དང་རིམས་ནད་སྔོན་འགོག དབུལ་སྒྲོལ་བརྟན་གཏོང་།

    མཐུན་སྒྲིལ་ལ་སྐུལ་འདེད་གཏོང་བའི་ཆེད་དོན་བྱེད་སྒོ་སྤེལ་ཚུན་རིམ་པ་ཁག་གི་སྡེ་ཚན་དང་རྒྱ་ཆེའི་དགོན་སྡེར་བཅའ་སྡོད་ལས་དོན་རུ་མིས་གོ་རིམ་ལྡན་པའི་ངང་གཙོ་གནད་ལས་དོན་ཁག་ལ་སྐུལ་འདེད་བཏང་བས་ཁུལ་ཡོངས་ཀྱིས་མི་རིགས་མཐུན་སྒྲིལ་དང་།སྤྱི་ཚོགས་བརྟན་ལྷིང་།ཆོས་ལུགས་ཞི་མཐུན་བཅས་ཀྱི་རྣམ་པ་བཟང་པོ་མུ་མཐུད་རྒྱུན་འཁྱོངས་ཐུབ་ཡོད། ཁུལ་ཡོངས་ཀྱི་གོང་འོག་ཚང་མས་ཆབ་སྲིད་ཀྱི་མཐོ་ཚད་དང་ཁྱོན་ཡོངས་ཀྱི་ཟུར་ཚད་ཐོག་ནས་ཁ་ཕྲལ་ལ་ངོ་རྒོལ་དང་སིམ་འཛུལ་ལ་ངོ་རྒོལ་བྱེད་པའི་འཐབ་རྩོད་ཀྱི་གསོ་སྦྱོང་དང་སྒྲོག་འགྲེལ་ལས་དོན་གཏིང་ཟབ་སྤེལ་བའི་གལ་ཆེའི་དོན་སྙིང་ལ་གོ་བ་གཏིང་ཟབ་ལེན་དགོས་པ་དང་། རྫོང（གྲོང་ཁྱེར）དང་གསར་སྤེལ་ཆུས་ཀྱིས་ཁོངས་གཏོགས་ཀྱི་འགན་འཁྲི་ཏན་ཏིག་སྒྲུབ་པ་དང་ཁྱོན་ཡོངས་དང་བརྒྱུད་རིམ་ལྡན་པའི་སྒོ་ནས་ཞིབ་འཇུག་བྱ་རྒྱུར་ཤུགས་སྣོན་བརྒྱབ་ནས་གཞི་རིམ་གྱི་ལས་བྱེད་པ་དང་མང་ཚོགས་ལ་ཕྱོགས་པའི་སྒྲོག་འགྲེལ་གྱི་དམིགས་སའི་རང་བཞིན་དང་ནུས་ལྡན་རང་བཞིན་ཆེ་རུ་ཏན་ཏིག་གཏོང་དགོས་ཞེས་བསྟན་པ་རེད། 

    ཝང་དབྱི་ཀྲི་ཡིས་རིམ་པ་ཁག་དང་སྡེ་ཚན་ཁག་གིས་“དང་པོ་ལྔ་”ཡི་ལམ་སྲོལ་ལ་བརྟེན་ནས་འགན་འཁྲི་ནན་འཛིན་དང་ལས་ཀར་སྐུལ་འདེད། དོན་འཁྱོལ་འགན་སྲུང་བཅས་བྱས་ཏེ། ཁུལ་ཡོངས་ཀྱི་གོང་འོག་ཚང་མས་སེམས་ཁྲལ་གྱི་འདུ་ཤེས་སྔར་བས་ཆེ་རུ་གཏོང་བ་དང་། ཉེན་ཁའི་མངོན་མེད་རྐྱེན་ངན་ལ་དམ་པོར་དམིགས་པ།རྒྱལ་ཁབ་ཀྱི་ཆབ་སྲིད་བདེ་འཇགས་ལ་སྲུང་སྐྱོང་ཤུགས་ཆེན་བྱེད་པ།སྤྱི་ཚོགས་ཁྱབ་ཁོངས་ཀྱི་བདེ་འཇགས་ལ་སྲུང་སྐྱོང་ཤུགས་ཆེན་བྱེད་པ།ཆོས་ལུགས་ཁྱབ་ཁོངས་ཀྱི་དོ་དམ་ཞབས་ཞུ་ཡག་པོ་སྒྲུབ་པ། དྲ་རྒྱའི་བདེ་འཇགས་ལ་སྲུང་སྐྱོང་ནུས་ལྡན་བྱེད་པ།གླེང་ཕྱོགས་ཀྱི་ལྟ་སྐུལ་དོ་དམ་དང་།ཞིབ་འཇུག་ཐག་གཅོད། ཁ་གཏད་འཇལ་བ།ཐག་གཅོད་བཅས་ལ་ཤུགས་སྣོན་རྒྱག་པ་བཅས་བྱས་ནས་བརྟན་ལྷིང་སྲུང་སྐྱོང་དཔུང་ཁག་འཛུགས་སྐྱོང་ལ་ཤུགས་སྣོན་རྒྱག་དགོས། གཞན་ཡང་རིམ་པ་ཁག་གི་སྡེ་ཚན་ཁག་གིས་ཕྱིའི་ནང་འདྲེན་དང་ནང་གི་བློ་ཡུལ་ལས་འདས་པའི་དོན་རྐྱེན་སྔོན་འགོག་གི་བླང་བྱ་ལྟར་རྒྱུན་རྣམ་ཅན་གྱི་རིམས་ནད་སྔོན་འགོག་ཚོད་འཛིན་ཡག་པོ་བྱེད་དགོས། དུས་མཚུངས་སུ།ཉེན་མེད་ཐོན་སྐྱེད་དང་།གནོད་འགོག་གནོད་སེལ་སོགས་ཀྱི་ལས་ཀ་ཁག་གཅིག་གྱུར་གྱིས་འཆར་འགོད་ཡག་པོ་བྱ་དགོས་ཞེས་ནན་གྱིས་བསྟན། 

    ཕེང་ཧྲན་གྱིས་ཚོགས་འདུ་གཙོ་སྐྱོང་གནང་སྐབས་ཚོགས་འདུའི་དགོངས་དོན་ལག་བསྟར་དོན་འཁྱོལ་བྱ་རྒྱུའི་ཐད་བླང་བྱ་བཏོན་པ་རེད། ཚོགས་འདུའི་ཐོག་རྫོང（གྲོང་ཁྱེར）གསུམ་དང་གསར་སྤེལ་ཆུས་ཀྱིས་ད་དུང་ལས་དོན་སྙན་ཞུ་བྱས་པ་རེད།                                 （པདྨ་མཚོས་བསྒྱུར།）


分享到：QQ空间新浪微博腾讯微博人人网微信