ཁུལ་ཨུའི་སྐབས་བརྒྱད་པའི་རྒྱུན་ལས་གྲོས་ཚོགས་ཐེངས་142པ་འཚོགས་པ།

རྩོམ་པ་པོ།     ཡིག་བསྒྱུར།       དུས་ཚོད།   2021-08-11   རྩོམ་ཁུངས།    སེམས་ཀྱི་ཉི་ཟླ་བོད་ཡིག་དྲ་བ།

    སེམས་ཀྱི་ཉི་ཟླ་བོད་ཡིག་དྲ་བའི་འཕྲིན། ཟླ་8པའི་ཚེས་5ཉིན།  ཁུལ་ཨུའི་སྐབས་བརྒྱད་པའི་རྒྱུན་ལས་གྲོས་ཚོགས་ཐེངས་142པ་འཚོགས་པ་རེད།  

གྲོས་ཚོགས་ཐོག་ཉེ་དུས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་མཛུབ་སྟོན་དགོངས་དོན་དང་།  ཞིང་ཨུ་དང་ཞིང་ཆེན་སྲིད་གཞུང་གི་འབྲེལ་ཡོད་ཚོགས་འདུའི་དགོངས་དོན་སློབ་སྦྱོང་དང་བརྒྱུད་བསྒྲགས་བྱས་པ་དང་ མང་ཚོགས་དང་ཐོན་རྩ་འཛུགས་ཀྱི་ལོ་སྟོད་ཀྱི་ལས་ཀའི་སྙན་སེང་ཉན་པ་མ་ཟད་འབྲེལ་ཡོད་དོན་ཚན་ཞིབ་འཇུག་བྱས་པ།

    ཁུལ་ཨུའི་ཧྲུའུ་ཅི་ཝང་དབྱི་ཀྲི་ཡིས་གྲོས་ཚོགས་གཙོ་སྐྱོང་གནང་བ་དང་།  ཆི་ཅན་ཞིན་དང་ཕེང་ཧྲན།    ལི་ཡན་ལན།  དབྱང་ཙི་ཅང་།  མིའོ་ཡིའུ་ཧྥ།  ལི་ཅ་ཁུན།  ཞུས་ཕེང་ཧྲེང་།  ཝང་ཝེན་ཅ།       ཅི་ཞིང་ཅང་།      ཁྲེན་ཆུན་སོགས་འགོ་ཁྲིད་གྲོས་ཚོགས་སུ་ཞུགས།

    གྲོས་ཚོགས་ཐོག་བསྟན་དོན། ཁུལ་ཡོངས་རིམ་པ་ཁག་དང་སྡེ་ཚན་ཁག་གིས་མིག་སྔའི་དཔལ་འབྱོར་གནས་བབ་ལ་ངོས་འཛིན་ཡང་དག་བྱ་དགོས་པ་དང་།     དངོས་གནས་ཀྱིས་བསམ་བློ་དང་བྱ་སྤྱོད་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་མིག་སྔའི་དཔལ་འབྱོར་གནས་བབ་སྐོར་གྱི་དབྱེ་ཞིབ་བརྡར་གཅོད་དང་ཇུས་ཆོད་བཀོད་སྒྲིག་ཐོག་གཅིག་འགྱུར་བྱ་དགོས་ལ།  ཞི་ཅིན་ཕིང་གི་དཔལ་འབྱོར་དགོངས་པ་དེ་ཁུལ་ཡོངས་དཔལ་འབྱོར་ལས་ཀའི་བརྒྱུད་རིམ་ཧྲིལ་པོ་དང་ཕྱོགས་གང་ཅིའི་ཐད་ཁྱབ་དགོས།  ཕྱོགས་ཡོངས་ནས་ཞིང་ཨུའི་སྐབས་བཅུ་པའི་ཚང་འཛོམས་གྲོས་ཚོགས་ཐེངས་བཅུ་གཉིས་པ་དང་ཞིང་ཆེན་ཡོངས་ཀྱི་ཁུལ་དང་གྲོང་ཁྱེར་ཁག་གི་དཔལ་འབྱོར་ལས་དོན་སྐོར་གྱི་སྙན་ཞུའི་ཚོགས་འདུའི་ཐོག་གི་བཀོད་སྒྲིག་དང་བླང་བྱ་ལག་བསྟར་བྱ་དགོས་པ་དང་། འཕེལ་རྒྱས་དང་བདེ་འཇགས།  རིམས་ནད་སྔོན་འགོག་ཚོད་འཛིན་དང་དཔལ་འབྱོར་སྤྱི་ཚོགས་འཕེལ་རྒྱས་སོགས་ཀྱི་ལས་ཀ་གཅིག་གྱུར་འཆར་འགོད་ཡག་པོ་བྱ་དགོས།  མུ་མཐུད་དུ་བརྟན་ལྷིང་དྲུག་ཞེས་པ་དང་། འགན་ལེན་དྲུག་ཞེས་པའི་ལས་ཀར་དམ་འཛིན་ཡག་པོ་བྱ་དགོས་པ་དང་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཏན་ཏིག་གཏོང་དགོས།

    གྲོས་ཚོགས་ཐོག་ནན་བཤད་བྱས་དོན།  ཁུལ་ཡོངས་རིམ་པ་ཁག་དང་སྡེ་ཚན་ཁག  རིམ་པ་ཁག་གི་འགོ་ཁྲིད་དང་ལས་བྱེད་པ་དག་གིས་འཕེལ་རྒྱས་ལ་དམ་འཛིན་བྱེད་པར་ངེས་པར་དུ་ཐོན་ལས་ལ་དམ་འཛིན་བྱེད་དགོས་པའི་བསམ་བློ་ལ་ཤུགས་སྣོན་རྒྱག་དགོས་པ་དང་།  རིམ་པ་ཁག་གི་འགོ་ཁྲིད་ལས་བྱེད་པ་ཁྱད་པར་དུ་གཙོ་འགན་འཁུར་མཁན་གྱིས་འགན་འཁུར་ཕོད་དགོས་པ་དང་ལས་ཀ་བྱེད་ཕོད་དགོས་ལ། ནུས་ཤུགས་ཡོད་རྒུས་རྣམ་གྲངས་འཛུགས་སྐྲུན་ཁྲོད་ཀྱི་འཇུར་མིག་དང་འགོག་རྐྱེན་སེལ་དགོས།

གྲོས་ཚོགས་ཐོག་ནན་བཤད་བྱས་དོན། ཁུལ་ཡོངས་རིམ་པ་ཁག་དང་སྡེ་ཚན་ཁག་གིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་ལྗོངས་སུ་བརྟག་ཞིབ་གནང་སྐབས་ཀྱི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་གོ་བ་གཏིང་ཟབ་ལེན་དགོས་པ་དང་།  རྒྱུན་མི་ཆད་པར་དུས་རབས་གསར་པའི་བདེ་ཆེན་འདི་ཉིད་ཡུན་རིང་བདེ་འགོད་དང་སྤུད་ཚད་མཐོ་བའི་འཕེལ་རྒྱས་ཀྱི་རྣམ་པ་གསར་པ་གཏོད་དགོས།

    བློ་བརྟན་འགྱུར་མེད་ཀྱིས་བརྟན་ལྷིང་སྲུང་སྐྱོང་དང་ལོག་སྤྱོད་ཁ་ཕྲལ་གྱི་ལས་དོན་ཞིབ་ཚགས་དང་ཏན་ཏིག་ཏུ་གཏོང་དགོས།  ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་གཙོ་ཐིག་དམ་པོར་བཟུང་ནས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་མགྱོགས་སུ་གཏོང་དགོས།  རི་སྔོན་ཆུ་དྭངས་ནི་གསེར་རི་དངུལ་རི་ལས་ལྷག ས་གཞི་དར་ཆགས་རི་ཀླུང་ཁ་བས་གཡོགས་ནའང་གསེར་རི་དངུལ་རི་ལས་ལྷག་ཞེས་པའི་འདུ་ཤེས་བརྟན་པོར་འཛུགས་སྐྲུན་བྱེད་དགོས། ཐོག་མཐའ་བར་གསུམ་དུ་མི་དམངས་ལྟེ་གནས་སུ་བྱེད་པའི་འཕེལ་རྒྱས་བསམ་བློ་རྒྱུན་འཁྱོངས་བྱེད་དགོས།  རླབས་ཆེན་གྱི་ཏང་དབུ་བརྙེས་བྱས་པའི་སྙིང་སྟོབས་ཀྱིས་ཏང་གཤིས་བློ་སྦྱོང་གསོ་སྐྱོང་བྱས་ནས་ཏང་གི་ལོ་རྒྱུས་སློབ་སྦྱོང་སློབ་གསོ་གཏིང་ཟབ་ཕྱོགས་སུ་འཕེལ་རྒྱས་ལ་སྐུལ་འདེད་གཏོང་དགོས།

    གྲོས་ཚོགས་ཐོག་《ཀྲུང་གུང་བདེ་ཆེན་ཁུལ་ཨུའི་ཞིང་ཨུ་དང་ཞིང་ཆེན་སྲིད་གཞུང་གི་བདེ་ཆེན་ཡུལ་དངོས་གཞུང་སྒྲུབ་ཚོགས་འདུའི་དགོངས་དོན་ལག་བསྟར་དོན་འཁྱོལ་གཏིང་ཟབ་བཏང་ནས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་ཚད་གཞི་དང་འཛམ་གླིང་གི་སེམས་ཀྱི་ཉི་ཟླ་ཞེས་པར་ཧུར་བརྩོན་གྱིས་འགྱུར་བར་སྐོར་གྱི་ཆོད་དོན་》དང་《བདེ་ཆེན་ཁུལ་གྱིས་མི་རིགས་མཐུན་སྒྲིལ་ཡར་ཐོན་དཔེ་སྟོན་ཁུལ་གྱི་ཚད་གཞི་འཛུགས་སྐྲུན་བྱེད་པར་སྐོར་གྱི་ལག་བསྟར་བསམ་འཆར།》  《བདེ་ཆེན་ཁུལ་གྱིས་འཛམ་གླིང་གི་སེམས་ཀྱི་ཉི་ཟླ་ཞེས་པར་བཞེངས་སྐྲུན་བྱེད་པའི་སྐོར་གྱི་ལག་བསྟར་བསམ་འཆར》《བདེ་ཆེན་ཁུལ་གྱི་རྒྱལ་སྲུང་ཁྱབ་ཁོངས་ཀྱི་ནོར་སྲིད་དོན་གཅོད་དབང་ཆ་དང་གཏོང་སྒོའི་འགན་འཁྲི་དབྱེ་འབྱེད་བསྒྱུར་བཅོས་ལག་བསྟར་བསམ་འཆར་》བཅས་གྲོས་ཞིབ་བྱས་ནས་གྲོས་འཆམ་བྱུང་བ་དང་། ད་དུང་དོན་ཚན་གཞན་དག་ཞིབ་འཇུག་བྱས།

 


分享到：QQ空间新浪微博腾讯微博人人网微信